TEIF 2025 forumyna gatnaşyjylar Türkmenistanyň energetika toplumynda maýa goýum mümkinçiliklerini maslahatlaşdylar
10:30 25.04.2025 3096
2025-nji ýylyň 24-nji aprelinde Malaýziýanyň paýtagty Kuala-Lumpurda Türkmenistanyň ykdysadyýetine daşary ýurt maýa goýumlaryny çekmek boýunça halkara forumy TEIF 2025-niň ikinji güni geçirildi. Günüň birinji ýarymynda geçirilen umumy mejlis “Türkmenistanyň energetika pudagyndaky maýa goýum mümkinçilikler: nebit we nebit-himiýa” mowzugyna bagyşlandy.
Bu sessiýa Türkmenistanyň energetika pudagyndaky giň maýa goýum mümkinçiliklerine, aýratyn-da nebit we nebit-himiýa ugurlaryna gönükdirildi. Bellenilişi ýaly, ýurduň strategik çemeleşmesi uly uglewodorod serişdelerini ykdysady ösüşe, eksporty diwersifikasiýalaşdyrmaga we dünýä bazarlaryna integrasiýa gönükdirýär.
Bu strategiýanyň möhüm bölegi hökmünde nebiti gaýtadan işleýän zawodlaryň tapgyrlaýyn döwrebaplaşdyrylmagy görkezilýär. Munuň netijesinde gaýtadan işlemek kuwwaty artdyrylýar, önümleriň hili ýokarlanýar we eksport mümkinçilikleri giňeldilýär.
Sesssiýanyň dowamynda çykyş edenleriň temalarynyň hatarynda Hazar deňziniň türkmen bölegindäki nebit ýataklaryny özleşdirmäge maýa goýum çekmek, uglewodorod serişdelerini gözlemek we çykarmakda innowasion çemeleşmeler, döwrebap nebit-himiýa toplumlarynyň gurluşygy, Türkmenistanyň degişli kanunçylygynyň seljerilmegi, ýataklaryň çykarylyşynyň optimizasiýasy, häzirki geologiýanyň mümkinçilikleri we kynçylyklary, şeýle hem magdan we dag-magdan däl peýdaly gazylmalary gözlemek ýaly meseleler boldy.
Mejlisiň barşynda “Türkmennebit” döwlet konserniniň başlygy Guwanç Agajanow, “Türkmengeologiýa” döwlet korporasiýasynyň başlygy Gurbandurdy Garlyýew, PETRONAS Carigali (Turkmenistan) Sdn Bhd-niň baş ýerine ýetiriji direktory Ismadi bin Ismail, Eni Turkmenistan Limited-iň direktory Jorjio Kastriota Skanderberg, GaffneyCline TM Energy Advisory kompaniýasynyň sebit boýunça direktory Stiwen Trewers, Nebitgaz we energetika hyzmatlary geňeşiniň (MOGSC) prezidenti Saýed Saggaff Saýed Ahmat, “EnQuest” kompaniýasynyň Günorta-Gündogar Aziýa boýunça baş direktory Ahmed Radzif, SPE-niň Kuala-Lumpur bölüminiň başlygy Anwaruddin Saidu Mohamed çykyş etdi.
Forumyň işi soňra “Türkmenistanyň we Malaýziýanyň hususy pudaklarynyň hyzmatdaşlygyny ösdürmek: senagat we hyzmatlar ulgamy” atly 4-nji mejlis bilen dowam etdi.
Bu sessiýa Türkmenistanyň senagat, dokma we azyk pudaklaryny ösdürmäge bagyşlanyp, öndürijiligi we eksport mümkinçiliklerini artdyrmakda maýa goýum mümkinçilikleri we hökümet başlangyçlary ara alnyp maslahatlaşyldy. Hususan-da, önümçilik kuwwatlyklarynyň giňeldilmegi, importyň ornuny tutmak we ýurdumyzyň halkara bazarlarda bäsdeşlige ukyplylygyny ýokarlandyrmak boýunça strategiýalar hödürlendi.
Maýadarlara bu ugurlarda ösüşi üpjün edýän strategiýalar we eksport kuwwatyny pugtalandyrmaga ýardam berýän çäreler barada maglumatlar berildi. Şeýle-de çykyşlarda Türkmenistanyň hususy pudagynyň ykdysady ösüşde hereketlendiriji güýç hökmünde orny, döwlet-hususy hyzmatdaşlygynyň maýa goýum üçin döredýän mümkinçilikleri, senagat, dokma we azyk önümçiligi pudaklarynyň artýan eksport mümkinçilikleri bellenildi.
Eksporty halkara bazarlara çykarmak boýunça strategiýalarda ISO, API, DNV GL, CE Marking, TÜV, FDA we HALAL ýaly halkara standartlara laýyklykda öndürilýän önümleri ösdürmek arkaly Türkmenistanyň dünýä bazarynda bäsdeşlige ukyply üpjün ediji hökmünde orny güýçlendirmek meseleleri ara alnyp maslahatlaşyldy.
Yragyň wekiliýeti «Türkmengaz» DK bilen türkmen tebigy gazyny satyn almagyň mümkinçiliklerini maslahatlaşdy
Türkmenistanyň Nebitgaz toplumynyň Merkezi binasynda «Türkmengaz» döwlet konserniniň ýolbaşçylygy bilen Türkmenistana sapar bilen gelen Yrak Respublikasynyň arasynda gepleşikler geçirildi. Yragyň wekiliýetine Energetika ministriniň orunbasary Adil Karim Kak Ahmed we nebit ministriniň orunbasary Ezat Sabir Esmail ýolbaşçylyk etdi.
Türkmenistanyň ýangyç-energetika toplumynda ýedi aýda alnyp barlan işleriň netijelerine garaldy
27-nji awgustda Türkmenistanyň nebitgaz toplumynyň merkezi binasynda Arkadag Serdarly bagtyýar ýaşlar ýylynyň geçen ýedi aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 25-nji awgustda hormatly Prezidentimiz Serdar Berdimuhamedowyň ýurdumyzyň ykdysadyýetiniň pudaklarynda alnyp barlan işleriň netijelerine bagyşlap sanly ulgam arkaly geçiren Türkmenistanyň Ministrler Kabinetiniň mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ýollary kesgitlenildi.
Türkmenistanyň Halk Maslahatynyň Başlygy we Palestinanyň daşary işler ministri özara bähbitli hyzmatdaşlygy ýola goýmagyň mümkinçiliklerini maslahatlaşdylar
Penşenbe güni türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Palestina Döwletiniň daşary işler we daşary ýurtlarda ýaşaýan palestinalylaryň işleri boýunça ministri Riýad al-Malikiniň arasynda geçirilen duşuşykda özara bähbitli türkmen-palestina ykdysady gatnaşyklaryny ýola goýmak üçin giň mümkinçilikleriň barlygy maslahatlaşyldy diýip, TDH habar berýär.
Ýanwar-iýul aýlarynda Türkmenistanda jemi içerki önümiň ösüşi 6,2% boldy
2023-nji ýylyň ýanwar-iýul aýlarynda Türkmenistanda jemi içerki önümiň ösüş depgini 6,2% boldy. Bu barada maglumat geçen anna güni sanly ulgam arkaly geçirilen Hökümet mejlisinde aýdyldy.
Türkmenistanyň we Malaýziýanyň DIM-niň wekilleri söwda, energetika we beýleki ugurlarda hyzmatdaşlyk meselelerini maslahatlaşdylar
Çarşenbe güni Türkmenistanyň Daşary işler ministrliginde Türkmen-Malaýziýa DIM-leriniň arasynda onlaýn görnüşde geňeşmeler geçirildi. Geňeşleriň dowamynda iki ýurduň diplomatlary syýasy-diplomatik, söwda-ykdysady, energetika we ynsanperwer ugurlarda köptaraplaýyn we ikitaraplaýyn hyzmatdaşlygyň köp meselelerini ara alyp maslahatlaşdylar diýip, Türkmenistanyň DIM-niň saýty habar berýär.