Zähmeti goramak sagdynlygyň we howpsuzlygyň girewidir
10:06 14.09.2023 7770
«Türkmengaz» döwlet konserniniň Ylmy-barlag tebigy gaz institutynyň mejlisler zalynda konserniň garamagyndaky edara-kärhanalaryň zähmeti goramak we tehniki howpsuzlygy boýunça hünärmenleriniň gatnaşmagynda okuw maslahaty geçirildi.
Onuň dowamynda zähmeti goramak we dolandyrmak, her bir işgäriň, hünärmeniň zähmet şertlerini, üpjünçiligini, howpsuzlygyny talabalaýyk guramak we başga-da ençeme wajyp ugurlar boýunça çykyşlara giň orun berildi.
Maslahatda «Işgärleri okatmak we görkezme-düşündiriş okuwlaryny geçirmek», «Iş orunlarynyň hünär synagyny geçirmek we netijelerini resmileşdirmek», «Işleriň görnüşleri boýunça zähmet goragy bilen bagly gözükdirmeleriň işlenip düzülişi, olaryň işgärlere öwredilişi, tanyşdyrylyşy we saklanylyşy», «Zähmeti goramak, senagat we ýangyn howpsuzlygy boýunça jogapkär bellemegiň tertibi» we beýleki temalar boýunça çykyşlar diňlenildi. Bulardan başga-da, okuw maslahatynda kesgitlenen wezipelere laýyklykda, önümçilikde howply ýagdaýlary duýdurmak, talabalaýyk zähmet şertlerini we tehniki howpsuzlygyny üpjün etmek, işgärleriň janyny we saglygyny goramak üçin zerur işleriň amala aşyrylýandygy bellenildi. Pudagyň maddy-enjamlaýyn binýadynyň yzygiderli döwrebap tehnikalar we tehnologiýalar bilen üstüniň ýetirilmeginiň zähmeti goramak we tehniki howpsuzlyk boýunça geçirilýän çäreleriň has-da netijeliligini artdyrýandygy aýratyn nygtaldy.
«Türkmengaz» döwlet konserniniň zähmeti goramak we tehniki howpsuzlyk bölüminiň başlygy Ylham Jumageldiýew, şol bölümiň hünärmenleri Azat Saparmuhammedow, Şöhrat Jumaýew, Türkmenistanyň Nebitgaz senagaty toplumynyň işgärleriniň kärdeşler arkalaşygynyň Geňeşiniň tehniki gözegçisi Geldimyrat Seýtiýew ýurdumyzda hormatly Prezidentimiz Serdar Berdimuhamedowyň, Gahryman Arkadagymyzyň parasatly ýolbaşçylygy netijesinde her bir raýatyň dünýä ülňülerine laýyklykda döwrebap, ösen şertlerde zähmet çekmeginiň, ýaşamagynyň, dynç almagynyň hem-de hemmetaraplaýyn üns-alada bilen gurşalmagynyň döwlet syýasatynyň ileri tutulýan ugurlarynyň biri hökmünde kesgitlenendigini bellediler.
Okuw maslahaty iki gün dowam edip, zähmeti goramak we tehniki howpsuzlygy boýunça hünärmenler üçin iş tejribelerini artdyrmakda we paýlaşmakda netijeli boldy.
Serdar Berdimuhamedow: Türkmenistan energiýa serişdeleriniň iberilişini üpjün etmek üçin ŞHG bilen hyzmatdaşlyga taýýar
Türkmenistan energetika ulgamynda ŞHG bilen yzygiderli we uzak möhletleýin hyzmatdaşlyga taýýardygyny belläp, gurama agza ýurtlaryň zerurlyklaryny üpjün etmek, geljekde daşarky bazarlara çykmak maksady bilen, energiýa serişdeleriniň iberilişini diwersifikasiýalaşdyrmak boýunça bilelikdäki taslamalary meýilleşdirmäge iş ýüzünde girişmäge teklibini beýan etdi. Bu barada Türkmenistanyň Prezidenti Serdar Berdimuhamedow geçen anna güni Samarkantda geçirilen Şanhaý Hyzmatdaşlyk Guramasynyň sammitinde eden çykyşynda belledi.
Özbegistanyň Prezidenti Türkmenistanyň Halk Maslahatynyň Başlygyna Özbegistanyň “Ýokary derejeli dostluk” ordenini gowşurdy
24-nji aprelde Samarkantda ikitaraplaýyn gepleşikler tamamlanandan soňra, türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowa Özbegistan Respublikasynyň ýokary döwlet sylagyny — “Ýokary derejeli dostluk” (“Oliý Darajali Dustlik”) ordenini gowşurmak dabarasy boldy.
TEIF 2025: Türkmenistan halkara hyzmatdaşlaryny ýurduň durnukly, ösýän ykdysadyýetine maýa goýmaga çagyrýar
Türkmenistanyň Ministrler Kabinetiniň Başlygynyň orunbasary Batyr Amanow TEIF 2025 halkara maýa goýum forumynda eden çykyşynda forumyň Günorta-Gündogar Aziýada ilkinji gezek geçirilmeginiň aýratyn ähmiýete eýedigini belledi.
Türkmenistanyň Halk Maslahatynyň Başlygy Özbegistanyň Prezidenti bilen hyzmatdaşlygyň ileri tutulýan ugurlaryny maslahatlaşdy
Özbegistana dostlukly saparynyň çäklerinde 24-nji aprelde Samarkant şäherindäki Kongres merkezinde türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň we Özbegistan Respublikasynyň Prezidenti Şawkat Mirziýoýewiň arasynda gepleşikler geçirildi diýip, TDH habar berýär.
Türkmenistan ŞHG bilen söwda-ykdysady hyzmatdaşlygy giňeltmäge açyk — Prezident
Türkmenistan ŞHG bilen söwda-ykdysady hyzmatdaşlygy giňeltmäge we çuňlaşdyrmaga açykdyr. Bu barada Prezident Serdar Berdimuhamedow anna güni Samarkantda ŞHG sammitinde eden çykyşynda belledi.