Merkezi Aziýa – Hytaý gaz geçirijisi boýunça 14 ýylda 500 mlrd kub metrden gowrak tebigy gaz iberildi
08:20 20.11.2024 5560
Merkezi Aziýa – Hytaý gaz geçirijisiniň ulanylmagynyň 14 ýyldan gowrak wagtynyň dowamynda Hytaýa 500 mlrd kub metrden gowrak tebigy gaz iberildi. Bu barada Sinhua agentligi PipeChina hytaý korporasiýasynyň West Pipeline Company kompaniýasyna salgylanyp habar berýär. Bu möçberdäki tebigy gaz 666 trln tonna kömrüň ulanylmagynyň barabarlygyna deňdir. Munuň netijesinde 731 mln tonna kömürturşy gazynyň zyňylmagynyň öňi alyndy.
Uzynlygy 1833 km we taslama kuwwaty ýylda 60 mlrd kub metr gaza barabar bolan turba geçiriji 2009-njy ýylda ulanyşa girizildi. Onuň gündelik maksimal gaz akdyryş möçberi 160 million kub metre deňdir.
Gaz geçiriji Hytaýyň ilkinji transmilli turbageçirijisi bolmak bilen gözbaşyny Türkmenistan bilen Özbegistanyň serhedinden alyp gaýdýar. Özbegistandan we Gazagystandan geçip, Sinzýan-Uýgur awtonom welaýatynda Horgosda Günbatar-Gündogar hytaý gaz geçirijisi bilen birleşýär.
Bu gaz geçirijisi 27 sany sebitiň 500 milliondan gowrak ilatyny we Sýangan ýörite administratiw etrabyny (Gonkong) gaz bilen üpjün etdi.
Yragyň wekiliýeti «Türkmengaz» DK bilen türkmen tebigy gazyny satyn almagyň mümkinçiliklerini maslahatlaşdy
Türkmenistanyň Nebitgaz toplumynyň Merkezi binasynda «Türkmengaz» döwlet konserniniň ýolbaşçylygy bilen Türkmenistana sapar bilen gelen Yrak Respublikasynyň arasynda gepleşikler geçirildi. Yragyň wekiliýetine Energetika ministriniň orunbasary Adil Karim Kak Ahmed we nebit ministriniň orunbasary Ezat Sabir Esmail ýolbaşçylyk etdi.
Türkmenistanyň ýangyç-energetika toplumynda ýedi aýda alnyp barlan işleriň netijelerine garaldy
27-nji awgustda Türkmenistanyň nebitgaz toplumynyň merkezi binasynda Arkadag Serdarly bagtyýar ýaşlar ýylynyň geçen ýedi aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 25-nji awgustda hormatly Prezidentimiz Serdar Berdimuhamedowyň ýurdumyzyň ykdysadyýetiniň pudaklarynda alnyp barlan işleriň netijelerine bagyşlap sanly ulgam arkaly geçiren Türkmenistanyň Ministrler Kabinetiniň mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ýollary kesgitlenildi.
Türkmenistanyň Halk Maslahatynyň Başlygy we Palestinanyň daşary işler ministri özara bähbitli hyzmatdaşlygy ýola goýmagyň mümkinçiliklerini maslahatlaşdylar
Penşenbe güni türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Palestina Döwletiniň daşary işler we daşary ýurtlarda ýaşaýan palestinalylaryň işleri boýunça ministri Riýad al-Malikiniň arasynda geçirilen duşuşykda özara bähbitli türkmen-palestina ykdysady gatnaşyklaryny ýola goýmak üçin giň mümkinçilikleriň barlygy maslahatlaşyldy diýip, TDH habar berýär.
Ýanwar-iýul aýlarynda Türkmenistanda jemi içerki önümiň ösüşi 6,2% boldy
2023-nji ýylyň ýanwar-iýul aýlarynda Türkmenistanda jemi içerki önümiň ösüş depgini 6,2% boldy. Bu barada maglumat geçen anna güni sanly ulgam arkaly geçirilen Hökümet mejlisinde aýdyldy.
Türkmenistanyň we Malaýziýanyň DIM-niň wekilleri söwda, energetika we beýleki ugurlarda hyzmatdaşlyk meselelerini maslahatlaşdylar
Çarşenbe güni Türkmenistanyň Daşary işler ministrliginde Türkmen-Malaýziýa DIM-leriniň arasynda onlaýn görnüşde geňeşmeler geçirildi. Geňeşleriň dowamynda iki ýurduň diplomatlary syýasy-diplomatik, söwda-ykdysady, energetika we ynsanperwer ugurlarda köptaraplaýyn we ikitaraplaýyn hyzmatdaşlygyň köp meselelerini ara alyp maslahatlaşdylar diýip, Türkmenistanyň DIM-niň saýty habar berýär.