SOCAR kompaniýasynyň prezidenti OGT-2024-iň işine gatnaşar
12:14 23.08.2024 4836
2024-nji ýylyň oktýabr aýynda Aşgabatda “Türkmengaz”, “Türkmennebit” döwlet konsernleriniň Türkmenistanyň Söwda-senagat edarasy bilen bilelikde guramagynda “Türkmenistanyň nebiti we gazy – 2024” (OGT-2024) halkara maslahaty we sergisi geçiriler.
Forumyň köpsanly daşary ýurtly gatnaşyjylarynyň hatarynda sergä Azerbaýjan Respublikasynyň Döwlet nebit kompaniýasy (SOCAR) hem gatnaşar. Onuň wekiliýetine kompaniýanyň prezidenti Rowşan Najaf ýolbaşçylyk eder. Ol maslahatda çykyş eder diýip, çäräniň guramaçylary habar berdi.
Bellenilişi ýaly, OGT-2024 energetika ulgamynyň durnukly ösüşi hem-de ýurduň nebitgaz pudagyna daşary ýurt maýa goýumlaryny çekmek üçin möhüm meýdança bolar. Bu halkara maslahat sebit hyzmatdaşlygynyň giňeltmäge, maýa goýum mümkinçiliklerini artdyrmaga hem-de uglewodorod serişdeleriniň ösüşiniň ekologiýa jähtlerini maslahatlaşmaga mümkinçilik berer.
“Goturdepe” käninde gazly galdyryş usulynyň üsti bilen nebitiň çykarylyşy artdyryldy
Türkmenistanyň nebitçileriniň öňünde täze sepgitlere ýetmäge gönükdirilen möhüm wezipeler durýar. «Türkmennebit» döwlet konserniniň «Goturdepe» müdirliginiň işgärleri netijeli zähmet çekýärler we ýokary netijelere ýetýärler.
Hökümet mejlisinde “Galkynyş” känini netijeli özleşdirmegiň meseleleri maslahatlaşyldy
25-nji iýulda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda döwlet durmuşyna degişli birnäçe meselelere seredildi diýip, TDH habar berýär.
Aşgabatda Kigali üýtgetmeleriniň ýerine ýetirilmegi boýunça meýilnamalar maslahatlaşyldy
Aşgabatda 2016-njy ýylda BMG-niň ozon gatlagyny goramak boýunça Wena konwensiýasynyň Monreal protokolyna girizilen we 2020-nji ýylda Türkmenistan tarapyndan tassyklanan Kigali üýtgetmesi boýunça kabul edilen düzgünleriň ýerine ýetirilmeginiň çäklerinde milli meýilnamalar we ileri tutulýan ugurlar ara alnyp maslahatlaşyldy.
Suwuklandyrylan gazyň eksportynyň çägi giňeýär
«Türkmengaz» döwlet konserniniň Lebap welaýatynda suwuklandyrylan gaz öndürmek boýunça müdirliginiň işi suwuklandyrylan gazyp önümçilik möçberlerini giňeltmeklige we ony eksport edijileriň sanawyny artdyrmaklyga gönükdirilendir. Häzirki zaman desgalarda öndürilen bu gymmatly önüm üçin täze eksport ugurlary kesgitlenildi.
Serdar Berdimuhamedow: halkyň ýokary durmuş derejesini üpjün etmeklige gönükdirilen maksatnamalaryň durmuşa geçirilmegi dowam eder
Türkmenistanda halkyň ýokary durmuş derejesini üpjün etmeklige gönükdirilen maksatnamalaryň durmuşa geçirilmegi dowam etdiriler. Bu barada sişenbe güni Türkmenistanyň täze saýlanan Prezidenti Serdar Berdimuhamedow Ministrler Kabinetiniň we Döwlet howpsuzlyk geňeşiniň giňişleýin mejlisinde eden çykyşynda belledi.