ÝHHG-niň Aşgabatda geçirilen seminarynda metan zyňyndylaryny azaltmagy kadalaşdyrmak meseleleri maslahatlaşyldy
09:40 17.07.2024 5346
2024-nji ýylyň 16-njy iýulynda Aşgabatda ÝHHG-niň Merkezi tarapyndan gurnalan iki günlük seminara döwletimiz tarapyndan «Türkmengaz» we «Türkmennebit» döwlet konsernleriniň, Daşky gurşawy goramak ministrliginiň we beýleki gyzyklanma bildirýän edaralaryň ýigrimi bäş wekili gatnaşdy we olar parnik gazlarynyň, şol sanda metanyň zyňyndylaryny azaltmak boýunça hereket edýän kanunlar bilen tanyşdylar.
Seminaryň barşynda halkara bilermenler degişli doktrinalara, taglymatlara we kanunlara salgylanyp, parnik gazlarynyň, şol sanda metanyň zyňyndylaryny kadalaşdyrmak ulgamynda milli kadalaşdyryjy hukuk binýadyny işläp taýýarlamak boýunça öňdebaryjy tejribeler bilen paýlaşarlar. Parnik gazlarynyň zyňyndylary barada hasabatlary işläp düzmek babatynda milli kadalaşdyryjy hukuk binýadyna aýratyn üns beriler.
ÝHHG-niň Aşgabat Merkeziniň ykdysady we daşky gurşaw bölüminiň başlygy Olivera Zurowak-Kuzmanyň bellemegine görä, howanyň üýtgemegi we daşky gurşaw howpsuzlygyny üpjün etmek bilen bagly gün tertibini durmuşa geçirmekde Türkmenistana goldaw bermeginiň çäklerinde ÝHHG parnik gazlarynyň we metanyň zyňyndylaryny azaltmak ulgamyndaky hyzmatdaşlyga aýratyn ähmiýet berýär.
Şu gün, seminaryň ikinji iş gününde parnik gazlary boýunça arzalaryň akkreditasiýanyň ylalaşylan jähtlerine laýyklygyna baha bermek işine jogapkär guramalaryň işini guramak, şeýle-de parnik gazlarynyň zyňyndylaryny azaltmak boýunça höweslendiriji çäreler, şol sanda kwotalar we uglerod birlikleriniň dolanyşygy ýaly meselelere garalar. Seminara gatnaşyjylar metanyň zyňyndylaryny azaltmak boýunça borçnamalaryň çäginde alnyp barylan işleriň netijelerini ara alyp maslahatlaşarlar we parnik gazlarynyň zyňyndylaryny hasaplamak boýunça amaly sapaga gatnaşarlar – diýip, ÝHHG-niň Aşgabatdaky Merkezi metbugat habarnamasynda habar berýär.
Daşary ýurt Liderleri Prezident Serdar Berdimuhamedowy doglan güni bilen gutladylar
Çarşenbe güni, 22-nji sentýabrda ençeme daşary ýurtlaryň Liderleri Prezident Serdar Berdimuhamedowy doglan güni bilen gutladylar we dürli ugurlar boýunça Türkmenistan bilen hyzmatdaşlygy dowam etmäge taýýardyklaryny nygtadylar.
BP-niň Hazar sebitindäki meýilnamalary türkmen gazynyň Ýewropa eksportynyň geljegini berkider
Ýakynda BP kompaniýasy Hazar sebitinde hereket edýän nebit we gaz känlerinde geljek işläp taýýarlamalary babatda iki sany metbugat beýanyny çap etdi. Turkmen Forum kompaniýasynyň bilermenleriniň pikirine grä, bu meýilnamalar Türkmenistandan Ýewropa tarap tebigy gazyň eksportyny guramak üçin mümkinçilikleri berkider.
Nebitiň bahasy oktýabryň başyndan bäri iň aşak çäkde, Brentiň barreli — 80 dollar
Nebitiň bahasy çarşenbe güni söwdalaryň ýapylmagy bilen oktýabryň başyndan bäri iň aşak çäklere düşdi we arzanlamagyny dowam edýär.
OPEC-iň täze Baş sekretary wezipesine Kuweýtiň wekili Heýsam al-Gaisi saýlanyp biler
Dekabr aýynda OPEC-iň ministrleriniň duşuşygynda 2022-nji ýylyň 1-nji awgustyndan OPEC-iň baş sekretary wezipesine bellemek üçin Kuweýtiň wekili Heýsam al-Gaisiniň dalaşgärligi maslahatlaşylar diýip, Kuweýtiň nebit we ýokary bilim ministri Muhammed Abdel Latif al-Fares Abu-Dabidäki ADIPEC-2021 Halkara nebitgaz sergisiniň çäklerinde žurnalistlere habar berdi.
Iýun aýynda Arkadag şäherinde känleri işläp taýýarlamagyň ekologiýa jähtleri boýunça halkara ylmy maslahat geçiriler
2024-nji ýylyň 5-6-njy iýunynda Arkadag şäherinde geçiriljek “Uglewodorod känlerini işläp taýýarlamagyň energetika geljegi, täze tehnologiýalary we ekologiýa jähtleri” atly Halkara ylmy maslahata (TESC 2024) gatnaşyjylary hasaba almaklyk başlandy. Bu barada guramaçylaryň saýtynda habar berilýär.