Täze kitabyň tanyşdyrylyş dabarasy geçirildi
06:00 17.01.2025 3066
Geçen hepdede Ýagşygeldi Kakaýew adyndaky Halkara nebit we gaz uniwersitetinde hormatly Prezidentimiz Serdar Berdimuhamedowyň «Magtymguly — dünýäniň akyldary» atly täze kitabynyň tanyşdyrylyş dabarasy geçirildi. Oňa uniwersitetimiziň professor-mugallymlary we talyplary gatnaşdylar.
Tanyşdyrylyş dabarasynyň dowamynda bolan çykyşlarda Arkadagly Gahryman Serdarymyzyň görnükli söz ussadynyň mirasynyň, onuň dünýä edebiýatyna goşan goşandynyň, şahyryň ýubileýi mynasybetli guralan dabaralaryň giňden beýan edilýän «Magtymguly — dünýäniň akyldary» atly täze kitabynyň çapdan çykmagynyň ähmiýeti bellenildi. Akyldaryň durmuş ýolunyň we döredijiliginiň ylmy esasda öwrenilişi, şahyryň pähim-parasatly wesýetleriniň parahatçylygy pugtalandyrmakdaky orny, şeýle-de «Pähim-paýhas ummany Magtymguly Pyragy» diýen şygara beslenen 2024-nji ýylda geçirilen halkara daralaryň ähmiýeti barada gürrüň berýän bu ajaýyp kitap halkymyz üçin gymmatly sowgat boldy. Eseriň talyplar we mugallymlar üçin aýratyn ähmiýetiniň bardygy bellenildi. Kitap mugallymlar üçin akyldar Pyragynyň döredijilik dünýäsini ýaşlara wagyz etmekde, milli mirasa sarpa goýmak bilen, olaryň watansöýjülik duýgusyny ösdürmekde, kämilleşdirmekde, Berkarar döwletiň täze eýýamynyň Galkynyşy döwründe akyldaryň arzuwlan Garaşsyz Diýaryndaky özgerişleri, özbaşdaklyk syýasatynyň çuň manysyny ýaşlara öwretmekde taýsyz çeşmedir. Talyplar üçin bolsa täze eser olaryň bilimli, giň dünýägaraýyşly, sagdyn ruhly, zähmetsöýer, watansöýüji, arassa ahlakly bolup ýetişmeklerinde ähmiýeti örän uludyr. Türkmen halkynyň beýik akyldary, şahyry, filosofy Magtymguly Pyragynyň döredijiligi nesillerden-nesillere ýetirilmek bilen, ynsanlaryň kalbyna ornaşdy. Hormatly Prezidentimiziň belleýşi ýaly, beýik akyldar şahyrymyz Magtymguly Pyragy geljek nesillere baý edebi mirasy galdyrypdyr. Onuň döredijiligi sözüň doly manysynda türkmen halkymyzyň milli baýlygyna, ruhy hazynasyna öwrüldi.
Tanyşdyrylyş dabarasynda nygtalyşy ýaly, hormatly Prezidentimiziň täze kitaby owadan fotosuratlar bilen bezelip, ýokary çaphana usulynda, üç dilde — türkmen, rus we iňlis dilleriniň hersinde aýratyn kitap görnüşinde çap edildi. Sekiz bölümden ybarat bolan neşir giň okyjylar köpçüligine, ylmyň we çeper edebiýatyň muşdaklaryna, Magtymguly Pyragynyň döredijilik mirasyny öwrenijilere niýetlenendir.
Magtymguly Pyragynyň örän baý edebi mirasy parahatçylyk, adalatlylyk, ynsanperwerlik, dostluk, doganlyk, adama hormat goýmak taglymatlary dünýäde uly goldawa eýedir. Hormatly Prezidentimiziň täze kitabynda bular barada çuň mazmunda beýan edilýär.
Yragyň wekiliýeti «Türkmengaz» DK bilen türkmen tebigy gazyny satyn almagyň mümkinçiliklerini maslahatlaşdy
Türkmenistanyň Nebitgaz toplumynyň Merkezi binasynda «Türkmengaz» döwlet konserniniň ýolbaşçylygy bilen Türkmenistana sapar bilen gelen Yrak Respublikasynyň arasynda gepleşikler geçirildi. Yragyň wekiliýetine Energetika ministriniň orunbasary Adil Karim Kak Ahmed we nebit ministriniň orunbasary Ezat Sabir Esmail ýolbaşçylyk etdi.
Türkmenistanyň ýangyç-energetika toplumynda ýedi aýda alnyp barlan işleriň netijelerine garaldy
27-nji awgustda Türkmenistanyň nebitgaz toplumynyň merkezi binasynda Arkadag Serdarly bagtyýar ýaşlar ýylynyň geçen ýedi aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 25-nji awgustda hormatly Prezidentimiz Serdar Berdimuhamedowyň ýurdumyzyň ykdysadyýetiniň pudaklarynda alnyp barlan işleriň netijelerine bagyşlap sanly ulgam arkaly geçiren Türkmenistanyň Ministrler Kabinetiniň mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ýollary kesgitlenildi.
Türkmenistanyň Halk Maslahatynyň Başlygy we Palestinanyň daşary işler ministri özara bähbitli hyzmatdaşlygy ýola goýmagyň mümkinçiliklerini maslahatlaşdylar
Penşenbe güni türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Palestina Döwletiniň daşary işler we daşary ýurtlarda ýaşaýan palestinalylaryň işleri boýunça ministri Riýad al-Malikiniň arasynda geçirilen duşuşykda özara bähbitli türkmen-palestina ykdysady gatnaşyklaryny ýola goýmak üçin giň mümkinçilikleriň barlygy maslahatlaşyldy diýip, TDH habar berýär.
Ýanwar-iýul aýlarynda Türkmenistanda jemi içerki önümiň ösüşi 6,2% boldy
2023-nji ýylyň ýanwar-iýul aýlarynda Türkmenistanda jemi içerki önümiň ösüş depgini 6,2% boldy. Bu barada maglumat geçen anna güni sanly ulgam arkaly geçirilen Hökümet mejlisinde aýdyldy.
Türkmenistanyň we Malaýziýanyň DIM-niň wekilleri söwda, energetika we beýleki ugurlarda hyzmatdaşlyk meselelerini maslahatlaşdylar
Çarşenbe güni Türkmenistanyň Daşary işler ministrliginde Türkmen-Malaýziýa DIM-leriniň arasynda onlaýn görnüşde geňeşmeler geçirildi. Geňeşleriň dowamynda iki ýurduň diplomatlary syýasy-diplomatik, söwda-ykdysady, energetika we ynsanperwer ugurlarda köptaraplaýyn we ikitaraplaýyn hyzmatdaşlygyň köp meselelerini ara alyp maslahatlaşdylar diýip, Türkmenistanyň DIM-niň saýty habar berýär.