Bäş aýyň jemine garaldy
14:47 10.07.2020 5234
8-nji iýunda Türkmenistanyň nebitgaz toplumynyň merkezi binasynda toplumyň düzümine girýän konsernlerde, korporasiýada we edara-kärhanalarda 2020-nji — “Türkmenistan — Bitaraplygyň mekany” ýylynyň geçen bäş aýynda ýerine ýetirilen işlere baha berildi we hormatly Prezidentimiziň 5-nji iýunda sanly wideoaragatnaşyk arkaly geçiren nobatdaky mejlisinde toplumyň öňünde bellän wezipelerini durmuşa geçirmegiň möhüm ugurlary ara alnyp maslahatlaşyldy.Hasabat ýygnagyna Türkmenistanyň Saglygy goraýyş we derman senagaty ministrliginiň, Statistika baradaky döwlet komitetiniň we Türkmenistanyň “Türkmenbaşy” döwlet täjirçilik bankynyň wekilleri hem gatnaşdylar. Olar öz çykyşlarynda häzirki döwürde dünýäde koronawirus ýokanjy zerarly emele gelen ýagdaý bilen baglylykda ilatyň arasynda arassaçylyk we öňüni alyş çärelerini giňden wagyz etmek boýunça alnyp barylýan işler, toplumyň düzümlerinde geçen bäş aýyň dowamyndaky önümçilik görkezijileriniň, maliýe-ykdysady işiň ýagdaýy barada habar berdiler. Soňra Türkmenistanyň Ministrler Kabinetiniň Başlygynyň orunbasary M.Meredow hormatly Prezidentimiziň Ministrler Kabinetiniň mejlisinde beýleki pudaklar bilen birlikde nebitgaz toplumynyň öňünde bellän wezipeleri barada durup geçdi.Wise-premýer geçen bäş aýda ýerine ýetirilen işler barada hasabat bermek üçin Döwlet ministri — “Türkmengaz” döwlet konserniniň başlygy M.Arçaýewe söz berdi. Ministr öz hasabatynda konserniň edara-kärhanalary tarapyndan ady tutulan döwürde önümçilik meýilnamalarynyň ýerine ýetirilişiniň ýagdaýy barada habar berdi. Konsern tarapyndan iri känlerde tebigy gazyň we ondan alynýan ugurdaş önümleriň çykarylyşyny artdyrmak, täze ýataklary gözlemek we ulanyşa bermek, öň bar bolan guýularyň önüm berijiligini güýçlendirmek ugrundaky işler dowam etdirilýär. Hasabat ýygnagynda “Türkmennebit” döwlet konserniniň başlygy G.Baýgeldiýew, “Türkmengeologiýa” döwlet korporasiýasynyň başlygy ª.Abdrahmanow, Türkmenbaşydaky nebiti gaýtadan işleýän zawodlar toplumynyň baş direktory B.Amanow hem-de toplumyň birleşikleriniň, müdirlikleriniň we edara-kärhanalarynyň ýolbaşçylary şu ýylyň geçen bäş aýynyň dowamynda alnyp barlan işleriň jemi, öňde duran wezipeler barada çykyş etdiler. Hasabatlara görä, Türkmenbaşydaky nebiti gaýtadan işleýän zawodlar toplumynda, Seýdiniň nebiti gaýtadan işleýän zawodynda, şeýle hem Gyýanlydaky polimer zawodynda, Ahaldaky gazdan benzin öndürýän toplumda önümçilikleriň depginini has-da güýçlendirmek ugrundaky işler maksatnamalaýyn dowam etdirilýär. “Türkmenistan — Owganystan — Pakistan — Hindistan” gaz geçirijisiniň gurluşygy meýilnama laýyklykda alnyp barylýar. Hormatly Prezidentimiziň bellän wezipelerinden ugur alnyp, pudaga täze maýa goýumlaryny çekmek, daşary ýurt kompaniýalary bilen hyzmatdaşlygy has-da işjeňleşdirmek, önümçiliklerde ylmy we innowasion gazanylanlary ornaşdyrmak boýunça işler giň gerime eýe bolýar. Hasabat ýygnagynda ýurdumyzyň täze ilatly ýerlerini gazlaşdyrmakda, awtoulaglary ýokary hilli we ekologik taýdan arassa ýangyç bilen üpjün etmekde alnyp barylýan işler, “Türkmengaz” döwlet konserniniň Ylmy-barlag tebigy gaz institutynyň we “Türkmennebit” döwlet konserniniň “Nebitgazylmytaslama” institutynyň alymlarynyň hem-de hünärmenleriniň nebitiň we gazyň çykarylyşyny artdyrmak, täze ýataklary gözläp tapmak ugrundaky ylmy barlaglarynyň netijeleri, «Türkmengaz» döwlet konserniniň Mary nebitgaz orta hünär okuw mekdebinde geljekki hünärmenleri taýýarlamak ugrunda alnyp barylýan işler, “Türkmengaz” döwlet konserniniň “Nebitgazhyzmat” müdirliginiň geçen döwürde gazanan maliýe-ykdysady görkezijileri baradaky hasabatlar diňlenildi. Hasabat ýygnagynyň ahyrynda wise-premýer M.Meredow ýygnananlara ýüzlenip, hormatly Prezidentimiziň “Türkmenistanyň nebitgaz senagatyny ösdürmegiň 2030-njy ýyla çenli döwür üçin Maksatnamasynda” bellän wezipelerini durmuşa geçirmekde zähmet üstünliklerini arzuw etdi.
Türkmenistanyň wekiliýeti Tatarystan nebitgaz forumyna gatnaşdy
«Kazan Ekspo» halkara sergi merkezinde 31-nji awgustdan 2-nji sentýabr aralygynda Tatarystan nebitgazhimiýa forumy – 2022 geçirildi. Oňa iki müňden gowrak wekil gatnaşdy. Türkmenistandan foruma «Türkmengaz» we «Türkmennebit» döwlet konsernleriniň, «Türkmengeologiýa» döwlet korporasiýasynyň wekilleri gatnaşdy. Bu barada Türkmenistanyň Kazandaky Baş Konsullygynyň saýtynda habar berilýär.
Türkmenistanyň we Saud Arabystanynyň wekilleri hyzmatdaşlygy ösdürmegiň mümkinçiliklerini bellediler
2-nji aprelde Türkmenistanyň daşary işler ministri Raşid Meredow bilen Saud Arabystany Patyşalygynyň döwlet ministri, Ministrler Kabinetiniň agzasy Emir Turki bin Muhammed Al Saudyň arasynda geçirilen duşuşykda iki ýurduň arasyndaky syýasy-diplomatik, söwda-ykdysady we medeni-ynsanperwer hyzmatdaşlygyň möhüm taraplaryny ara alyp maslahatlaşyldy diýip, Türkmenistanyň DIM-niň metbugat gullugy habar berdi.
Türkmenistan benziniň iň arzan ýurtlarynyň sanawynda 7 orna çykdy
Türkmenistan benziniň bahasy iň arzan ýurtlarynyň sanawynda 7-nji orny eýeleýär. Muňa 29-njy awgustda GlobalPetrolPrices internet-neşiri tarapyndan neşir edilen dünýäde motor ýangyjynyň bahalary hakyndaky maglumatlar şaýatlyk edýär.
Gahryman Arkadagymyz Balkan welaýatynda täze howa menziliniň gurluşyk işleriniň barşy bilen tanyşdy
Balkan welaýatyna iş saparynyň çäklerinde Türkmenistanyň Halk Maslahatynyň Başlygy Gurbanguly Berdimuhamedow Jebel şäherçesinde täze Halkara howa menziliniň gurluşygynyň güýçli depginde dowam edýän ýerine baryp, alnyp barylýan giň möçberli gurluşyk işleri bilen tanyşdy. Bu barada TDH habar berýär.
«Demirgazyk akymy» bilen bagly ýagdaý zerarly Ýewropada gaz 30% gymmatlady
«Demirgazyk akymy» gaz geçirijisiniň togtamagynyň dowam etmegi netijesinde Ýewropada gazyň spot bahasy 30%-e golaý ýokarlanyp, müň kub metrine 2900 dollara ýetdi diýip, Interfaks habar berýär.