Gazagystan Türkmenistan bilen gaz ulgamynda hyzmatdaşlyk mümkinçiliklerine garaýar
07:05 01.11.2024 4179
Gazagystanyň «QazaqGaz» milli kompaniýasy “Türkmengaz” DK bilen hyzmatdaşlygyň çäklerinde birnäçe başlangyçlary öwrenýär diýip, LSM.kz saýtynda habar berilýär.
Şol sanda bilelikdäki geologiýa gözleg işlerini geçirmek üçin iki ýurduň geljegi uly meýdançalaryny maslahatlaşmak meýilleşdirilýär. Bu ugurda mundan beýläkki işler üçin degişli maýa goýum ylalaşyklaryna gol çekmek zerur.
Şeýle hem Türkmenistandan tebigy gazy import etmek meseleleri babatda gepleşikler dowam edýär. Ibermeleriň möçberleri taraplaryň söwda we tehniki şertlerini nazara alyp kesgitleniler.
«QazaqGaz» kompaniýasynda bellemeklerine görä, içerki bazarlar häzirki wagtda gazak gazy bilen üpjün edilýär. Diňe aşa köp sarp ediş döwürlerinde import edilýär.
“Ýetmezçilikleriň ýüze çykmagy içerki sarp edişiň depginine we ýerli gaz üpjün edijiler tarapyndan hazyrtlyk gazyň üpjünçiliginiň durnuklylygyna baglydyr” diýip, «QazaqGaz» belleýär.
Şol bir wagtda täze gaz känlerini işläp taýýarlamak, gazy gaýtadan işleýän we iberýän kuwwatlyklary gurmak we abatlamak boýunça toplumlaýyn işler alnyp barylýar.
Öň milli kompaniýanyň ýolbaşçysy Sanjar Žarkeşow LS portalyna beren gürrüňinde, Gazagystanda gazyň sarp edilişiniň ýakyn 10-15 ýylda iki esse artyp biljekdigini belledi.
Yragyň wekiliýeti «Türkmengaz» DK bilen türkmen tebigy gazyny satyn almagyň mümkinçiliklerini maslahatlaşdy
Türkmenistanyň Nebitgaz toplumynyň Merkezi binasynda «Türkmengaz» döwlet konserniniň ýolbaşçylygy bilen Türkmenistana sapar bilen gelen Yrak Respublikasynyň arasynda gepleşikler geçirildi. Yragyň wekiliýetine Energetika ministriniň orunbasary Adil Karim Kak Ahmed we nebit ministriniň orunbasary Ezat Sabir Esmail ýolbaşçylyk etdi.
Türkmenistanyň ýangyç-energetika toplumynda ýedi aýda alnyp barlan işleriň netijelerine garaldy
27-nji awgustda Türkmenistanyň nebitgaz toplumynyň merkezi binasynda Arkadag Serdarly bagtyýar ýaşlar ýylynyň geçen ýedi aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 25-nji awgustda hormatly Prezidentimiz Serdar Berdimuhamedowyň ýurdumyzyň ykdysadyýetiniň pudaklarynda alnyp barlan işleriň netijelerine bagyşlap sanly ulgam arkaly geçiren Türkmenistanyň Ministrler Kabinetiniň mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ýollary kesgitlenildi.
Türkmenistanyň Halk Maslahatynyň Başlygy we Palestinanyň daşary işler ministri özara bähbitli hyzmatdaşlygy ýola goýmagyň mümkinçiliklerini maslahatlaşdylar
Penşenbe güni türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Palestina Döwletiniň daşary işler we daşary ýurtlarda ýaşaýan palestinalylaryň işleri boýunça ministri Riýad al-Malikiniň arasynda geçirilen duşuşykda özara bähbitli türkmen-palestina ykdysady gatnaşyklaryny ýola goýmak üçin giň mümkinçilikleriň barlygy maslahatlaşyldy diýip, TDH habar berýär.
Ýanwar-iýul aýlarynda Türkmenistanda jemi içerki önümiň ösüşi 6,2% boldy
2023-nji ýylyň ýanwar-iýul aýlarynda Türkmenistanda jemi içerki önümiň ösüş depgini 6,2% boldy. Bu barada maglumat geçen anna güni sanly ulgam arkaly geçirilen Hökümet mejlisinde aýdyldy.
Türkmenistanyň we Malaýziýanyň DIM-niň wekilleri söwda, energetika we beýleki ugurlarda hyzmatdaşlyk meselelerini maslahatlaşdylar
Çarşenbe güni Türkmenistanyň Daşary işler ministrliginde Türkmen-Malaýziýa DIM-leriniň arasynda onlaýn görnüşde geňeşmeler geçirildi. Geňeşleriň dowamynda iki ýurduň diplomatlary syýasy-diplomatik, söwda-ykdysady, energetika we ynsanperwer ugurlarda köptaraplaýyn we ikitaraplaýyn hyzmatdaşlygyň köp meselelerini ara alyp maslahatlaşdylar diýip, Türkmenistanyň DIM-niň saýty habar berýär.