Geçen hepdäniň birža täzelikleri
23:17 30.11.2020 6655
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 69- sy hasaba alyndy.
Daşary ýurt puluna Birleşen Arap Emirlikleriniň, Türkiýäniň, Owganystanyň telekeçileri Türkmenbaşydaky nebiti gaýtadan işleýän zawodlar toplumynda öndürilen awtobenzini we gidroarassalanan dizel ýangyjyny satyn aldylar. BAE-niň we Owganystanyň täjirleri Seýdiniň nebiti gaýtadan işleýän zawodynda öndürilen awtobenzini satyn aldylar. “Türkmenhimiýa” döwlet konserninde öndürilen karbamidi Beýik Britaniýanyň işewür toparlarynyň wekilleri, ýokary dykyzlykdaky polietileni bolsa Russiýanyň we Türkiýäniň işewürleri satyn aldylar.
Bulardan başga-da, daşary ýurt puluna elde dokalan haly, boýalan tüýjümek önümler, nah ýüplük we nah mata, jinsi mata ýerlenildi. Olary Russiýanyň, BAE-niň, Türkiýäniň, Azerbaýjanyň, Pakistanyň, Owganystanyň, Gyrgyzystanyň täjirleri satyn aldylar. Geleşikleriň bahasy ABŞ-nyň 47 million 697 müň dollaryndan gowrak boldy.
Manat serişdelerine Birleşen Arap Emirlikleriniň, Türkiýäniň, Pakistanyň, Gazagystanyň we Ermenistanyň täjirleri nah ýüplügi satyn aldylar. Geleşikleriň bahasy 25 million 402 müň manatlykdan gowrak boldy.
Ýurdumyzyň telekeçileri içerki bazar üçin jemi bahasy 40 million 19 müň manatlykdan gowrak ýük awtoulagyny we pagta süýümini satyn aldylar.
TNGIZT-nda doly awtomatlaşdyrylan sanly maglumatlar binýadyny ornaşdyrmak meýilleşdirilýär
Türkmenbaşydaky nebiti gaýtadan işleýän zawodlar toplumynda doly awtomatlaşdyrylan sanly maglumatlar binýadyny ornaşdyrmak meýilleşdirilýär. Şu maksat bilen halkara bäsleşigi yglan edildi. Bäsleşigiň ýeňijisiniň öňünde täze sanly ulgamy döretmek hem-de TNGIZT-niň işine ornaşdyrmak boýunça işleriň taslamasyny we meýilnamasyny taýýarlamak wezipesi durýar.
Türkmenistanyň Prezidentine ýurdumyzy ösdürmegiň geljek 30 ýyl üçin Maksatnamasynyň taslamasy hödürleniler
Geçen anna güni geçirilen Hökümet mejlisinde Ministrler Kabinetiniň Başlygynyň orunbasary Serdar Berdimuhamedow “Berkarar döwletiň täze eýýamynyň Galkynyşy: Türkmenistany 2022 — 2052-nji ýyllarda durmuş-ykdysady taýdan ösdürmegiň Milli maksatnamasynyň” taslamasynyň taýýarlanylyşy barada hasabat berdi.
Türkmenistanyň we Pakistanyň wekilleri Yslamabatda TOPH we elektrik geçiriji ulgamlaryň taslamalaryny maslahatlaşar
Türkmenistanyň daşary işler ministriniň orunbasary Wepa Hajiýew 2022-nji ýylyň 30-njy ýanwary — 4-nji fewraly aralygynda Pakistan Yslam Respublikasynyň Yslamabat şäherinde gulluk iş saparynda bolar. Degişli Buýruga Prezident Gurbanguly Berdimuhamedow geçen anna güni geçirilen Hökümet mejlisinde gol çekdi.
«Türkmengaz» DK gazyň çykarylyşyny we eksportyny artdyrmak boýunça taslamalary maliýeleşdirmek üçin CNPC bilen goşmaça ylalaşyk baglaşar
«Türkmengaz» döwlet konserni türkmen tebigy gazynyň çykarylyşyny we eksport möçberlerini artdyrmak maksady bilen, «CNPC» kompaniýasy bilen goşmaça ylalaşyklary baglaşar. Degişli resminama Türkmenistanyň Prezidenti gol çekdi.
Türkmenistan Hytaýa tebigy gaz ibermeleriniň möçberini artdyrýar
Türkmenistan Hytaýa tebigy gaz ibermeleriniň möçberini artdyrýar. Şu ýylyň mart aýynda Hytaýa «mawy ýangyjyň» eksporty 2,9 mlrd kub metre çenli artyp, 2022-nji ýyldan bäri iň ýokary derejesine ýetdi. Bu barada Finmarket agentligi HHR-iň Gümrük müdirligine salgylanyp habar berýär.