Nebitgazçylaryň baýramy giň gerimde bellenildi
07:00 17.12.2024 4518
Türkmenistanyň nebitgaz toplumynyň merkezi binasynda Nebitgaz senagaty we geologiýa işgärleriniň güni mynasybetli «Pähim-paýhas ummany Magtymguly Pyragy ýylynda nebitgaz pudagynda ýetilen sepgitler» atly dabaraly baýramçylyk maslahaty geçirildi.
Türkmenistanyň Ministrler Kabinetiniň Başlygynyň orunbasary Batyr Amanowyň ýolbaşçylygynda geçirilen maslahata degişli toplumyň ýolbaşçylary, edara-kärhanalarynyň işgärleri we hünärmenleri gatnaşdylar. Ilki bilen, B.Amanow Nebitgaz senagaty we geologiýa işgärleriniň güni mynasybetli hormatly Prezidentimiziň iberen Gutlagyny okady.
Dabaraly pursatlarda önümçilikde ýokary netijeleri gazanan, hünär ussatlygy bilen tapawutlanan, ukyp-başarnygy boýunça kärdeşlerine görelde bolan nebitçilere, gazçylara, geologlara hormatly Prezidentimiziň adyndan gymmat bahaly sowgatlar gowşuryldy.
Mälim bolşy ýaly, «Pähim-paýhas ummany Magtymguly Pyragy» ýylynyň başynda Türkmenistanyň Nebitgaz senagaty toplumynyň işgärleriniň kärdeşler arkalaşygynyň Geňeşi, «Türkmengaz» döwlet konserni, «Türkmennebit» döwlet konserni «Nebit-gaz» gazeti bilen bilelikde bäsleşikleri yglan edipdi.
Dabaraly pursatlarda Nebitgaz senagaty we geologiýa işgärleriniň güni mynasybetli yglan edilen «Nebitgaz — baýlygym, hazyna-genjim, waspyň etsin diller, saňa buýsanjym!» we üstümizdäki şanly ýylyň ady bilen bagly:
«Ruhy dünýämiziň sönmez çyragy,
Ýürekleň buýsanjy dana Pyragy»
atly döredijilik bäsleşikleriniň jemi jemlenildi. «Nebitgaz — baýlygym, hazyna-genjim, waspyň etsin diller, saňa buýsanjym!» bäsleşiginiň jemi boýunça «Nebit-gaz» gazetiniň bölüm müdiri Oraznazar Heşdekow, «Türkmengeologiýa» DK-nyň önümçilik, ylym we tilsimatlar bölüminiň esasy hünärmeni Guwanç Meretdurdyýew, «Türkmennebit» döwlet konserniniň Edara ediş hojalyk işleri müdirliginiň umumy bölüminiň başlygy Aýtäç Rejepowa 1-nji orna, «Türkmennebit» döwlet konserniniň «Nebitgazylmytaslama» institutynyň inženeri Gülşat Garraýewa, «Türkmengaz» DK-nyň Ylmy-barlag tebigy gaz institutynyň laboratoriýa müdiri Sapargylyç Durdygylyjow, «Türkmengeologiýa» döwlet korporasiýasynyň «Balkangeofizika» ekspedisiýasynyň önümçilik-tehnika bölüminiň tehnologik enjamlarynyň inženeri Serdar Depbiýew 2-nji orna, «Türkmennebit» DK-nyň «Türkmennebitönümleri» baş müdirliginiň 7-nji ýangyç guýujy bekediniň 1-nji derejeli operatory Baýmyrat Balakaýew, «Türkmengaz» DK-nyň Ylmy-barlag tebigy gaz institutynyň geofizika bölüminiň kiçi ylmy işgäri Atageldi Durdyýew, «Türkmengaz» döwlet konserniniň Ylmy-barlag tebigy gaz institutynyň geologiýa-gözleg işleriniň ykdysadyýeti we nebitgaz serişdelerine baha bermek laboratoriýasynyň tehnigi Durdyjemal Nurmyradowa 3-nji orna mynasyp boldy.
«Ruhy dünýämiziň sönmez çyragy,
Ýürekleň buýsanjy dana Pyragy»
atly bäsleşikde «Türkmengeologiýa» DK-nyň Geologiki maglumatlar merkeziniň inženeri Ogulsuraý Garaýewa, «Türkmennebit» DK-nyň «Nebitgazburawlaýyş» trestiniň Abatlaýyş mehaniki zawodynyň KA-nyň ilkinji guramasynyň başlygy Bagtygül Mämmedowa, «Türkmengaz» DK-nyň «Türkmengazawtomatika» müdirliginiň esasy inžener-himigi Orazberdi Ýazgulyýew 1-nji orna, «Türkmennebit» DK-nyň «Nebitdagnebit» NGÇM-niň KA-nyň ilkinji guramasynyň başlygy Bibi Ataýewa, «Türkmengaz» DK-nyň Ylmy-barlag tebigy gaz institutynyň önümçilik geologiýasy bölüminiň başlygy Oraznur Nurmuradow, «Nebit-gaz» gazetiniň kompýuterde toplaýjy operatory Jahan Ödäýewa 2-nji orna, «Türkmengeologiýa» DK-nyň Maddy enjamlaýyn serişdeleri we üpjünçilik müdirliginiň tehnigi Rahman Bäşimow, «Türkmengeologiýa» DK-nyň gidrogeologiýa we inžener geologiýasy bölüminiň esasy hünärmeni Nazarmuhammet Goçyýew, «Türkmengaz» DK-nyň ykdysady bölüminiň baş hünärmeni Mähri Mämmedowa 3-nji ýere mynasyp boldy. Ýeňijileriň ählisine guramaçylar tarapyndan Hormat hatlary we gymmatbaha sowgatlar gowşuryldy.
Maslahatyň ahyrynda nebitgaz toplumynyň işgärleriniň adyndan hormatly Prezidentimize Ýüzlenme kabul edildi.
Nebitgaz senagaty we geologiýa işgärleriniň güni mynasybetli geçirilen dabara öýleden soňra «Türkmengaz» DK-nyň Medeni-işewürlik merkezinde dowam etdi. Bu ýerde bolan baýramçylyk konsertinde merkeziň sungat ussatlary ajaýyp döwrümizi wasp edýän şirin aýdym-sazlar bilen çykyş etdiler.
Nebitgaz senagaty we geologiýa işgärleriniň güni mynasybetli baýramçylyk dabarasy «Türkmennebit» DK-nyň we bu konserniň Kärdeşler arkalaşyklary komitetiniň guramaçylygynda Balkan welaýatynyň Balkanabat şäherindäki Nebitçileriň medeniýet köşgünde, şeýle-de Mary welaýat we Sakarçäge etrap häkimlikleriniň, «Marygazçykaryş» müdirliginiň, Mary nebitgaz orta hünär okuw mekdebiniň bilelikdäki guramaçylygynda Mary welaýatynyň Sakarçäge etrabynyň Şatlyk şäherindäki Medeniýet köşgünde geçirildi. Balkanabat we Şatlyk şäherlerinde geçirilen baýramçylyk çäreleriniň dowamynda ýangyç çig mal känlerinde, önümçiliklerde göreldeli zähmet çekýän nebitçilere, gazçylara, geologlara hormatly Prezidentimiziň adyndan gymmat bahaly sowgatlar hem-de hormat hatlary dabaraly gowşuryldy. Dabaralar nebitçileriň, gazçylaryň Medeniýet köşkleriniň sungat ussatlarynyň belent heňde ýaňlanan aýdym-sazlary, milli hem döwrebap tanslary, sahna çykyşlary bilen jemlenildi.
Yragyň wekiliýeti «Türkmengaz» DK bilen türkmen tebigy gazyny satyn almagyň mümkinçiliklerini maslahatlaşdy
Türkmenistanyň Nebitgaz toplumynyň Merkezi binasynda «Türkmengaz» döwlet konserniniň ýolbaşçylygy bilen Türkmenistana sapar bilen gelen Yrak Respublikasynyň arasynda gepleşikler geçirildi. Yragyň wekiliýetine Energetika ministriniň orunbasary Adil Karim Kak Ahmed we nebit ministriniň orunbasary Ezat Sabir Esmail ýolbaşçylyk etdi.
Türkmenistanyň ýangyç-energetika toplumynda ýedi aýda alnyp barlan işleriň netijelerine garaldy
27-nji awgustda Türkmenistanyň nebitgaz toplumynyň merkezi binasynda Arkadag Serdarly bagtyýar ýaşlar ýylynyň geçen ýedi aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 25-nji awgustda hormatly Prezidentimiz Serdar Berdimuhamedowyň ýurdumyzyň ykdysadyýetiniň pudaklarynda alnyp barlan işleriň netijelerine bagyşlap sanly ulgam arkaly geçiren Türkmenistanyň Ministrler Kabinetiniň mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ýollary kesgitlenildi.
Türkmenistanyň Halk Maslahatynyň Başlygy we Palestinanyň daşary işler ministri özara bähbitli hyzmatdaşlygy ýola goýmagyň mümkinçiliklerini maslahatlaşdylar
Penşenbe güni türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Palestina Döwletiniň daşary işler we daşary ýurtlarda ýaşaýan palestinalylaryň işleri boýunça ministri Riýad al-Malikiniň arasynda geçirilen duşuşykda özara bähbitli türkmen-palestina ykdysady gatnaşyklaryny ýola goýmak üçin giň mümkinçilikleriň barlygy maslahatlaşyldy diýip, TDH habar berýär.
Ýanwar-iýul aýlarynda Türkmenistanda jemi içerki önümiň ösüşi 6,2% boldy
2023-nji ýylyň ýanwar-iýul aýlarynda Türkmenistanda jemi içerki önümiň ösüş depgini 6,2% boldy. Bu barada maglumat geçen anna güni sanly ulgam arkaly geçirilen Hökümet mejlisinde aýdyldy.
Türkmenistanyň we Malaýziýanyň DIM-niň wekilleri söwda, energetika we beýleki ugurlarda hyzmatdaşlyk meselelerini maslahatlaşdylar
Çarşenbe güni Türkmenistanyň Daşary işler ministrliginde Türkmen-Malaýziýa DIM-leriniň arasynda onlaýn görnüşde geňeşmeler geçirildi. Geňeşleriň dowamynda iki ýurduň diplomatlary syýasy-diplomatik, söwda-ykdysady, energetika we ynsanperwer ugurlarda köptaraplaýyn we ikitaraplaýyn hyzmatdaşlygyň köp meselelerini ara alyp maslahatlaşdylar diýip, Türkmenistanyň DIM-niň saýty habar berýär.