Türkmenistan we Ýaponiýa ykdysady hyzmatdaşlygy giňeltmegiň meselelerini maslahatlaşdylar
14:11 18.12.2024 2870
16-njy dekabrda Aşgabatda “Ýyldyz” otelinde Ykdysady hyzmatdaşlyk boýunça türkmen-ýapon komitetiniň 15-nji mejlisi geçirildi.
Forumyň işine gatnaşmak üçin «ITOCHU Corporation» kompaniýasynyň direktorlar geňeşiniň agzasy, ýerine ýetiriji wise-prezidenti, maşyn we enjamlar kompaniýasynyň prezidenti, bu komitetiň ýapon böleginiň başlygy Hiroýuki Subaýyň ýolbaşçylygyndaky Ýaponiýanyň işewür toparlarynyň uly wekiliýeti ýurdumyza geldi diýip, Türkmenistanyň DIM-i habar berdi.
Mejlisden öň kiçi düzümdäki duşuşyk geçirildi. Ýapon wekiliýetiniň düzümine iri ýapon kompaniýalarynyň, şeýle hem Ýaponiýanyň Söwda boýunça assosiasiýasynyň (ROTOBO) ýolbaşçylary girdiler.
Bilelikdäki mejlisiň gün tertibi hyzmatdaşlygyň dürli meselelerini öz içine aldy. Esasy ugurlaryň hatarynda – ulag, gurluşyk, senagat, elektroenergetika ekologiýa, “ýaşyl” energetika we ş.m.
Türkmenistanyň daşary syýasat edarasynyň ýolbaşçysy R.Meredow öz çykyşynda iki tarapyň wekiliýetleriniň saldamly düzümini belledi.
Özara pikir alyşmak, hyzmatdaşlygyň täze ugurlaryny kesgitlemek we ýakyn geljek üçin anyk hereketleriň meýilnamalaryny işläp taýýarlamak üçin meýdança bolan we mundan beýläkki netijeli dialogyň ösdürilmegi üçin hem berk esas bolup hyzmat etjek komitetleriň işine oňyn baha berildi.
Iki döwletiň ýolbaşçylarynyň yzygiderli duşuşyklarynyň Türkmenistan bilen Ýaponiýanyň arasyndaky dostlugy we hyzmatdaşlyk gatnaşyklaryny pugtalandyrmaga gönükdirilen giň gerimli we uzakmöhletleýin başlangyçlaryň ilerledilmegine güýçli syýasy itergi berýändigi bellenildi.
Çykyşlarda söwda, nebit-gaz we himiýa senagaty, aragatnaşyk, maliýe, şeýle hem saglygy goraýyş, ylym we bilim ýaly pudaklarda we ugurlarda bilelikdäki hyzmatdaşlygyň üstünlikli ösdürilýändigi nygtaldy.
Duşuşygyň dowamynda himiýa senagaty, gaz pudagy ýaly ugurlar boýunça öňdebaryjy ýapon kompaniýalary bilen döwlet pudak edaralarynyň arasynda resminamalaryň bukjasyna gol çekildi.
Ykdysady hyzmatdaşlyk boýunça Türkmen-ýapon we Ýapon-türkmen komitetleriniň bilelikdäki mejlisiň netijeleri boýunça Jemleýji teswirnama gol çekildi.
Yragyň wekiliýeti «Türkmengaz» DK bilen türkmen tebigy gazyny satyn almagyň mümkinçiliklerini maslahatlaşdy
Türkmenistanyň Nebitgaz toplumynyň Merkezi binasynda «Türkmengaz» döwlet konserniniň ýolbaşçylygy bilen Türkmenistana sapar bilen gelen Yrak Respublikasynyň arasynda gepleşikler geçirildi. Yragyň wekiliýetine Energetika ministriniň orunbasary Adil Karim Kak Ahmed we nebit ministriniň orunbasary Ezat Sabir Esmail ýolbaşçylyk etdi.
Türkmenistanyň ýangyç-energetika toplumynda ýedi aýda alnyp barlan işleriň netijelerine garaldy
27-nji awgustda Türkmenistanyň nebitgaz toplumynyň merkezi binasynda Arkadag Serdarly bagtyýar ýaşlar ýylynyň geçen ýedi aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 25-nji awgustda hormatly Prezidentimiz Serdar Berdimuhamedowyň ýurdumyzyň ykdysadyýetiniň pudaklarynda alnyp barlan işleriň netijelerine bagyşlap sanly ulgam arkaly geçiren Türkmenistanyň Ministrler Kabinetiniň mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ýollary kesgitlenildi.
Türkmenistanyň Halk Maslahatynyň Başlygy we Palestinanyň daşary işler ministri özara bähbitli hyzmatdaşlygy ýola goýmagyň mümkinçiliklerini maslahatlaşdylar
Penşenbe güni türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Palestina Döwletiniň daşary işler we daşary ýurtlarda ýaşaýan palestinalylaryň işleri boýunça ministri Riýad al-Malikiniň arasynda geçirilen duşuşykda özara bähbitli türkmen-palestina ykdysady gatnaşyklaryny ýola goýmak üçin giň mümkinçilikleriň barlygy maslahatlaşyldy diýip, TDH habar berýär.
Ýanwar-iýul aýlarynda Türkmenistanda jemi içerki önümiň ösüşi 6,2% boldy
2023-nji ýylyň ýanwar-iýul aýlarynda Türkmenistanda jemi içerki önümiň ösüş depgini 6,2% boldy. Bu barada maglumat geçen anna güni sanly ulgam arkaly geçirilen Hökümet mejlisinde aýdyldy.
Türkmenistanyň we Malaýziýanyň DIM-niň wekilleri söwda, energetika we beýleki ugurlarda hyzmatdaşlyk meselelerini maslahatlaşdylar
Çarşenbe güni Türkmenistanyň Daşary işler ministrliginde Türkmen-Malaýziýa DIM-leriniň arasynda onlaýn görnüşde geňeşmeler geçirildi. Geňeşleriň dowamynda iki ýurduň diplomatlary syýasy-diplomatik, söwda-ykdysady, energetika we ynsanperwer ugurlarda köptaraplaýyn we ikitaraplaýyn hyzmatdaşlygyň köp meselelerini ara alyp maslahatlaşdylar diýip, Türkmenistanyň DIM-niň saýty habar berýär.