Şanly ýylymyzyň şygary bilen Türkmenistan dünýä tanalýar
04:20 04.03.2025 3762
«Türkmengaz» DK-nyň Ylmy-barlag tebigy gaz institutynda 2025-nji Halkara parahatçylyk we ynanyşmak ýylynyň şygary, hemişelik Bitaraplygymyzyň 30 ýyllyk ýubileýi bilen bagly maslahat geçirildi. Oňa «Türkmengaz», «Türkmennebit» döwlet konsernleriniň, «Türkmengeologiýa» DK-nyň önümçilik düzümlerinden işgärler gatnaşdylar.
Aşgabat şäher häkimliginiň guramaçylygynda geçirilen maslahatyň dowamynda Berkararlyk etrap Halk maslahatynyň agzasy Şirinjemal Ýegelekowa, TDP-niň Aşgabat şäher Bagtyýarlyk etrap komitetiniň partiýa guramaçysy Şirin Mämmedowa, TSTP-niň Aşgabat şäher komitetiniň partiýa guramaçysy Atajan Atajanow, TAP-yň Aşgabat şäher komitetiniň baş hünärmeni Mekan Atageldiýew, Türkmen döwlet medeniýet institutynyň talyby Arazgül Orazowa, şeýle-de nebitgaz toplumynyň, degişli toplumyň kärdeşler arkalaşyklarynyň wekilleri çykyş etdiler.
Çykyşlarda ýurdumyzyň hemişelik Bitaraplygynyň 30 ýyllygynyň we 2025-nji — Halkara parahatçylyk we ynanyşmak ýylynyň ähmiýetli aýratynlyklaryndan, bu babatda kesgitlenen wezipelerden ugur alnyp, Türkmenistanyň halkara syýasy giňişliginiň ygtybarly agzasy hökmünde açyk, parahatçylyk söýüji, oňyn we aýdyň daşary syýasaty alyp barýandygy, sebitleýin hem-de halkara derejede netijeli hyzmatdaşlygy ösdürmekde, parahatçylygy we howpsuzlygy berkitmekde dünýäde uly orun eýeleýändigi, özüniň Bitaraplyk ýörelgesine ygrarly bolmak arkaly halkara gatnaşyklaryň parahatçylykly ýol bilen ösdürilmegine, ählumumy howpsuzlygyň we durnukly ösüşiň üpjün edilmegine uly goşant goşýandygy bellenildi. Birleşen Milletler Guramasynyň parahatçylyk medeniýeti hakyndaky Jarnamasynyň we hereketleriň Maksatnamasynyň wajyplygyny nazara alyp, ýurdumyzyň Ýer ýüzüniň köp sanly döwletleri, abraýly halkara guramalary bilen dostlukly, birek-birege ynanyşmak we deňhukukly hyzmatdaşlyk ýörelgelerine esaslanýan gatnaşyklary saklaýandygy aýratyn nygtalyp geçildi. Türkmenistanyň daşary syýasat strategiýasyny üstünlikli durmuşa geçirýändigi, bu ugurda ýurdumyzda halkara derejede netijeli işleriň amala aşyrylýandygy bellenildi.
Halkara parahatçylyk we ynanyşmak ýyly hem-de hemişelik Bitaraplygymyzyň 30 ýyllygy mynasybetli geçirilýän çäreleriň üsti bilen merdana halkymyzyň asylly däp-dessurlary, myhmansöýerligi, eziz Diýarymyzyň hemmetaraplaýyn gülläp ösýändigi we ynamly öňe barýandygy, Türkmenistanyň daşary syýasat strategiýasyny üstünlikli durmuşa geçirýändigi, bu ugurda halkara derejede netijeli işleriň amala aşyrylýandygy bütin dünýä aýdyň görkezilýär.
«Gazprom» Hytaýa gaz ibermeleriniň möçberini ardyrmaga we tölegi ýuanda ýa-da rublda geçmäge taýýarlanýar
Russiýanyň «Gazprom» kompaniýasy «uzakgündogar» ugry boýunça Hytaýa täze gaz geçirijini taslamalaşdyrmaga girişdi we CNPC bilen gazy satyn almak-satmak hakynda Şertnama goşmaça resminama gol çekdi. Ol özara hasaplaşyklary ýuanda ýa-da rublda geçmäge mümkinçilik berýär. Bu barada «Gazpromyň» resmi saýtynda habar berilýär.
Türkmenistanyň Prezidenti «Merkezi Aziýa – Ýewropa Bileleşigi» görnüşindäki birinji sammite we Samarkant halkara klimat forumyna gatnaşdy
4-nji aprelde Özbegistanda iş saparynda bolýan Prezident Serdar Berdimuhamedow «Merkezi Aziýa – Ýewropa Bileleşigi» görnüşindäki birinji sammite hem-de Samarkant halkara klimat forumyna gatnaşdy. Bu barada TDH habar berýär.
Türkmenistan ÝB bilen netijeli energodialogy täze derejede ýola goýmaga taýýar – Serdar Berdimuhamedow
Prezident Serdar Berdimuhamedow Türkmenistanyň Ýewropa Bileleşigi bilen netijeli energodialogy täze derejede ýola goýmaga çalyşýandygyny we bu ugurda iş ýüzündäki ädimleri ätmäge taýýardygyny tassyklady. Bu barada döwlet Baştutany 4-nji aprelde Samarkantda geçirilen “Merkezi Aziýa – Ýewropa Bileleşigi” birinji sammitinde beýan etdi diýip, TDH habar berýär.
Türkmenistanyň Prezidenti: “Garaýyşlaryň umumylygyndan ugur alyp, Merkezi Aziýany parahat, ykdysady taýdan özüne çekiji durnukly sebit hökmünde görýäris”
Häzirki şertlerde Merkezi Aziýa ýurtlary bilen Ýewropa Bileleşiginiň arasyndaky syýasy-diplomatik hyzmatdaşlyk sebitdäki we goňşy ýurtlardaky umumy ýagdaýlara netijeli täsir etmäge ukyply diýip pikir edýäris. Bu ugurda dünýä bileleşiginiň, ozaly bilen, Birleşen Milletler Guramasynyň tagallalaryna ýardam bermeli diýip hasaplaýarys diýip, Prezident Serdar Berdimuhamedow «Merkezi Aziýa — Ýewropa Bileleşigi» görnüşindäki birinji sammitinde çykyşynda belledi.
Birža söwdalarynda dizel ýangyjynyň dürli görnüşleri uly islegden peýdalandy
Duşenbe güni, 5-nji sentýabrda Türkmenistanyň Döwlet haryt-çig mal biržasynyň söwdalarynda umumy bahasy 16,9 mln dollara barabar bolan 5 sany geleşik baglaşyldy diýip, ORIENT agentligi habar berýär.