Türkmenistanda AI-100 benzininiň önümçiligini ýola goýmak mümkin — bilermen
11:31 05.11.2020 8011
Seýdiniň NGIZ-de AI-100 innowasion awtomobil benzininiň önümçiliginiň ýola goýmak mümkinçiligi barada tehniki ylymlarynyň doktory Allaberdi Ylýasow belledi, diýip CentralAsia.news habar berýär.
Onuň pikirine görä, benziniň bu görnüşiniň öndürilip başlanmagy ýerli nebiti gaýtadan işleýän senagatyň tehnologik derejesiniň hil taýdan ösüşini düýpli özgerder.
Markalardaky san indeksleri ýangyjyň oktanly sanlaryny, ýagny silindrlerde ýangyç-how garyndysynyň gysylmagynda onuň detanasion durnuklylygyny aňladýar. Benziniň oktan belgisi näçe ýokary bolsa, silindrlerdäki ýangyç-howa garyndysy detonasiýa bolmakdan howatyrlanman, şonça-da gysylyp bilýär. Ýokary oktanly ýangyç silindrleriň uly bolmadyk göwrümlerinde uly kuwwatlylygy we ýangyjyň deňagramly sarp edilmegini üpjün etmäge ukyply forsirlenen hereketlendirijileri döretmäge mümkinçilik berýär. Bu bolsa, häzirki zaman ykdysady we ekologik talaplara laýyk gelýär.
Ýokary oktanly AI-100 benzininiň özboluşly düzümi döwrebap ýokary forsirlenen hereketlendirijileriň mümkinçiliklerini doly derejede açyp görkezmäge we olaryň işiniň netijeliligini ýokarlandyrmaga mümkinçilik berer.
AI-100 ýangyjyň komponent düzümi AI-95 benzini bilen deňeşdirilende düýpli tapawutlanýar. Ýangyç düzüminde göni sepleýji hereketlendirijiniň iş prosesinde ýangyç ulgamyň işiniň arassalygyny üpjün edýän özboluşly köpugurly ýuwulýan prisadkany hem-de galyndylaryň emele gelmeginiň öňüni alýan ýokary hilli komponentleriň ýokarlandyrylan mukdaryny saklaýar.
Daşary ýurt kompaniýalarynyň hünärmenleriniň bahalandyrmagyna görä, hereketlendiriji 100 sagat işländen soň — bu bolsa 6000 km geçen ýola barabar — AI-100 ýangyjynyň peýdalanylmagy forsunkalaryň kokslanmagynyň öňüni almaga mümkinçilik berýär we benziniň sepilme wagtyny gysgaldýar. Netijede, benziniň has netijeli we doly ýanmasy üpjün edilýär, hereketlendirijiniň ulanyş möhleti we onuň tygşytlylygy edil täze awtomobildäki ýaly ilkibaşdaky derejesinde saklanyp galýar.
AI-95 bilen deňeşdirilende AI-100 ýangyjy işlenip düzülende komponent düzümi düýpli üýtgedildi: aromatiki uglewodorodlaryň düzümi peseldildi, galyndylaryň emele gelmegine pes ýykgyn edýän ýokary hilli komponentleriň goşulmagy ýokarlandyryldy. Onuň ulanylmagy ýangyjyň tygşytlylygyny hem-de bir ýangyç bagynda goşmaça kilometrleri, şol sanda ýangyjyň ýanmagynyň has ýokary tizligi mynasybetli awtomobiliň dinamikasynyň gowulanmagyny üpjün edýär.
Täze önüm döwlet hem halkara ülňülerine laýyk geler.
Täze önümiň öndürilmegi Türkmenistanyň nebiti gaýtadan işleýän kuwwatlyklaryny döwrebaplaşdyrmak boýunça iri möçberli maksatnamanyň durmuşa geçirilmegi netijesinde mümkin bolýar. Hasaplamalaryň görkezmegine görä, SNGIZ-de täze görnüşli benziniň alynmagy shema gidroizomerizasiýanyň goşulmagy netijesinde mümkindir.
Gidrogenizasion hadysalar ulanyş çykdajylary babatda degişlilikde arzandyr.
Desgalar abatlanylanda döwrebap çözgütleriň ulanylmagy ulanyşda energiýa sarp edilişini düýpli peseltmäge, öndürilýän önümleriň hilini ýokarlandyrmaga mümkinçilik berer. Tehniki taslamada hödürlenilen tehniki çözgütleriň hem-de çäreleriň toplumy desganyň ulanylyşynyň ygtybarlylygyny, netijeliligini, howpsuzlygyny, şeýle hem daşky gurşawyň goraglylygyny üpjün eder.
TDHÇMB-niň söwdalarynda daşary ýurt puluna «Türkmennebit» we «Türkmenhimiýa» DK-nyň önümleri ýerlenildi
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 14-si hasaba alyndy.
Russiýa Türkmenistanyň esasy söwda hyzmatdaşlarynyň biri bolup durýar
Russiýa Türkmenistanyň esasy söwda hyzmatdaşlarynyň biri bolmagynda galýar – ýurtlaryň arasyndaky ýyllyk haryt dolanyşygy 1,6 milliard dollardan geçýär. Bu barada Türkmenistanyň Ministrler Kabinetiniň Başlygynyň orunbasary Hojamyrat Geldimyradow 11-nji iýunda Russiýa Federasiýasynyň ilçihanasy tarapyndan “Ýyldyz” myhmanhanasynda guralan Russiýa gününiň hormatyna geçirilen resmi kabul edilişlikde aýtdy. Bu barada Türkmenistanyň Telewideniýe, radiogepleşikler we kinematografiýa baradaky döwlet komitetiniň Habarlar portaly habar berýär.
Türkmenistanyň wekiliýeti Daşkent halkara maýa goýum forumyna gatnaşdy
Türkmenistanyň Ministrler Kabinetiniň Başlygynyň orunbasary N.Atagulyýewiň ýolbaşçylygynda türkmen wekiliýeti 9-11-nji iýuny aralygynda IV Daşkent halkara maýa goýum forumyna gatnaşdy diýip, Türkmenistanyň DIM-niň saýtynda habar berilýär.
Türkmenistanyň Prezidenti alymlary we Halkara ylmy maslahata gatnaşyjylary gutlady
12-nji iýunda Türkmenistanda Ylymlar güni bellenilip geçilýär. Şunuň bilen baglylykda, Prezident Serdar Berdimuhamedow Türkmenistanyň ylmy jemgyýetçiligine hem-de «Berkarar döwletiň täze eýýamynyň Galkynyşy döwründe ylym, tehnika we innowasion tehnologiýalar» halkara ylmy maslahata gatnaşyjylara gutlag iberdi.
Hökümet mejlisinde TNGIZT-niň işini döwrebaplaşdyrmagyň meseleleri maslahatlaşyldy
13-nji iýunda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda döwlet durmuşyna degişli birnäçe meselelere garaldy diýip, TDH habar berýär.