OGT nebitgaz forumy dünýäniň 50 ýurdundan wekilleri jemlär
05:27 23.10.2024 6439
23-25-nji oktýabrda Aşgabatda «Türkmenistanyň nebiti we gazy — 2024» atly halkara maslahaty we sergisi geçirilýär. Forumy “Türkmengaz” we “Türkmennebit” döwlet konsernleri, “Türkmengeologiýa” döwlet korporasiýasy Türkmenistanyň Söwda-senagat edarasy bilen hyzmatdaşlykda çykyş edýär.
Maslahata 51 ýurtdan 830-dan gowrak wekil gatnaşar. Onuň çäginde nebitgaz pudagynyň ileri tutulýan meselelerini maslahatlaşmak üçin meýdança hödürleniler.
OGT 2024 forumy öňdebaryjy milli we halkara nebitgaz kompaniýalaryny, şeýle hem ýurt derejesinde bolşy ýaly, sebit boýunça nebitgaz pudagynyň geljegini düzýän bilermenleri we maliýe institutlaryny bir ýerde jemlär.
Guramaçylaryň bellemegine görä, maslahaty we sergini geçirmegiň maksady energetika toplumynyň mundan beýläk hem durnukly ösüşi boýunça dialogy berkitmek, ählumumy energoulgamlarda soňky ýörelgeler bilen tanyşmak, Türkmenistanyň nebitgaz pudagyna göni daşary ýurt maýa goýumlaryny çekmek bolup durýar.
Türkmenistan maýadarlar üçin giň mümkinçilikleriň meýdançasyny hödürleýär: ol öz içine dünýäde iň iri gury ýer känleriniň biri bolan “Galkynyş” känini özleşdirmekden başlap, Gün we ýel energetikasyny ösdürmek üçin amatly howa şertlerini alýar.
Türkmenistanyň baý çig mal gorlary OGT 2024-üň üns merkezinde bolar. Forumyň barşynda Türkmenistanyň öňdebaryjy energetika kompaniýalary bu strategiki taýdan möhüm ugurda daşary ýurt maýadarlary üçin mümkinçilikleri açyp görkezerler.
Türkmenistan Russiýadan, Eýrandan we Katardan soň tebigy gazyň subut edilen gorlary boýunça dünýäde dördünji orny eýeläp, Aziýanyň nebitgaz bazarynda möhüm orny eýeleýär. Häzirki wagtda türkmen tebigy gazyny iň iri sarp edijileriň biri Hytaýdyr. Türkmenistan şeýle hem Özbegistana gaz iberýär. Ýakynda Yraga iberip başlar.
Türkmenistan TOPH gaz geçirijisiniň taslamasyny durmuşa geçirmäge aýratyn ähmiýet berýär. 11-nji sentýabrda Serhetabat-Hyrat böleginiň gurluşygyna badalga berildi. Ol TOPH taslamasynyň möhüm bölegi bolup durýar.
Tebigy gazyň eksporty bilen ugurdaş, Türkmenistan ony çuňlaşdyryp gaýtadan işlemeklige aýratyn üns berýär. Soňky ýyllarda birnäçe gazhimiýa toplumlary gurlup ulanylmaga berildi, şeýle hem ýakyn geljekde dünýä bazaryndan uly islegden peýdalanýan, ýokary goşulan bahaly önümleri öndürmek üçin ýene-de birnäçe desgalary gurmak meýilleşdirilýär.
Türkmenistan Hazar deňziniň türkmen böleginde we ýurduň günbatarynda gury ýer känlerini işjeň özleşdirýär. Şertnamalaýyn çäklerinde ENI, Dragon Oil, Petronas we beýleki dünýäniň öňdebaryjy kompaniýalary nebit we gaz çykarmak bilen meşgullanýarlar.
Ýyl-ýyldan bu çäräniň geriminiň giňemegi dürli ýurtlaryň işewür toparlarynyň ýurdumyz bilen netijeli hyzmatdaşlygy ösdürmäge gyzyklanmalarynyň artýandygyny görkezýär. Halkara maslahat “Ählumumy energetika bazarynda täze depginler we özara bähbitli hyzmatdaşlygyň geljegi” atly plenar mejlisden we alty sany bölümçeden ybarat bolar.
Yragyň wekiliýeti «Türkmengaz» DK bilen türkmen tebigy gazyny satyn almagyň mümkinçiliklerini maslahatlaşdy
Türkmenistanyň Nebitgaz toplumynyň Merkezi binasynda «Türkmengaz» döwlet konserniniň ýolbaşçylygy bilen Türkmenistana sapar bilen gelen Yrak Respublikasynyň arasynda gepleşikler geçirildi. Yragyň wekiliýetine Energetika ministriniň orunbasary Adil Karim Kak Ahmed we nebit ministriniň orunbasary Ezat Sabir Esmail ýolbaşçylyk etdi.
Türkmenistanyň ýangyç-energetika toplumynda ýedi aýda alnyp barlan işleriň netijelerine garaldy
27-nji awgustda Türkmenistanyň nebitgaz toplumynyň merkezi binasynda Arkadag Serdarly bagtyýar ýaşlar ýylynyň geçen ýedi aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 25-nji awgustda hormatly Prezidentimiz Serdar Berdimuhamedowyň ýurdumyzyň ykdysadyýetiniň pudaklarynda alnyp barlan işleriň netijelerine bagyşlap sanly ulgam arkaly geçiren Türkmenistanyň Ministrler Kabinetiniň mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ýollary kesgitlenildi.
Türkmenistanyň Halk Maslahatynyň Başlygy we Palestinanyň daşary işler ministri özara bähbitli hyzmatdaşlygy ýola goýmagyň mümkinçiliklerini maslahatlaşdylar
Penşenbe güni türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Palestina Döwletiniň daşary işler we daşary ýurtlarda ýaşaýan palestinalylaryň işleri boýunça ministri Riýad al-Malikiniň arasynda geçirilen duşuşykda özara bähbitli türkmen-palestina ykdysady gatnaşyklaryny ýola goýmak üçin giň mümkinçilikleriň barlygy maslahatlaşyldy diýip, TDH habar berýär.
Ýanwar-iýul aýlarynda Türkmenistanda jemi içerki önümiň ösüşi 6,2% boldy
2023-nji ýylyň ýanwar-iýul aýlarynda Türkmenistanda jemi içerki önümiň ösüş depgini 6,2% boldy. Bu barada maglumat geçen anna güni sanly ulgam arkaly geçirilen Hökümet mejlisinde aýdyldy.
Türkmenistanyň we Malaýziýanyň DIM-niň wekilleri söwda, energetika we beýleki ugurlarda hyzmatdaşlyk meselelerini maslahatlaşdylar
Çarşenbe güni Türkmenistanyň Daşary işler ministrliginde Türkmen-Malaýziýa DIM-leriniň arasynda onlaýn görnüşde geňeşmeler geçirildi. Geňeşleriň dowamynda iki ýurduň diplomatlary syýasy-diplomatik, söwda-ykdysady, energetika we ynsanperwer ugurlarda köptaraplaýyn we ikitaraplaýyn hyzmatdaşlygyň köp meselelerini ara alyp maslahatlaşdylar diýip, Türkmenistanyň DIM-niň saýty habar berýär.