Aşgabatda Kigali üýtgetmeleriniň ýerine ýetirilmegi boýunça meýilnamalar maslahatlaşyldy
14:34 26.07.2025 2234
Aşgabatda 2016-njy ýylda BMG-niň ozon gatlagyny goramak boýunça Wena konwensiýasynyň Monreal protokolyna girizilen we 2020-nji ýylda Türkmenistan tarapyndan tassyklanan Kigali üýtgetmesi boýunça kabul edilen düzgünleriň ýerine ýetirilmeginiň çäklerinde milli meýilnamalar we ileri tutulýan ugurlar ara alnyp maslahatlaşyldy.
«Arçabil» myhmanhanasynyň maslahatlar zalynda geçirilen çäre Türkmenistanyň daşky gurşawy goramak ministrliginiň Ozon merkezi tarapyndan guraldy. Oňa Türkmenistanyň Daşary işler ministrligi hem-de Birleşen Milletler Guramasynyň Howanyň üýtgemegi baradaky Çarçuwaly konwensiýasynyň (BMG HÜÇK) ýurdumyzdaky wekili goldaw berdi diýip, «Türkmenistan: Altyn asyr» habar berýär.
Ministrlikleriň, pudaklaýyn edaralarynyň, «Türkmengaz» we «Türkmennebit» döwlet konsernleriniň, şeýle hem sowadyjy we kondisioner ulgamlaryny gurnamak we hyzmat etmek bazarynda işleýän döwlet we hususy kärhanalaryň wekillerine ýurdumyzyň klimat gün tertibine gatnaşýan birnäçe taslama we meýilleşdirilen çäreler görkezildi.
Bilermenleriň belleýşi ýaly, Kigali üýtgetmesi boýunça çäreler howanyň maýlamagynyň öňüni almakda öz goşandyny goşar. Häzirki wagtda dünýä jemgyýetçiligi ozon gatlagyna hem-de howanyň üýtgemegine zyýansyz täze nesil sowadyjy serişdeleri ornaşdyrmaga geçýär. Bu çäreler enjamlaryň profilini döwrebaplaşdyrmak, täze tehnologiýalary, gurluşyk kadalaryny, sowadyjy tehnikler üçin howpsuzlyk düzgünlerini ornaşdyrmak hem-de olaryň gaýtadan taýýarlanylyşyny üpjün etmek bilen baglydyr.
Duşuşykda Türkmenistanyň milli «ozon» kanunçylygyny hem-de global ylalaşyklary ýerine ýetirmekde zerurlyklary we ileri tutulýan ugurlary ara alnyp maslahatlaşyldy, maglumatlary ýygnamak möhletleri we bu ugurda indiki ädimler kesgitlenildi diýip, neşir ýazýar.
Energetika hyzmatdaşlygyny ösdürmek — Azerbaýjanyň wekiliýeti bilen duşuşygyň üns merkezinde
Çarşenbe güni Türkmenistanyň Daşary işler ministrliginiň binasynda wise-premýer, Türkmenistanyň Daşary işler ministri Raşid Meredowyň Aşgabada iş sapary bilen gelen Azerbaýjan Respublikasynyň Ykdysadyýet ministri Mikail Jabbarowyň baştutanlygyndaky wekilýet bilen duşuşygynda energetika ulgamynda ikitaraplaýyn hyzmatdaşlygy ösdürmegiň mümkinçilikleri ara alnyp maslahatlaşyldy. Bu barada Türkmenistanyň daşary syýasat edarasynyň saýty habar berýär.
Türkmenistanyň DIM-niň ýolbaşçysy Eýranyň energetika ministri bilen energetika we gaz pudagynda hyzmatdaşlygy maslahatlaşdy
Türkmenistanyň Daşary işler ministrliginde Raşid Meredow bilen Eýranyň Energetika ministri Abbas Aliabadiniň arasynda geçirilen duşuşykda energetika we gaz pudaklarynda ikitaraplaýyn hyzmatdaşlygyň meseleleri maslahatlaşyldy diýip, türkmen daşary syýasat edarasynyň saýtynda habar berilýär.
«Halkara ulag-üstaşyr geçelgeleri: özara baglanyşyklylyk we ösüş» Halkara maslahaty 18-20-nji iýulda geçiriler
18-20-nji iýulda Aşgabatda «Halkara ulag-üstaşyr geçelgeleri: özara baglanyşyklylyk we ösüş» Halkara maslahaty geçiriler. Forumyň maksady pandemiýadan soňky dikeldiş boýunça ileri tutulýan meseleleri maslahatlaşmak, halkara daşamalar ulgamynda täze şertlere uýgunlaşmak we netijeli halkara ulag-üstaşyr geçelgelerini ösdürmek bolup durýar.
Türkmenistanyň Prezidenti ABŞ-nyň işewür toparlarynyň wekilleri bilen hyzmatdaşlygyň ileri tutulýan ugurlaryny maslahatlaşdy
16-njy dekabr Prezident Serdar Berdimuhamedow Türkmen-amerikan işewürlik maslahatyna gatnaşmak üçin ýurdumyza gelen ABŞ-nyň işewür toparlarynyň wekilleri bilen hyzmatdaşlygyň ileri tutulýan ugurlaryny maslahatlaşdy diýip, TDH habar berýär.
Mohammed Barkindo: erkin çykaryş kuwwatlyklary taryhda iň pes ýagdaýda, syýasy çözgütler zerur
Gazylyp alynýan ýangyçdan el çekmäge çagyryşyň netijesinde pudaga doly maýa goýmazlyk zerarly 62 ýyllyk taryhyň dowamynda OPEC ýurtlarynyň erkin çykaryş kuwwatlyklary iň pes ýagdaýda, bazarda nebit ýetmezçiliginiň meselesini çözmek üçin syýasy çözgütler zerur. Bu barada OPEC-iň Baş sekretary Mohammed Barkindo 5-nji iýulda Nigeriýadan geçen maslahatyň açylyşynda eden çykyşynda belledi. Görlüp oturylsa, bu Mohammed Barkindonyň köpçüligiň öňünde iň soňky çykyşy boldy. Ol şol gün gije aradan çykdy.