Şaşka boýunça bäsleşigiň netijeleri yglan edildi
18:35 18.09.2024 4938
Ýagşygeldi Kakaýew adyndaky Halkara nebit we gaz uniwersitetinde Türkmenistanyň milli şaşka merkeziniň, «Nebit-gaz» gazetiniň we «Ussatnews» elektron gazetiniň redaksiýalarynyň Türkmenistanyň Garaşsyzlyk baýramynyň 33 ýyllygyna hem-de «Pähim-paýhas ummany Magtymguly Pyragy» ýylyna bagyşlap, bilelikde yglan eden sportuň şaşka görnüşi boýunça bäsleşiginiň netijeleri yglan edildi.
Bäsleşik şu ýylyň 1-nji fewralyndan 5-nji sentýabr aralygynda geçirilip, onuň dowam edýän döwründe gazetiň sanlarynda okyjylara Bütindünýä Intellektual oýunlarynyň ýeňijisi, Türkmenistanyň milli şaşka merkeziniň agzasy, Balkan welaýatynyň ýöriteleşdirilen şaşka sport mekdebiniň tälimçi mugallymy Maksat Durdyýew tarapyndan taýýarlanylan şaşka meseleleri hödürlenildi. Şaşka meseleleriniň çözgütlerine baha bermek, ýeňijileri kesgitlemek Türkmenistanyň milli şaşka merkeziniň, «Nebit-gaz» gazetiniň, «Ussatnews» elektron gazetiniň redaksiýalarynyň wekillerinden düzülen eminler topary tarapyndan gelnen netijä laýyklykda amala aşyryldy. Ýokary guramaçylyk ýagdaýynda geçirilen bäsleşige gatnaşyjylaryň sany garaşylyşyndan hem artyk boldy. Intellektual oýun ýurdumyzyň dürli pudaklarynda, bilim-ylym edaralarynda zähmet çekýän, okaýan mugallymlarydyr talyp ýaşlary, okuwçylary bir ýere jemledi.
Bäsleşikde hödürlenen meseleler ýeňil bolman, gatnaşyjylaryň ýeňşe bolan höweslerini has-da artdyrdy. Gatnaşyjylary höweslendirmek maksady bilen, bäsleşigi guraýjylar bäş sany ýeňijini saýlap alkdylar.
Netijede, şaşka boýunça geçirilen bäsleşikde Türkmenistanyň döwlet energetika institutynyň 4-nji ýyl talyby Şamuhammet Agaýew birinji orna, Maýa Kulyýewa adyndaky TMK-nyň ýanyndaky Daňatar Öwezow adyndaky TDÝSM-niň mugallymy Arslanbek Atarow ikinji orna, «Türkmengaz» döwlet konserniniň «Türkmenýöritenebitgazgurnama» ýöriteleşdirilen gurnama trestiniň 1-nji ýöriteleşdirilen gurnama edarasynyň kebşirleýjisi Berdimyrat Hojamberdiýew üçünji orna, Aşgabat şäherindäki 147-nji orta mekdebiň 8-nji synp okuwçysy Rüstem Atarow dördünji orna we Ýagşygeldi Kakaýew adyndaky Halkara nebit we gaz uniwersitetiniň Balkanabat bölüminiň 5-nji ýyl talyby Kadyr Peşliýew bäşinji orna mynasyp boldy.
Dabaranyň dowamynda «Türkmengaz» döwlet konserniniň Medeni-işewürlik merkeziniň aýdymçylary – Türkmenistanyň halk artisti Annagül Gurdowa, Maksat Tuwakow, Ahmet Orazgulyýew ajaýyp aýdymlary ýerine ýetirdiler. Şeýle-de Ýagşygeldi Kakaýew adyndaky Halkara nebit we gaz uniwersitetiniň döredijilik toparlarynyň çykyşlary dabara özboluşly öwüşgin çaýdy. Bäsleşigiň ýeňijilerine Türkmenistanyň Kärdeşler arkalaşyklarynyň Balkan welaýat birleşmesi hem-de «Türkmennebit» döwlet konserniniň kärdeşler arkalaşyklarynyň birleşmesi tarapyndan Hormat hatlary we gymmat bahaly sowgatlar dabaraly ýagdaýda gowşuryldy.
Yragyň wekiliýeti «Türkmengaz» DK bilen türkmen tebigy gazyny satyn almagyň mümkinçiliklerini maslahatlaşdy
Türkmenistanyň Nebitgaz toplumynyň Merkezi binasynda «Türkmengaz» döwlet konserniniň ýolbaşçylygy bilen Türkmenistana sapar bilen gelen Yrak Respublikasynyň arasynda gepleşikler geçirildi. Yragyň wekiliýetine Energetika ministriniň orunbasary Adil Karim Kak Ahmed we nebit ministriniň orunbasary Ezat Sabir Esmail ýolbaşçylyk etdi.
Türkmenistanyň ýangyç-energetika toplumynda ýedi aýda alnyp barlan işleriň netijelerine garaldy
27-nji awgustda Türkmenistanyň nebitgaz toplumynyň merkezi binasynda Arkadag Serdarly bagtyýar ýaşlar ýylynyň geçen ýedi aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 25-nji awgustda hormatly Prezidentimiz Serdar Berdimuhamedowyň ýurdumyzyň ykdysadyýetiniň pudaklarynda alnyp barlan işleriň netijelerine bagyşlap sanly ulgam arkaly geçiren Türkmenistanyň Ministrler Kabinetiniň mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ýollary kesgitlenildi.
Türkmenistanyň Halk Maslahatynyň Başlygy we Palestinanyň daşary işler ministri özara bähbitli hyzmatdaşlygy ýola goýmagyň mümkinçiliklerini maslahatlaşdylar
Penşenbe güni türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Palestina Döwletiniň daşary işler we daşary ýurtlarda ýaşaýan palestinalylaryň işleri boýunça ministri Riýad al-Malikiniň arasynda geçirilen duşuşykda özara bähbitli türkmen-palestina ykdysady gatnaşyklaryny ýola goýmak üçin giň mümkinçilikleriň barlygy maslahatlaşyldy diýip, TDH habar berýär.
Ýanwar-iýul aýlarynda Türkmenistanda jemi içerki önümiň ösüşi 6,2% boldy
2023-nji ýylyň ýanwar-iýul aýlarynda Türkmenistanda jemi içerki önümiň ösüş depgini 6,2% boldy. Bu barada maglumat geçen anna güni sanly ulgam arkaly geçirilen Hökümet mejlisinde aýdyldy.
Türkmenistanyň we Malaýziýanyň DIM-niň wekilleri söwda, energetika we beýleki ugurlarda hyzmatdaşlyk meselelerini maslahatlaşdylar
Çarşenbe güni Türkmenistanyň Daşary işler ministrliginde Türkmen-Malaýziýa DIM-leriniň arasynda onlaýn görnüşde geňeşmeler geçirildi. Geňeşleriň dowamynda iki ýurduň diplomatlary syýasy-diplomatik, söwda-ykdysady, energetika we ynsanperwer ugurlarda köptaraplaýyn we ikitaraplaýyn hyzmatdaşlygyň köp meselelerini ara alyp maslahatlaşdylar diýip, Türkmenistanyň DIM-niň saýty habar berýär.