Aşgabatda döwlet toplumynda emeli aňyň ulanylyşy maslahatlaşylýar
11:46 08.01.2025 3477
Türkmenistanyň Prezidentiniň ýanyndaky Döwlet gullugy akademiýasynda sanly medeniýete we döwlet dolandyryşynyň sanly özgertmelerine bagyşlanan dört günlük okuw maslahaty başlandy. Bu çäre BMG-niň Ösüş Maksatnamasy bilen bilelikdäki taslamanyň çäklerinde, sanlylaşdyrmak boýunça halkara bilermeni, RUDN uniwersitetiniň emeli aň fakultetiniň professory Wiktor Dostowyň gatnaşmagynda geçirilýär.
Okuw maslahatynyň esasy maksady döwlet işgärlerini döwrebap sanly gurallara öwretmekden ybaratdyr. Sapaklaryň dowamynda gatnaşyjylar sanly özgertmeleri täze senagat rewolýusiýasy hökmünde ele alyp, onuň esasy elementlerini we jemgyýetçilik täsirlerini, şol sanda zähmet bazaryndaky üýtgeşmeleri öwrenýärler.
Çäräniň aýratyn üns berýän ugruny maliýe institutlarynyň we elektron hökümetiň tehnologiýalary düzýär. Programma degişli bir bölüm emeli intellektiň sanlylaşdyrmagyň hereketlendirijisi hökmünde öwrenilmegine, onuň jemgyýetçilik platformalaryndaky ulanylyşyna we raýat jemgyýetiniň ösüşindäki ornuna bagyşlanýar.
Professor Dostowyň bellemegine görä, bu okuw maslahaty Türkmenistanyň Döwlet gullugy akademiýasy bilen uzakmöhletleýin hyzmatdaşlygyň bir bölegidir.
– Biz sanlylaşdyrmagy ýurduň bähbidi nukdaýnazaryndan ara alyp maslahatlaşmaga, respublikanyň netijeliligini ýokarlandyrmak we raýatlaryň durmuşyny gowulandyrmak üçin nähili ädimleriň zerurdygyny anyklamaga synanyşarys – diýip, bilermen aýtdy.
Şeýle-de, Wiktor Dostow 2025-nji ýylda emeli aň mowzugynyň aýratyn wajypdygyny nygtady.
– Häzirki döwürde iň gyzykly tema – emeli aňdyr. Biz onuň ösüş mümkinçiliklerini we döwlet hem-de hususy tplumda ulanylyş mümkinçiliklerini ara alyp maslahatlaşarys – diýip, professor aýtdy.
Türkmenistan we Halkara sergiler býurosy hyzmatdaşlygy giňeltmäge taýýar
Halkara sergiler býurosynyň (HSB) Baş sekretary Dmitriý Kerkentzes Türkmenistan bilen gatnaşyklara ýokary baha berýär we halkara sergi işinde özara bähbitli hyzmatdaşlygy giňeltmäge taýýarlygyny mälim etdi. Bu barada Türkmenistanyň DIM-i habar berdi.
Serdar Berdimuhamedow: Türkmenistan Hytaý bilen hyzmatdaşlygynyň ösdürmäge taýýar
Türkmenistanyň täze saýlanan Prezidenti Serdar Berdimuhamedow Hytaý Halk Respublikasynyň Başlygy Si Szinpin bilen telefon arkaly söhbetdeşliginde Hytaý bilen köpugurly gatnaşyklaryny mundan beýläk hem ösdürmäge taýýarlygynyny ynandyrdy diýip, Türkmenistanyň Döwlet habarlar agentligi habar berýär.
Suwuklandyrylan gazyň eksportynyň çägi giňeýär
«Türkmengaz» döwlet konserniniň Lebap welaýatynda suwuklandyrylan gaz öndürmek boýunça müdirliginiň işi suwuklandyrylan gazyp önümçilik möçberlerini giňeltmeklige we ony eksport edijileriň sanawyny artdyrmaklyga gönükdirilendir. Häzirki zaman desgalarda öndürilen bu gymmatly önüm üçin täze eksport ugurlary kesgitlenildi.
Daşary ýurt döwletleriniň Liderleri Serdar Berdimuhamedowy öz ýurtlaryna sapar bilen gelmäge çagyrýar
Türkiýäniň, Azerbaýjanyň, Eýranyň, Gazagystanyň we Gyrgyzystanyň Liderleri hyzmatdaşlygy giňeltmegiň mümkinçiliklerini maslahatlaşmak üçin Türkmenistanyň täze saýlanan Prezidenti Serdar Berdimuhamedowy öz ýurtlaryna sapar bilen gelmäge çagyrýarlar.
Serdar Berdimuhamedow: halkyň ýokary durmuş derejesini üpjün etmeklige gönükdirilen maksatnamalaryň durmuşa geçirilmegi dowam eder
Türkmenistanda halkyň ýokary durmuş derejesini üpjün etmeklige gönükdirilen maksatnamalaryň durmuşa geçirilmegi dowam etdiriler. Bu barada sişenbe güni Türkmenistanyň täze saýlanan Prezidenti Serdar Berdimuhamedow Ministrler Kabinetiniň we Döwlet howpsuzlyk geňeşiniň giňişleýin mejlisinde eden çykyşynda belledi.