GECF-niň Baş sekretary dünýäniň gaz bazarynda Türkmenistanyň ornuny belledi
13:15 21.03.2025 3179
“Halkara parahatçylyk we ynanyşmak ýyly: durnukly ösüşi üpjün etmekde sebitara ykdysady hyzmatdaşlygyň orny” atly halkara maslahatyna Gazy eksport ediji ýurtlaryň forumynyň (GECF) Baş sekretary Mohammed Hamel gatnaşdy.
TOPH gaz geçirijisine bagyşlanan tematik sessiýada çykyş eden Mohammed Hamel tebigy gazyň ählumumy energetika howpsuzlygy we durnukly ösüşdäki iň möhüm ornuny aýratyn belläp, Türkmenistanyň energetika serişdeleriniň esasy üpjün edijisi hökmünde ägirt uly mümkinçiliklerine ünsi çekdi.
Ol şeýle hem ýurduň dünýäde tebigy gaz ätiýaçlyklary boýunça bäşinji orunda durýandygyny nygtady.
Türkmenistanyň tebigy gaz çykarylyşyny ep-esli artdyrmak baradaky meýilnamalaryny belläp geçip, ol “Galkynyş” käniniň özleşdirilmegine, strategiki serhetüsti infrastruktura taslamalaryna, şol sanda Merkezi Aziýa-Hytaý (D şahasy) gaz geçirijisiniň giňeldilmegine, TOPH gaz geçirijisine we Hazarüsti gaz geçirijisine ýokary baha berdi.
Gurama ýolbaşçysy GECF-niň maksatlarynyň Türkmenistanyň uzak möhletleýin energetika strategiýasy bilen gabat gelýändigini belläp, Aşgabadyň sebitleýin energetika howpsuzlygyny berkitmek, ykdysady integrasiýany we durnukly ösüşi ilerletmek ugrunda edýän tagallalaryny ýokary bahalandyryp geçdi.
Hamel tebigy gazyň adalatly we giň gerimli energetiki geçişiň möhüm esaslarynyň biri bolup galýandygyny tassyklady. Şeýle hem, asyryň ortalaryna çenli dünýäde tebigy gaza bolan islegiň 32% ýokarlanjakdygyny, ýaşyl energiýa geçişiniň tertipli amala aşyrylmagy üçin halkara hyzmatdaşlygynyň we infrastruktura uly maýa goýumlarynyň zerurdygyny nygtady.
Çykyşynyň ahyrynda Mohammed Hamel Türkmenistan bilen gatnaşyklary has-da pugtalandyrmaga umyt bildirip, ýurdumyzyň sebitleýin energetika hyzmatdaşlygyny ösdürmekdäki öňdebaryjydygyny belledi hem-de Türkmenistanyň energetika diplomatiýasynyň has ygtybarly, durnukly we gülläp ösýän sebitleýin we ählumumy energetika landşaftyny döretmäge uly goşant goşjakdygyna ynam bildirdi.
Yragyň wekiliýeti «Türkmengaz» DK bilen türkmen tebigy gazyny satyn almagyň mümkinçiliklerini maslahatlaşdy
Türkmenistanyň Nebitgaz toplumynyň Merkezi binasynda «Türkmengaz» döwlet konserniniň ýolbaşçylygy bilen Türkmenistana sapar bilen gelen Yrak Respublikasynyň arasynda gepleşikler geçirildi. Yragyň wekiliýetine Energetika ministriniň orunbasary Adil Karim Kak Ahmed we nebit ministriniň orunbasary Ezat Sabir Esmail ýolbaşçylyk etdi.
Türkmenistanyň ýangyç-energetika toplumynda ýedi aýda alnyp barlan işleriň netijelerine garaldy
27-nji awgustda Türkmenistanyň nebitgaz toplumynyň merkezi binasynda Arkadag Serdarly bagtyýar ýaşlar ýylynyň geçen ýedi aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 25-nji awgustda hormatly Prezidentimiz Serdar Berdimuhamedowyň ýurdumyzyň ykdysadyýetiniň pudaklarynda alnyp barlan işleriň netijelerine bagyşlap sanly ulgam arkaly geçiren Türkmenistanyň Ministrler Kabinetiniň mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ýollary kesgitlenildi.
Türkmenistanyň Halk Maslahatynyň Başlygy we Palestinanyň daşary işler ministri özara bähbitli hyzmatdaşlygy ýola goýmagyň mümkinçiliklerini maslahatlaşdylar
Penşenbe güni türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Palestina Döwletiniň daşary işler we daşary ýurtlarda ýaşaýan palestinalylaryň işleri boýunça ministri Riýad al-Malikiniň arasynda geçirilen duşuşykda özara bähbitli türkmen-palestina ykdysady gatnaşyklaryny ýola goýmak üçin giň mümkinçilikleriň barlygy maslahatlaşyldy diýip, TDH habar berýär.
Ýanwar-iýul aýlarynda Türkmenistanda jemi içerki önümiň ösüşi 6,2% boldy
2023-nji ýylyň ýanwar-iýul aýlarynda Türkmenistanda jemi içerki önümiň ösüş depgini 6,2% boldy. Bu barada maglumat geçen anna güni sanly ulgam arkaly geçirilen Hökümet mejlisinde aýdyldy.
Türkmenistanyň we Malaýziýanyň DIM-niň wekilleri söwda, energetika we beýleki ugurlarda hyzmatdaşlyk meselelerini maslahatlaşdylar
Çarşenbe güni Türkmenistanyň Daşary işler ministrliginde Türkmen-Malaýziýa DIM-leriniň arasynda onlaýn görnüşde geňeşmeler geçirildi. Geňeşleriň dowamynda iki ýurduň diplomatlary syýasy-diplomatik, söwda-ykdysady, energetika we ynsanperwer ugurlarda köptaraplaýyn we ikitaraplaýyn hyzmatdaşlygyň köp meselelerini ara alyp maslahatlaşdylar diýip, Türkmenistanyň DIM-niň saýty habar berýär.