«Himiýa we gazhimiýa innowasion tehnologiýalaryň geljegi»
09:52 19.11.2024 2801
Şeýle at bilen geçen hepdede Ýagşygeldi Kakaýew adyndaky Halkara nebit we gaz uniwersitetinde sanly ulgam arkaly ylmy-amaly maslahat geçirildi. Türkmenistanyň Prezidentiniň Kararlary bilen tassyklanan «Türkmenistanyň ýaşlarynyň halkara hyzmatdaşlygynyň 2023 — 2030-njy ýyllar üçin Strategiýasyny», «Türkmenistanda himiýa ylmyny we tehnologiýalaryny toplumlaýyn ösdürmegiň 2021 — 2025-nji ýyllar üçin Döwlet maksatnamasyny», şeýle hem bilim ulgamy boýunça kabul edilen konsepsiýalarda kesgitlenen wezipeleri durmuşa geçirmek maksady bilen guralan ylmy-amaly maslahata daşary ýurtlaryň ýangyç-energetika pudagyna degişli edaralarynyň işgärleri, dostlukly döwletleriň ýokary okuw mekdepleriniň ýolbaşçylary, Türkmenistan bilen işjeň hyzmatdaşlyk edýän kompaniýalaryň wekilleri, ýurdumyzyň ýokary okuw mekdepleriniň mugallymlary, talyplary, aspirantlar, ylmy edaralaryň hünärmenleri gatnaşdylar.
Forumy Ýagşygeldi Kakaýew adyndaky Halkara nebit we gaz uniwersitetiniň rektory Baýrammyrat Atamanow açdy we bu möhüm çäräniň geçirilmeginiň ähmiýetiniň uludygyny aýdyp, ýurdumyzyň himiýa senagatynda täze tehnologiýalaryň ornaşdyrylyş derejesiniň ýokary depginde alnyp barylýandygyny nygtady. Maslahatda daşary ýurtly hyzmatdaşlar bilen innowasion tehnologiýalary ornaşdyrmagyň täzeçil görnüşleri, gazanylan tejribeler barada pikir alyşmagyň, ösüş maksatly teklipleri paýlaşmagyň zerurdygyny belläp geçdi.
Soňra maslahata gatnaşýan daşary ýurtly wekilleriň çykyşlary diňlenildi. Bellenilişi ýaly, Türkmenistanda nebit, gaz, himiýa, nebitgazhimiýa pudaklarynyň geljegi uly. Oňa ýurduň alyp barýan «Açyk gapylar» syýasaty, ägirt uly tebigy baýlyklary, amatly maýa goýum taslamalary, geoykdysady taýdan amatly ýerleşişi, türkmen halkynyň Milli Lideriniň başlangyçlaryny döwlet Baştutanynyň üstünlikli durmuşa geçirmekde alyp barýan ägirt uly tagallasy mümkinçilik berýär. Türkmenistanda ysnyşykly hyzmatdaşlygyň netijesinde, sebitde taýsyz gazhimiýa toplumlary guruldy, nebithimiýa pudagynyň önümçiliginde ýokary derejede öňegidişlikler gazanyldy. Bu ugurda täze önümçilikleri gurmak meýilleşdirilýär. Munuň özi daşary ýurtly işewürler üçin täze mümkinçilikdir.
Malaýziýanyň «PETRONAS Çarigali (Turkmenistan) Sdn Bhd» kompaniýasynyň wekili öz çykyşynda himiýa senagatynda häzirki döwrüň meseleleri we olary çözmegiň döwrebap usullary barada durup geçdi, şeýle hem daşky gurşawy goramakda ýerine ýetirilmeli taslamalar bilen tanyşdyrdy. Ol, esasan-da, ekologiýa abadançylygyny üpjün etmekde halkara hyzmatdaşlygynyň pugtalandyrylmalydygyny belläp geçdi.
Halkara ylmy-amaly maslahatyň barşynda Türkmenistanyň ýokary okuw mekdepleriniň mugallymlary hem çykyş edip, ýaşlara ylym almakda, hünär öwrenmekde dünýä ülňülerine laýyklykda döredilýän şertler, uglewodorodlar gazylyp alnanda metanyň hem-de kömürturşy gazynyň howa zyňyndylaryny azaltmak boýunça işjeňleşdirilýän tagallalar, önümçiliklere ýokary hilli döwrebap tehnologiýalaryň ornaşdyrylyşy we beýleki wajyp temalarda öz garaýyşlaryny, pikirlerini beýan etdiler.
Dünýäniň 18 döwletinden wekilleriň gatnaşmagynda guralan halkara ylmy-amaly maslahat 3 bölümde, ýagny uniwersitetiň mejlisler zalynda, maglumat tehnologiýalar merkeziniň zalynda we mejlisler zalynda geçirildi. Forumyň ylmy işgärlere, hünärmenlere, uniwersitetleriň mugallymlaryna, talyplaryna daşary ýurtly ugurdaş düzümler bilen pikir alyşmakda, himiýa we gazhimiýa senagaty bilen bagly teklipleri paýlaşmakda, bu pudaklarda tejribe alyşmakda möhüm ähmiýete eýe bolandygyny bellemelidir.
Yragyň wekiliýeti «Türkmengaz» DK bilen türkmen tebigy gazyny satyn almagyň mümkinçiliklerini maslahatlaşdy
Türkmenistanyň Nebitgaz toplumynyň Merkezi binasynda «Türkmengaz» döwlet konserniniň ýolbaşçylygy bilen Türkmenistana sapar bilen gelen Yrak Respublikasynyň arasynda gepleşikler geçirildi. Yragyň wekiliýetine Energetika ministriniň orunbasary Adil Karim Kak Ahmed we nebit ministriniň orunbasary Ezat Sabir Esmail ýolbaşçylyk etdi.
Türkmenistanyň ýangyç-energetika toplumynda ýedi aýda alnyp barlan işleriň netijelerine garaldy
27-nji awgustda Türkmenistanyň nebitgaz toplumynyň merkezi binasynda Arkadag Serdarly bagtyýar ýaşlar ýylynyň geçen ýedi aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 25-nji awgustda hormatly Prezidentimiz Serdar Berdimuhamedowyň ýurdumyzyň ykdysadyýetiniň pudaklarynda alnyp barlan işleriň netijelerine bagyşlap sanly ulgam arkaly geçiren Türkmenistanyň Ministrler Kabinetiniň mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ýollary kesgitlenildi.
Türkmenistanyň Halk Maslahatynyň Başlygy we Palestinanyň daşary işler ministri özara bähbitli hyzmatdaşlygy ýola goýmagyň mümkinçiliklerini maslahatlaşdylar
Penşenbe güni türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Palestina Döwletiniň daşary işler we daşary ýurtlarda ýaşaýan palestinalylaryň işleri boýunça ministri Riýad al-Malikiniň arasynda geçirilen duşuşykda özara bähbitli türkmen-palestina ykdysady gatnaşyklaryny ýola goýmak üçin giň mümkinçilikleriň barlygy maslahatlaşyldy diýip, TDH habar berýär.
Ýanwar-iýul aýlarynda Türkmenistanda jemi içerki önümiň ösüşi 6,2% boldy
2023-nji ýylyň ýanwar-iýul aýlarynda Türkmenistanda jemi içerki önümiň ösüş depgini 6,2% boldy. Bu barada maglumat geçen anna güni sanly ulgam arkaly geçirilen Hökümet mejlisinde aýdyldy.
Türkmenistanyň we Malaýziýanyň DIM-niň wekilleri söwda, energetika we beýleki ugurlarda hyzmatdaşlyk meselelerini maslahatlaşdylar
Çarşenbe güni Türkmenistanyň Daşary işler ministrliginde Türkmen-Malaýziýa DIM-leriniň arasynda onlaýn görnüşde geňeşmeler geçirildi. Geňeşleriň dowamynda iki ýurduň diplomatlary syýasy-diplomatik, söwda-ykdysady, energetika we ynsanperwer ugurlarda köptaraplaýyn we ikitaraplaýyn hyzmatdaşlygyň köp meselelerini ara alyp maslahatlaşdylar diýip, Türkmenistanyň DIM-niň saýty habar berýär.