«Türkmengaz» döwlet konserniniň gazçylary Arkadag Serdarly bagtyýar ýaşlar ýylyny ähli önümçilik görkezijileri boýunça üstünlikli jemläp, «Pähim-paýhas ummany Magtymguly Pyragy» diýlip yglan edilen täze, 2024-nji ýyly guwandyryjy zähmet üstünligi bilen garşy aldylar.
Konserniň «Türkmengazburawlaýyş» müdirliginiň burawlaýjylary täze ýylyň öň ýanyndaky günlerde Mary welaýatynyň çäginde ýerleşýän Ýylan gaz känindäki 02-nji ulanyş-baha beriş guýusyndan tebigy gazyň senagat ähmiýetli akymyny aldylar. Munuň özi gazçylaryň Täze ýyl baýramçylygyna ajaýyp toý sowgady boldy.
