ADNOC we Petronas kompaniýalary bilen nebitgaz ulgamynda hyzmatdaşlygy giňeltmegiň geljegi maslahatlaşyldy
08:16 18.01.2025 5345
Türkmenistanyň nebitgaz toplumynyň Merkezi binasynda “Türkmennebit” döwlet konserniniň ýolbaşçylarynyň Abu-Dabiniň Milli nebit kompaniýasynyň (ADNOC) wise-premzidenti Dipeş Meazurýan bilen Petronas Charigali Sdn. Bhd malaý kompaniýasynyň wekilleriniň arasynda duşuşyk geçirildi diýip, Türkmenistan Halkara habarlar merkezi habar berýär.
Duşuşygyň dowamynda ikitaraplaýyn hyzmatdaşlygyň möhüm meseleleri, uglewodorod serişdelerini çykarmak, gaýtadan işlemek we Türkmenistanyň nebitgaz toplumyny döwrebaplaşdyrmak boýunça täze bilelikdäki taslamalary amala aşyrmagyň geljekki mümkinçilikleri ara alnyp maslahatlaşyldy. Türkmen energiýa serişdelerini dünýä bazarlaryna eksport etmek meselelerine aýratyn üns berildi.
ADNOC-yň wise-prezidenti we duşuşygyň beýleki gatnaşyjylary Türkmenistanyň ýangyç-energetika toplumynyň mümkinçiliklerini ýokary derejede bahalandyryp, hyzmatdaşlyk gatnaşyklaryny has-da berkitmäge taýýardyklaryny beýan etdiler.
Bellenilişi ýaly, Türkmenistanda energiýa serişdelerini netijeli peýdalanmaga, energiýa tygşytlaýjy tehnologiýalary ornaşdyrmaga we gaýtadan dikeldilýän energiýa çeşmelerini ösdürmäge döwlet derejesinde uly ähmiýet berilýär. Şu babatda häzirki zaman öňdebaryjy tejribeleriň we innowasion tehnologiýalaryň ulanylmagy möhüm wezipe hökmünde kesgitlenildi.
Ýokary derejeli wekiliýetiň sapary Türkmenistany energetika pudagynda daşary ýurt maýa goýumlary üçin özüne çekiji ugur hökmünde görkezýär. Biziň ýurdumyz ägirt uly nebit we gaz gorlaryna, şeýle hem durnukly syýasy ýagdaýlara eýe bolup, uzak möhletleýin özara bähbitli hyzmatdaşlygy ösdürmek üçin amatly şertleri döredýär.
Yragyň wekiliýeti «Türkmengaz» DK bilen türkmen tebigy gazyny satyn almagyň mümkinçiliklerini maslahatlaşdy
Türkmenistanyň Nebitgaz toplumynyň Merkezi binasynda «Türkmengaz» döwlet konserniniň ýolbaşçylygy bilen Türkmenistana sapar bilen gelen Yrak Respublikasynyň arasynda gepleşikler geçirildi. Yragyň wekiliýetine Energetika ministriniň orunbasary Adil Karim Kak Ahmed we nebit ministriniň orunbasary Ezat Sabir Esmail ýolbaşçylyk etdi.
Türkmenistanyň ýangyç-energetika toplumynda ýedi aýda alnyp barlan işleriň netijelerine garaldy
27-nji awgustda Türkmenistanyň nebitgaz toplumynyň merkezi binasynda Arkadag Serdarly bagtyýar ýaşlar ýylynyň geçen ýedi aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 25-nji awgustda hormatly Prezidentimiz Serdar Berdimuhamedowyň ýurdumyzyň ykdysadyýetiniň pudaklarynda alnyp barlan işleriň netijelerine bagyşlap sanly ulgam arkaly geçiren Türkmenistanyň Ministrler Kabinetiniň mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ýollary kesgitlenildi.
Türkmenistanyň Halk Maslahatynyň Başlygy we Palestinanyň daşary işler ministri özara bähbitli hyzmatdaşlygy ýola goýmagyň mümkinçiliklerini maslahatlaşdylar
Penşenbe güni türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Palestina Döwletiniň daşary işler we daşary ýurtlarda ýaşaýan palestinalylaryň işleri boýunça ministri Riýad al-Malikiniň arasynda geçirilen duşuşykda özara bähbitli türkmen-palestina ykdysady gatnaşyklaryny ýola goýmak üçin giň mümkinçilikleriň barlygy maslahatlaşyldy diýip, TDH habar berýär.
Ýanwar-iýul aýlarynda Türkmenistanda jemi içerki önümiň ösüşi 6,2% boldy
2023-nji ýylyň ýanwar-iýul aýlarynda Türkmenistanda jemi içerki önümiň ösüş depgini 6,2% boldy. Bu barada maglumat geçen anna güni sanly ulgam arkaly geçirilen Hökümet mejlisinde aýdyldy.
Türkmenistanyň we Malaýziýanyň DIM-niň wekilleri söwda, energetika we beýleki ugurlarda hyzmatdaşlyk meselelerini maslahatlaşdylar
Çarşenbe güni Türkmenistanyň Daşary işler ministrliginde Türkmen-Malaýziýa DIM-leriniň arasynda onlaýn görnüşde geňeşmeler geçirildi. Geňeşleriň dowamynda iki ýurduň diplomatlary syýasy-diplomatik, söwda-ykdysady, energetika we ynsanperwer ugurlarda köptaraplaýyn we ikitaraplaýyn hyzmatdaşlygyň köp meselelerini ara alyp maslahatlaşdylar diýip, Türkmenistanyň DIM-niň saýty habar berýär.