“Türkmengaz”: Gaýtadan dikeldilýän energetika maýa goýumlar hyzmatdaşlyk üçin täze sepgitleri açýar
05:47 25.10.2024 3215
Gaýtadan dikeldilýän energetika maýa goýumlar halkara giňişlikde hyzmatdaşlyk üçin täze mümkinçilikleri açýar. Bu barada "Türkmengaz" döwlet konserniniň başlygynyň orunbasary Myrat Arçaýew «Türkmenistanyň nebiti we gazy - 2024» (OGT 2024) Halkara maslahatynyň we sergisiniň çäklerinde eden çykyşynda belledi.
M.Arçaýew çykyşynda şu ýylda gaýtadan dikeldilýän energetika çeşmelerine, ýagny gün, şemal we suw energiýasyna aýratyn üns berilýändigini nygtady. Ol, bu çeşmeleriň diňe bir artykmaçlyk däl, eýsem, ýurtlarymyzyň we bütin dünýäniň durnukly ösüşi üçin gözbaşy boljak täze döwre girilýändigini belledi. Türkmenistanyň bu prosesde ygtybarly hyzmatdaşdygyny aýtdy.
M.Arçaýew şeýle hem uglerod yzyny azaltjak we ekologiýa ýagdaýyny gowulandyrmaga ýardam berjek täze tehnologiyalaryň ornaşdyrylmagynyň we hyzmatdaşlyk taslamalarynyň işlenip taýýarlanylmagynyň möhümdigini belledi. Şeýle hem, bu ekologiýa maksatlaryny goldamak bilen bir hatarda, Merkezi Aziýanyň ähli ýurdy üçin energetika howpsuzlygyny berjaý etmäge ýardam eder.
"Türkmenistan tebigy serişdeleri baý bolup, bu ulgamda strategik orny eýeleýär"- diýip, Myrat Arçaýew aýtdy we bu mümkinçiligi daşary ýurtlardan energetika üpjünçiligine baglylygy azaltmak üçin peýdalanmaklygy belledi.
Çykyşynyň ahyrynda, konferensiýanyň ähli gatnaşyjylaryny açyk diolog we hyzmatdaşlyga çagyrdy.
"Geliň durnukly energetika geljegini döretmek üçin güýçlerimizi birleşdeliň, bu diňe biz üçin däl, eýsem geljek nesiller üçin hem peýda getirer" — diýip, ol netijeli maslahatlaşmalara umyt bildirdi.
Yragyň wekiliýeti «Türkmengaz» DK bilen türkmen tebigy gazyny satyn almagyň mümkinçiliklerini maslahatlaşdy
Türkmenistanyň Nebitgaz toplumynyň Merkezi binasynda «Türkmengaz» döwlet konserniniň ýolbaşçylygy bilen Türkmenistana sapar bilen gelen Yrak Respublikasynyň arasynda gepleşikler geçirildi. Yragyň wekiliýetine Energetika ministriniň orunbasary Adil Karim Kak Ahmed we nebit ministriniň orunbasary Ezat Sabir Esmail ýolbaşçylyk etdi.
Türkmenistanyň ýangyç-energetika toplumynda ýedi aýda alnyp barlan işleriň netijelerine garaldy
27-nji awgustda Türkmenistanyň nebitgaz toplumynyň merkezi binasynda Arkadag Serdarly bagtyýar ýaşlar ýylynyň geçen ýedi aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 25-nji awgustda hormatly Prezidentimiz Serdar Berdimuhamedowyň ýurdumyzyň ykdysadyýetiniň pudaklarynda alnyp barlan işleriň netijelerine bagyşlap sanly ulgam arkaly geçiren Türkmenistanyň Ministrler Kabinetiniň mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ýollary kesgitlenildi.
Türkmenistanyň Halk Maslahatynyň Başlygy we Palestinanyň daşary işler ministri özara bähbitli hyzmatdaşlygy ýola goýmagyň mümkinçiliklerini maslahatlaşdylar
Penşenbe güni türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Palestina Döwletiniň daşary işler we daşary ýurtlarda ýaşaýan palestinalylaryň işleri boýunça ministri Riýad al-Malikiniň arasynda geçirilen duşuşykda özara bähbitli türkmen-palestina ykdysady gatnaşyklaryny ýola goýmak üçin giň mümkinçilikleriň barlygy maslahatlaşyldy diýip, TDH habar berýär.
Ýanwar-iýul aýlarynda Türkmenistanda jemi içerki önümiň ösüşi 6,2% boldy
2023-nji ýylyň ýanwar-iýul aýlarynda Türkmenistanda jemi içerki önümiň ösüş depgini 6,2% boldy. Bu barada maglumat geçen anna güni sanly ulgam arkaly geçirilen Hökümet mejlisinde aýdyldy.
Türkmenistanyň we Malaýziýanyň DIM-niň wekilleri söwda, energetika we beýleki ugurlarda hyzmatdaşlyk meselelerini maslahatlaşdylar
Çarşenbe güni Türkmenistanyň Daşary işler ministrliginde Türkmen-Malaýziýa DIM-leriniň arasynda onlaýn görnüşde geňeşmeler geçirildi. Geňeşleriň dowamynda iki ýurduň diplomatlary syýasy-diplomatik, söwda-ykdysady, energetika we ynsanperwer ugurlarda köptaraplaýyn we ikitaraplaýyn hyzmatdaşlygyň köp meselelerini ara alyp maslahatlaşdylar diýip, Türkmenistanyň DIM-niň saýty habar berýär.