Bakuwda COP29-da howa boýunça täze toparlaýyn maksat – 2035-nji ýyla çenli ýylda azyndan 300 mlrd dollar bölüp bermek tassyklanyldy
20:07 25.11.2024 580
Bakuwda BMG-niň Howanyň üýtgemegi boýunça COP29 maslahatynda Täze kollektiwleýin mukdar maksadynyň (NCQG) jemleýji wersiýasy tassyklanyldy. Ol 2035-nji ýyla çenli her ýylda azyndan 300 milliard dollar serişdäni bölüp bermekligi göz öňünde tutýar, bu bolsa ozalky bellenen 100 milliard dollarlyk maksadyň üç esse köpelendigini aňladýar diýip, Interfaks habar berýär.
COP29 maslahatynyň umumy mejlisiniň ikinji bölümi ýekşenbe güni giç agşam tamamlandy.
Mundan başga-da, maslahata gatnaşyjy ýurtlar täze maliýe guralyny – "Baku maliýeleşdirme maksatlaryny" (Baku Finance Goal) döretmek barada ylalaşdylar. Bu gural ösüp barýan ýurtlarda 2035-nji ýyla çenli howa taslamalaryny ösdürmek üçin her ýylda 1,3 trillion dollar toplamagy göz öňünde tutýar.
"Howa boýunça maliýeleşdirme ilkinji nobatdaky ileri tutulýan wezipe boldy. Karz aşagynda galan, tebigy betbagtçylyklar sebäpli ejir çekýän hem-de gaýtadan dikeldilýän energiýa çeşmeleri boýunça ösüşden yza galan ösüp barýan ýurtlar serişdelere örän mätäçlik çekýärler" diýip, BMG-niň Baş sekretary Antoniu Guterriş COP29-nyň netijeleri barada aýtdy. Onuň pikiriçe, bu ylalaşyk ählumumy maýlamagyň 1,5 gradus derejesinde saklanyp galmagy üçin zerurdy.
"Men maliýeleşdirme we ýaramaz täsirleri gowşatmak boýunça has uly maksatly netijä garaşýardym. Emma bu ylalaşyk mundan beýläk ösüş üçin esasy binýady üpjün edýär" diýip, BMG-niň Baş sekretary aýtdy.
COP29-nyň prezidenti, Azerbaýjanyň ekologiýa we tebigy baýlyklar ministri Muhtar Babaýew öz gezeginde COP29-nyň başlyklygynyň geljek ýylda hem dowam edip, COP30-yň başlyklygyny ýerine ýetirjek Braziliýa goldaw berjekdigini aýtdy. "Biz ähli ýurtlara öz milli goşantlaryny (NDC) indiki ýylyň fewralyna çenli täze görnüşde hödürlemegi maslahat bereris" diýip, ol belledi.
Ýewropa Bileleşiginiň howa meseleleri boýunça komissary Wopke Hukstra žurnalistlere häzirki geosyýasy döwürde howa maliýeleşdirişi boýunça gutarnykly ylalaşyk gazanylmagynyň uly üstünlikdigini aýtdy. "Biz has köp möçberde maliýeleşdirmäni üpjün etmek üçin köp iş etdik. 300 milliard dollar maksady has hakykata ýakyn. Şeýle hem maliýeleşdirmäni geljekde artdyrmak boýunça borçnama kabul etdik. Howa üýtgemegine has ejiz ýurtlaryň bu serişdelerden peýdalanmagy üpjün ediler" diýip, Hukstra aýtdy.
BMG-niň Howanyň üýtgemegi boýunça Çarçuwaly konwensiýasynyň ýerine ýetiriji sekretary Saýmon Stil Bakuwda kabul edilen çözgütleriň ekologiýa taýdan arassa energiýa ulgamyndaky ösüşe itergi berjekdigini belleýär. "Bu howa krizisiniň öň hatarynda duran, aýratyn-da ejiz toparlary goramak üçin zerur çäreleri maliýeleşdirmäge kömek eder. COP29, şeýle-de, onýyllyk dartgynly işden soň ählumumy uglerod bazarlary boýunça ylalaşyk gazandy. Muňa öňki birnäçe COP maslahatynda ýetip bolmandy" diýip, ol aýtdy.
Ýangyç-energetika toplumynyň işini mundan beýläk-de kämilleşdirmek babatda işleri dowam etdirmek wajyp – Türkmenistanyň Prezidenti
12-nji ýanwarda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda resminamalaryň taýýarlanan taslamalary hem-de ýurdumyzy durmuş-ykdysady taýdan ösdürmegiň birnäçe meseleleri ara alnyp maslahatlaşyldy.
«Dostluk» ýatagyny bilelikde özleşdirmek hakynda Ylalaşygy taýýarlamakda öňegidişlik gazanyldy — Türkmenistanyň DIM-i
27-nji ýanwarda «Hazar deňizdäki «Dostluk» ýatagynyň uglewodorod serişdelerini bilelikde gözlemek, işläp geçmek we özleşdirmek hakynda Türkmenistanyň Hökümeti bilen Azerbaýjan Respublikasynyň Hökümetiniň arasyndaky Ylalaşygyň» taslamasyny işläp taýýarlamak we ylalaşmak boýunça Bilelikdäki Iş toparynyň dördünji mejlisi geçirildi diýip, Türkmenistanyň DIM-niň saýty habar berýär.
Türkmenistanyň Prezidenti: energetika we ulag — Merkezi Aziýa ýurtlarynyň we Hindistanyň ykdysady hyzmatdaşlygynyň ileri tutulýan ugurlary
27-nji ýanwarda ilkinji «Hindistan – Merkezi Aziýa» sammiti wideoaragatnaşyk ulgamy arkaly geçirildi. Ýokary derejeli duşuşyga Hindistan Respublikasynyň Premýer-ministri hem-de Merkezi Aziýa döwletleriniň Prezidentleri gatnaşdylar diýip, Türkmenistanyň DIM-i habar berýär.
TDHÇMB-niň söwdalarynda içerki we daşarky bazara ýangyç-energetika toplumynyň önümleri ýerlenildi
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 33-si hasaba alyndy.
Hormatly Prezidentimiziň «Ýaşlar — Watanyň daýanjy» atly ilkinji kitabynyň tanyşdyrylyş dabarasy geçirildi
Ýurdumyzyň nebitgaz toplumynyň pudaklaýyn dolandyryş edaralarynyň merkezi binasynda hormatly Prezidentimiz Serdar Berdimuhamedowyň «Ýaşlar — Watanyň daýanjy» atly ilkinji kitabynyň tanyşdyrylyş dabarasy geçirildi. Oňa nebitgaz toplumynyň ýolbaşçylary, işgärleridir hünärmenleri, Ýagşygeldi Kakaýew adyndaky Halkara nebit we gaz uniwersitetiniň mugallymlary, talyplary gatnaşdylar.