«Pähim-paýhas ummany Magtymguly Pyragy» ýylynda nebitgaz toplumynyň edara-kärhanalarynyň agzybir işgärleri milli ykdysadyýetimiziň ösüşine saldamly goşant goşdular. Häzirki buýsançly günlerde önümçilik kärhanalarynyň işgärleri joşgunly zähmet çekýärler. Munuň şeýledigine Seýdiniň nebiti gaýtadan işleýän zawodynyň önümçilik görkezijilerine nazar aýlanyňda hem aýdyň göz ýetirip bolýar.
— Hormatly Prezidentimiziň ýurdumyzy senagat taýdan depginli ösdürmek, ilatyň ýaşaýşynyň täze hil derejesini gazanmak boýunça öňde goýan wezipelerini üstünlikli durmuşa geçirmek nebiti gaýtadan işleýjilerimiziň baş maksady bolup durýar. Bilelikde, maksada okgunly zähmet çekilmegi netijesinde ýyly şowly jemledik — diýip, kärhananyň kärdeşler arkalaşygynyň ilkinji guramasynyň başlygy Ahmet Annamyradow gürrüň berýär.
