Wagyz-nesihat duşuşygy geçirildi
09:18 31.10.2024 3435
Golaýda Türkmenistanyň nebitgaz toplumynyň merkezi binasynda «Pähim-paýhas ummany Magtymguly Pyragy» ýylynda geçirilen Türkmenistanyň Halk Maslahatynyň mejlisinde kabul edilen taryhy çözgütlere bagyşlanan wagyz-nesihat duşuşygy geçirildi. Şeýle-de duşuşygyň dowamynda gyş paslynyň ýetip gelmegi bilen, Aşgabat şäheriniň çäginde ministrlikleriň garamagyndaky edara-kärhanalarda hem-de ýaşaýyş jaýlarynda ýangyn howpsuzlygyny üpjün etmek, elektrik toguny, suwy we tebigy gazy rejeli peýdalanmak boýunça howpsuzlyk düzgünleriniň dogry berjaý edilişini gözegçilikde saklamak, jemagat hyzmatlarynda sanly hyzmatlar portaly we sanly şäher mobil goşundysyny ulanmak ýaly meselelere aýratyn üns berildi. Duşuşyga edara-kärhanalaryň, jemgyýetçilik guramalarynyň hem-de harby we hukuk goraýjy edaralaryň wekilleri gatnaşdylar.
Şu ýylyň sentýabrynda geçirilen Türkmenistanyň Halk Maslahatynyň mejlisi ýurdumyzda halk häkimiýetliliginiň asylly ýörelgeleriniň üstünlikli dowam etdirilýändigini hem-de milli demokratiýamyzyň halkara giňişliginde barha dabaralanýandygyny görkezdi. Hormatly Prezidentimiziň Halk Maslahatynyň nobatdaky mejlisinde «2025-nji — Halkara parahatçylyk we ynanyşmak ýylyny geçirmek boýunça çäreler hakynda», «Arkadag şäherini 2024 — 2052-nji ýyllarda ösdürmegiň Konsepsiýasyny tassyklamak hakynda», «Türkmenistanda ylym ulgamyny ösdürmegiň 2024 — 2052-nji ýyllar üçin Strategiýasyny tassyklamak hakynda» gol çeken Permanlary we resminamalary ata Watanymyzyň we mähriban halkymyzyň nurana geljegi ugrunda edilýän bimöçber aladalaryň aýdyň beýanydyr. Bular dogrusynda wagyz-nesihat duşuşygynda edilen çykyşlarda buýsanç bilen bellenildi. Hormatly Prezidentimiziň Türkmenistanyň Halk Maslahatynyň mejlisinde eden taryhy çykyşynda belleýşi ýaly, ýurdumyzyň nebitgaz pudagyny giň gerim bilen ösdürmäge we onuň halkara energetika ulgamyna işjeň goşulyşmagyna gönükdirilen syýasaty üstünlikli durmuşa geçirilýär.
Duşuşygyň dowamynda ýurdumyzyň milli ykdysadyýetiniň möhüm pudagy bolan nebitgaz senagatynda öňe sürlen döwrebap başlangyçlar we çözgütler dogrusynda Aşgabat şäher Halk maslahatynyň başlygy, Türkmenistanyň Hormatly il ýaşulusy Gurbannazar Ataýew, Türkmenistanyň Içeri işler ministrliginiň Aşgabat şäheriniň Polisiýa müdirliginiň Ýangyn howpsuzlyk bölüminiň 1-nji bölümçesiniň gulluk boýunça uly gözegçisi, içerki gullugyň uly leýtenanty Kakageldi Işmenow, «Aşgabatgaz» müdirliginiň içki gaz geçirijiler we enjamlar gullugynyň tehniki iş otagynyň ussasy Gurbanbibi Aşirklyçowa we beýlekiler giňişleýin belläp geçdiler. Ýokary ruhubelentlikde geçen wagyz-nesihat duşuşygy Türkmenistanyň Halk Maslahatynyň mejlisiniň ýurdumyzda jemgyýetiň ösüşi, halkyň eşretli durmuşy, nesilleriň abadançylygy ugrunda eýeleýän mynasyp ornuny açyp görkezdi.
Yragyň wekiliýeti «Türkmengaz» DK bilen türkmen tebigy gazyny satyn almagyň mümkinçiliklerini maslahatlaşdy
Türkmenistanyň Nebitgaz toplumynyň Merkezi binasynda «Türkmengaz» döwlet konserniniň ýolbaşçylygy bilen Türkmenistana sapar bilen gelen Yrak Respublikasynyň arasynda gepleşikler geçirildi. Yragyň wekiliýetine Energetika ministriniň orunbasary Adil Karim Kak Ahmed we nebit ministriniň orunbasary Ezat Sabir Esmail ýolbaşçylyk etdi.
Türkmenistanyň ýangyç-energetika toplumynda ýedi aýda alnyp barlan işleriň netijelerine garaldy
27-nji awgustda Türkmenistanyň nebitgaz toplumynyň merkezi binasynda Arkadag Serdarly bagtyýar ýaşlar ýylynyň geçen ýedi aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 25-nji awgustda hormatly Prezidentimiz Serdar Berdimuhamedowyň ýurdumyzyň ykdysadyýetiniň pudaklarynda alnyp barlan işleriň netijelerine bagyşlap sanly ulgam arkaly geçiren Türkmenistanyň Ministrler Kabinetiniň mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ýollary kesgitlenildi.
Türkmenistanyň Halk Maslahatynyň Başlygy we Palestinanyň daşary işler ministri özara bähbitli hyzmatdaşlygy ýola goýmagyň mümkinçiliklerini maslahatlaşdylar
Penşenbe güni türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Palestina Döwletiniň daşary işler we daşary ýurtlarda ýaşaýan palestinalylaryň işleri boýunça ministri Riýad al-Malikiniň arasynda geçirilen duşuşykda özara bähbitli türkmen-palestina ykdysady gatnaşyklaryny ýola goýmak üçin giň mümkinçilikleriň barlygy maslahatlaşyldy diýip, TDH habar berýär.
Ýanwar-iýul aýlarynda Türkmenistanda jemi içerki önümiň ösüşi 6,2% boldy
2023-nji ýylyň ýanwar-iýul aýlarynda Türkmenistanda jemi içerki önümiň ösüş depgini 6,2% boldy. Bu barada maglumat geçen anna güni sanly ulgam arkaly geçirilen Hökümet mejlisinde aýdyldy.
Türkmenistanyň we Malaýziýanyň DIM-niň wekilleri söwda, energetika we beýleki ugurlarda hyzmatdaşlyk meselelerini maslahatlaşdylar
Çarşenbe güni Türkmenistanyň Daşary işler ministrliginde Türkmen-Malaýziýa DIM-leriniň arasynda onlaýn görnüşde geňeşmeler geçirildi. Geňeşleriň dowamynda iki ýurduň diplomatlary syýasy-diplomatik, söwda-ykdysady, energetika we ynsanperwer ugurlarda köptaraplaýyn we ikitaraplaýyn hyzmatdaşlygyň köp meselelerini ara alyp maslahatlaşdylar diýip, Türkmenistanyň DIM-niň saýty habar berýär.