Seýdiniň NGIZ nebit önümleriniň önümçiligini ýokary depginde saklaýar
15:28 14.01.2025 5891
Seýdiniň nebiti gaýtadan işleýän zawodynyň 2024-nji ýylyň ýanwar-noýabr aýlarynda 431,4 müň tonnadan gowrak çig mal gaýtadan işlenip, meýilnama 109,1 göterim ýerine ýetirildi.
Netijede, öndürilen umumy önümiň möçberi 375,7 müň tonna barabar boldy, bu bolsa degişli meýilnamanyň 102,5 göterim ýerine ýetirilendigini görkezýär. Görkezijilere görä, nebit önümleri 2023-nji ýylyň degişli döwri bilen deňeşdirilende, 17,4 müň tonnadan gowrak köp öndürildi.
Geçen ýylyň on bir aýynda 219 müň tonna benzin öndürildi, bu bolsa 2023-nji ýylyň degişli döwri bilen deňeşdirilende 109,6 göterim ýokarydyr. Şeýle hem geçen döwürde 109,6 müň tonna dizel ýangyjy, 23,6 müň tonna agyr wakuum gazoýly we 19 müň tonnadan gowrak ýol bitumy öndürildi. Bu görnüşdäki nebit önümleri içerki we daşarky bazarlarda uly islegden peýdalanýar, şonuň üçin olaryň satuwynda ýokary netijeler gazanyldy.
Döwlet Baştutany ýurdumyzda nebitgaz pudagyna aýratyn üns berýär. Netijede, Seýdiniň NGIZ-niň maddy-enjamlaýyn binýady yzygiderli pugtalandyrylýar. Soňky ýyllarda zawodda düýpli täzeden gurmak boýunça birnäçe iri taslamalar üstünlikli durmuşa geçirildi.
2024-nji ýylyň 29-njy noýabrynda geçirilen Ministrler Kabinetiniň sanly ulgam arkaly mejlisinde Prezident zawodda suw üpjünçilik ulgamyny döwrebaplaşdyrmak boýunça hödürlenen teklibi goldap, bu ugurda degişli işleri geçirmek barada görkezme berdi.
- Nebiti gaýtadan işleýän hünärmenlerimiziň esasy maksady – döwlet Baştutanymyzyň senagatlaşdyrmak we halkyň ýaşaýyş derejesini täze derejä çykarmak boýunça beren tabşyryklaryny üstünlikli ýerine ýetirmekdir. Tijenip edilen işleriň netijesinde, biz ýyly uly zähmet üstünlikleri bilen tamamladyk, - diýip, zawodyň ilkinji kärdeşler arkalaşygynyň başlygy Ahmet Annamyradow belleýär.
Yragyň wekiliýeti «Türkmengaz» DK bilen türkmen tebigy gazyny satyn almagyň mümkinçiliklerini maslahatlaşdy
Türkmenistanyň Nebitgaz toplumynyň Merkezi binasynda «Türkmengaz» döwlet konserniniň ýolbaşçylygy bilen Türkmenistana sapar bilen gelen Yrak Respublikasynyň arasynda gepleşikler geçirildi. Yragyň wekiliýetine Energetika ministriniň orunbasary Adil Karim Kak Ahmed we nebit ministriniň orunbasary Ezat Sabir Esmail ýolbaşçylyk etdi.
Türkmenistanyň ýangyç-energetika toplumynda ýedi aýda alnyp barlan işleriň netijelerine garaldy
27-nji awgustda Türkmenistanyň nebitgaz toplumynyň merkezi binasynda Arkadag Serdarly bagtyýar ýaşlar ýylynyň geçen ýedi aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 25-nji awgustda hormatly Prezidentimiz Serdar Berdimuhamedowyň ýurdumyzyň ykdysadyýetiniň pudaklarynda alnyp barlan işleriň netijelerine bagyşlap sanly ulgam arkaly geçiren Türkmenistanyň Ministrler Kabinetiniň mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ýollary kesgitlenildi.
Türkmenistanyň Halk Maslahatynyň Başlygy we Palestinanyň daşary işler ministri özara bähbitli hyzmatdaşlygy ýola goýmagyň mümkinçiliklerini maslahatlaşdylar
Penşenbe güni türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Palestina Döwletiniň daşary işler we daşary ýurtlarda ýaşaýan palestinalylaryň işleri boýunça ministri Riýad al-Malikiniň arasynda geçirilen duşuşykda özara bähbitli türkmen-palestina ykdysady gatnaşyklaryny ýola goýmak üçin giň mümkinçilikleriň barlygy maslahatlaşyldy diýip, TDH habar berýär.
Ýanwar-iýul aýlarynda Türkmenistanda jemi içerki önümiň ösüşi 6,2% boldy
2023-nji ýylyň ýanwar-iýul aýlarynda Türkmenistanda jemi içerki önümiň ösüş depgini 6,2% boldy. Bu barada maglumat geçen anna güni sanly ulgam arkaly geçirilen Hökümet mejlisinde aýdyldy.
Türkmenistanyň we Malaýziýanyň DIM-niň wekilleri söwda, energetika we beýleki ugurlarda hyzmatdaşlyk meselelerini maslahatlaşdylar
Çarşenbe güni Türkmenistanyň Daşary işler ministrliginde Türkmen-Malaýziýa DIM-leriniň arasynda onlaýn görnüşde geňeşmeler geçirildi. Geňeşleriň dowamynda iki ýurduň diplomatlary syýasy-diplomatik, söwda-ykdysady, energetika we ynsanperwer ugurlarda köptaraplaýyn we ikitaraplaýyn hyzmatdaşlygyň köp meselelerini ara alyp maslahatlaşdylar diýip, Türkmenistanyň DIM-niň saýty habar berýär.