KIOGE 2024: Nebit-gaz pudagynyň geljegi
12:58 26.07.2024 8467
2024-nji ýylyň 25-27-nji sentýabry aralygynda Almaty şäherinde iň uly senagat çäresi - 29-njy Halkara “Nebit we gaz” halkara maslahaty we sergisi - KIOGE 2024 geçiriler. Bu barada minmag.kz. habar berýär.
Bu halkara çärede 15 ýurtdan 200-den gowrak kompaniýa özüniň iň oňat innowasiýa çözgütlerini we nebit-gaz senagatynyň önümleriniň köp görnüşini hödürlär. Kanadadan, Germaniýadan, Hytaýdan, Russiýadan we Türkiýeden gatnaşyjylar milli diwarlyklaryny görkezerler.
Däp bolşy ýaly, sergide iri nebit we gaz çykaryş, gözleg we önümçilik, nebit hyzmat kompaniýalary, nebit-gaz, şahsy we senagat gorag enjamlaryny öndürijiler özleriniň diwarlyklaryny ýaýbaňlandyrarlar.
25-26-njy sentýabrda geçiriljek KIOGE konferensiýasynyň dowamynda çykyş etjekler we oňa gatnaşyjylar özara tejribe alşarlar, täze pudak taslamalarynyň durmuşa geçirilişini we halkara hyzmatdaşlygynyň geljegini ara alyp maslahatlaşarlar.Ýyl-ýyldan çäräniň guramaçylary gatnaşyjylar üçin döredilýän şertleri we amatlyklary kämilleşdirip, konferensiýanyň has netijeli bolmagyna çalyşýarlar. Hut şonuň üçin hem guramaçylar täze ýeri saýladylar. KIOGE-2024 konferensiýasy şäheriň iň beýik binasynda, ýagny maslahat otaglary döwrüň iň täze tehniki talaplaryna laýyk gelýän, çykyş etjeklere özleriniň prezentasiýalaryny we hasabatlaryny doly görkezmäge mümkinçilik berýän Rits-Karlton myhmanhanasynda geçiriler. Şäheriň merkezinde maslahata gatnaşyjylar we myhmanlar üçin zerur bolan ähli infrastrukturalar bar.
Yragyň wekiliýeti «Türkmengaz» DK bilen türkmen tebigy gazyny satyn almagyň mümkinçiliklerini maslahatlaşdy
Türkmenistanyň Nebitgaz toplumynyň Merkezi binasynda «Türkmengaz» döwlet konserniniň ýolbaşçylygy bilen Türkmenistana sapar bilen gelen Yrak Respublikasynyň arasynda gepleşikler geçirildi. Yragyň wekiliýetine Energetika ministriniň orunbasary Adil Karim Kak Ahmed we nebit ministriniň orunbasary Ezat Sabir Esmail ýolbaşçylyk etdi.
Türkmenistanyň ýangyç-energetika toplumynda ýedi aýda alnyp barlan işleriň netijelerine garaldy
27-nji awgustda Türkmenistanyň nebitgaz toplumynyň merkezi binasynda Arkadag Serdarly bagtyýar ýaşlar ýylynyň geçen ýedi aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 25-nji awgustda hormatly Prezidentimiz Serdar Berdimuhamedowyň ýurdumyzyň ykdysadyýetiniň pudaklarynda alnyp barlan işleriň netijelerine bagyşlap sanly ulgam arkaly geçiren Türkmenistanyň Ministrler Kabinetiniň mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ýollary kesgitlenildi.
Türkmenistanyň Halk Maslahatynyň Başlygy we Palestinanyň daşary işler ministri özara bähbitli hyzmatdaşlygy ýola goýmagyň mümkinçiliklerini maslahatlaşdylar
Penşenbe güni türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Palestina Döwletiniň daşary işler we daşary ýurtlarda ýaşaýan palestinalylaryň işleri boýunça ministri Riýad al-Malikiniň arasynda geçirilen duşuşykda özara bähbitli türkmen-palestina ykdysady gatnaşyklaryny ýola goýmak üçin giň mümkinçilikleriň barlygy maslahatlaşyldy diýip, TDH habar berýär.
Ýanwar-iýul aýlarynda Türkmenistanda jemi içerki önümiň ösüşi 6,2% boldy
2023-nji ýylyň ýanwar-iýul aýlarynda Türkmenistanda jemi içerki önümiň ösüş depgini 6,2% boldy. Bu barada maglumat geçen anna güni sanly ulgam arkaly geçirilen Hökümet mejlisinde aýdyldy.
Türkmenistanyň we Malaýziýanyň DIM-niň wekilleri söwda, energetika we beýleki ugurlarda hyzmatdaşlyk meselelerini maslahatlaşdylar
Çarşenbe güni Türkmenistanyň Daşary işler ministrliginde Türkmen-Malaýziýa DIM-leriniň arasynda onlaýn görnüşde geňeşmeler geçirildi. Geňeşleriň dowamynda iki ýurduň diplomatlary syýasy-diplomatik, söwda-ykdysady, energetika we ynsanperwer ugurlarda köptaraplaýyn we ikitaraplaýyn hyzmatdaşlygyň köp meselelerini ara alyp maslahatlaşdylar diýip, Türkmenistanyň DIM-niň saýty habar berýär.