Parižde TEIF 2024 halkara maýa goýum forumy öz işini tamamlady
17:07 25.04.2024 6238
Şu gün, 25-nji aprelde Parižde Türkmenistanyň nebitgaz pudagyna daşary ýurt maýa goýumlaryny çekmek boýunça halkara göçme forumynyň (TEIF 2024) ikinji – jemleýji güni öz işini tamamlady.
Bu gün iki sany sessiýa geçirildi: “Arassa energiýa we häzirkizaman infrastruktura ulgamynda taslamalary ilerletmekde maliýe institutlarynyň orny” we “Türkmenistana gurluşyk, gazhimiýa, ulag we kommunikasiýa ulgamlarynda täze taslamalara maýa goýumlary çekmek işini tizleşdirmek”.
Birinji sessiýanyň dowamynda arassa energiýany we “ýaşyl geljegi” ilerletmekde halkara guramalarynyň we maliýe institutlarynyň ornuna garaldy, energetika taslamalaryny maliýeleşdirmekde häzirki zaman ýörelgeleri maslahatlaşyldy, şeýle hem energetika özgertmeleri ulgamynda Türkmenistanyň wezipeleri beýan edildi.
Çykyş edenleriň hatarynda Türkmenistanyň energetika ministri, Merkezi bankyň we Türkmenistanyň Döwlet daşary ykdysady iş bankynyň ýolbaşçylary, şeýle hem daşary ýurt kompaniýalarynyň we maliýe guramalarynyň wekilleri bar.
Ikinji sessiýa gatnaşyjylar gurluşyk, ulag, sanly tehnologiýalar we telekommunikasiýalar ulgamyna ähmiýet bermek bilen, täze infrastruktura taslamalaryna maýa goýumlaryny çekmek meselelerini maslahatlaşdylar.
Şunuň bilen baglylykda, Türkmenistanyň ählumumy logistika ulgamlaryna işjeň goşulýandygy we deňiz, demir ýol, howa daşamalary we hemra aragatnaşygy infrastrukturalaryny kämilleşdirmek boýunça bilelikdäki taslamalary durmuşa geçirmek üçin ulag-kommunikasiýa ulgamyna maýadarlary goldaýar. Şeýle hem täze taslamalar üçin çig mal binýadyny üpjün edýän Türkmenistanyň tebigy serişdeleriniň geologiki barlaglary temasy beýan edildi.
Çykyş edenleriň hatarynda – “Türkmengeologiýa”, “Türkmenhimiýa” DK-laryň, “Türkmenaragatnaşyk” agentliginiň, Fransiýa-Türkmenistan Söwda palatasynyň, Caspian Logistics Solutions kompaniýasynyň ýolbaşçylary, Ýagşygeldi Kakaýew adyndaky Halkara nebit we gaz uniwersitetiniň rektory we beýlekiler bar.
Soňra TEIF 2024 forumyna gatnaşyjylar Türkmenistanyň Prezidentine Ýüzlenme kabul etdiler.
Şunlukda, “Türkmengaz” we “Türkmennebit” döwlet konsernleriniň “Türkmen Forum” hem-de GaffneyCline britan kompaniýasy bilen hyzmatdaşlykda guran göçme maýa goýum forumy öz işini tamamlady.
Şu gün şeýle hem Türkmenistanyň energetika, himiýa, maliýe, gurluşyk we ulag-kommunikasiýa toplumynyň ýokary ýolbaşçylary bilen öňden ylalaşylan duşuşyklar geçirildi.
Türkmenistanyň Prezidenti Özbegistanyň we Täjigistanyň DIM-niň ýolbaşçylary bilen ikitaraplaýyn we sebit hyzmatdaşlygynyň ösüşini maslahatlaşdy
27-nji martda Prezident Serdar Berdimuhamedow Merkezi Aziýa ýurtlarynyň we Ýewropa Bileleşiginiň daşary syýasat edaralarynyň ýolbaşçylarynyň 20-nji duşuşygyna gatnaşmak üçin ýurdumyza gelen Täjigistan Respublikasynyň daşary işler ministri Sirojiddin Muhriddini hem-de Özbegistan Respublikasynyň daşary işler ministri Bahtiýor Saidowy kabul etdi diýip, TDH habar berýär.
Birža söwdalarynda dizel ýangyjyny we suwuklandyrylan gazy eksport etmek boýunça geleşikler baglaşyldy
Türkmenistanyň Döwlet haryt çig mal biržasynyň söwdalarynda 30-njy awgustda umumy bahasy ABŞ-nyň 17,7 mln dollaryna ýa-da 1,6 mln türkmen manadyna barabar bolan 13 sany geleşik baglaşyldy diýip, ORIENT habar berýär.
«Gazprom» 150 atmosfera basyşly gaz ulag ulgamyny döretmegi karar etdi
«Gazprom» işçi basyşy 150 atmosfera (14,8 Mpa) bolan gaz ulag ulgamyny döretmek hakynda karar kabul etdi. Anna güni Interfaks agentliginiň habar bermegine görä, bu barada Tatarystan nebitgazhimiýa forumynyň barşynda «Gazpromyň» iberijileriniň gününde kompaniýanyň başlygynyň orunbasary Oleg Aksýutin belledi.
Bilermen ÝB-de gazyň bahalarynyň aňry çäginiň girizilmegine mümkin bolan jogaby barada aýtdy
Ýewropada rus gazynyň bahasyna aňry çägiň girizilmegi beýleki iberijiler tarapyndan ýaramaz kabul edilip bilner, olar geljekde, ýagny baha çägi girizilende ibermeleriniň bahalaryny aşaklatmak islemeseler gerek diýip, Vygon Consulting kompaniýasynyň barlaglar boýunça direktory Mariýa Belowa Ria Nowosti agentligine gürrüň berdi.
“Ýewropa Bileleşigi — Merkezi Aziýa” ministrler duşuşygynda köpugurly hyzmatdaşlygyň geljegi maslahatlaşyldy
27-nji martda Aşgabat şäherinde geçirilen “Merkezi Aziýa – Ýewropa Bileleşigi” 20-nji ministrler duşuşygynda syýasy-diplomatik, söwda-ykdysady we medeni-ynsanperwer ugurlarda köptaraplaýyn hyzmatdaşlyga degişli meseleleriň giň toplumy ara alnyp maslahatlaşyldy diýip, Türkmenistanyň DIM-nde habar berdiler.