ABŞ-nyň Türkmenistandaky ilçisi Hazarüsti gaz geçirijisi ÝB-niň energetika howpsuzlygyna ýardam eder diýip hasaplaýar
05:27 07.09.2024 4665
Türkmenistandan Türkiýä çenli Hazar deňziniň düýbi bilen gaz geçirijisiniň döredilmegi bu ýurtlar üçin bähbitli bolar we Ýewropa Bileleşiginiň energetika howpsuzlygyny üpjün etmäge kömek eder. Bu barada žurnalistlere ABŞ-nyň Türkmenistandaky ilçisi Elizabet Rud habar berdi diýip, TASS belleýär.
“ABŞ türkmen ykdysadyýetini ösdürmek üçin köp sanly ugurlar boýunça türkmen gazyny eksport etmekligi hemişe goldaýar. Biz Hazar deňziniňdüýbi bilen Türkiýä çenli geçiriljek, soňra bolsa, ýewropa bazarlaryna ýetiriljek gaz geçiriji infrastrukturany döretmekligiň Türkmenistan üçin bolşy ýaly, Türkiýe we ÝB üçin hem bähbitli boljakdygyna ynanýarys. Bu şeýle hem ýewropa döwletleriniň energetika howpsuzlygyny hem üpjün ederdi” diýip, Rud belleýär.
TASS-yň şeýle hem bellemegine görä, Türkiýäniň energetika we tebigy serişdeler ministri Alparslan Baýraktaryň şu ýylyň iýul aýynda Türkmenistana geldi we türkmen gazyny türk we ýewropa bazaryna ibermek babatda ýokary derejede gepleşikleri geçirdi. 2024-nji ýylyň maý aýynda Türkiýe we Azerbaýjan gaz ulgamynda hyzmatdaşlyk hakynda ylalaşyga gol çekdi. Bu resminama Azerbaýjanyň we Gruziýanyň üsti bilen 2 mlrd kub metr möçberde türkmen gazyny üstaşyr geçirmegi göz öňünde tutýar.
Yragyň wekiliýeti «Türkmengaz» DK bilen türkmen tebigy gazyny satyn almagyň mümkinçiliklerini maslahatlaşdy
Türkmenistanyň Nebitgaz toplumynyň Merkezi binasynda «Türkmengaz» döwlet konserniniň ýolbaşçylygy bilen Türkmenistana sapar bilen gelen Yrak Respublikasynyň arasynda gepleşikler geçirildi. Yragyň wekiliýetine Energetika ministriniň orunbasary Adil Karim Kak Ahmed we nebit ministriniň orunbasary Ezat Sabir Esmail ýolbaşçylyk etdi.
Türkmenistanyň ýangyç-energetika toplumynda ýedi aýda alnyp barlan işleriň netijelerine garaldy
27-nji awgustda Türkmenistanyň nebitgaz toplumynyň merkezi binasynda Arkadag Serdarly bagtyýar ýaşlar ýylynyň geçen ýedi aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 25-nji awgustda hormatly Prezidentimiz Serdar Berdimuhamedowyň ýurdumyzyň ykdysadyýetiniň pudaklarynda alnyp barlan işleriň netijelerine bagyşlap sanly ulgam arkaly geçiren Türkmenistanyň Ministrler Kabinetiniň mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ýollary kesgitlenildi.
Türkmenistanyň Halk Maslahatynyň Başlygy we Palestinanyň daşary işler ministri özara bähbitli hyzmatdaşlygy ýola goýmagyň mümkinçiliklerini maslahatlaşdylar
Penşenbe güni türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Palestina Döwletiniň daşary işler we daşary ýurtlarda ýaşaýan palestinalylaryň işleri boýunça ministri Riýad al-Malikiniň arasynda geçirilen duşuşykda özara bähbitli türkmen-palestina ykdysady gatnaşyklaryny ýola goýmak üçin giň mümkinçilikleriň barlygy maslahatlaşyldy diýip, TDH habar berýär.
Ýanwar-iýul aýlarynda Türkmenistanda jemi içerki önümiň ösüşi 6,2% boldy
2023-nji ýylyň ýanwar-iýul aýlarynda Türkmenistanda jemi içerki önümiň ösüş depgini 6,2% boldy. Bu barada maglumat geçen anna güni sanly ulgam arkaly geçirilen Hökümet mejlisinde aýdyldy.
Türkmenistanyň we Malaýziýanyň DIM-niň wekilleri söwda, energetika we beýleki ugurlarda hyzmatdaşlyk meselelerini maslahatlaşdylar
Çarşenbe güni Türkmenistanyň Daşary işler ministrliginde Türkmen-Malaýziýa DIM-leriniň arasynda onlaýn görnüşde geňeşmeler geçirildi. Geňeşleriň dowamynda iki ýurduň diplomatlary syýasy-diplomatik, söwda-ykdysady, energetika we ynsanperwer ugurlarda köptaraplaýyn we ikitaraplaýyn hyzmatdaşlygyň köp meselelerini ara alyp maslahatlaşdylar diýip, Türkmenistanyň DIM-niň saýty habar berýär.