“Türkmenistanyň nebiti we gazy – 2025” ýubileý forumy üstünlikli tamamlandy
19:53 25.10.2025 4280
Aşgabatda 24-nji oktýabrda «Türkmenistanyň nebiti we gazy – 2025» (OGT-2025) atly 30-njy halkara maslahaty we sergisi üstünlikli tamamlandy.
Forumyň jemleýji güni tebigy gazyň ýerasty ammarlarda saklanylmagy, suwuklandyrylan tebigy gaz (STG), CO₂ gazynyň tutulyşy we ulanylyşy boýunça täze tehnologiýalar, şeýle hem innowasiýalaryň we adam maýasynyň Türkmenistanda energiýa geçişinde tutýan orny ýaly möhüm strategik meselelere bagyşlandy.
«Türkmengeologiýa» döwlet korporasiýasynyň başlygy Gurbangeldi Garlyýew CO₂ gazyny tutmak, peýdalanmak we ýerasty saklamak boýunça CCUS-tehnologiýalary barada çykyş etdi. Ol bu tehnologiýalaryň howanyň üýtgemegine garşy göreşde iň täsirli hyzmatdaş bolýandygyny nygtady.
G.Garlyýewiň bellemegine görä, CCUS-tehnologiýalarynyň gaýtadan dikeldilýän energiýa çeşmeleri we wodorod önümçiliginiň ösüşi bilen utgaşdyrylmagy Türkmenistanda durnukly senagat we energetika ösüşiniň esasyny emele getirýär.
GaffneyCline Energy Advisory kompaniýasynyň uly geologiýa-ýerasty ulgamlar boýunça maslahatçysy Fil Gibbons Ojak ýatagynda tebigy gazyň ýerasty ammary boýunça geçirilen bahalandyryş işleriniň netijelerini hödürledi. Ol bu taslamanyň Türkmenistanyň energetika durnuklylygyny ýokarlandyrmakda we STG-eksportynyň çeýeligini artdyrmakda möhüm ädim bolup durýandygyny aýtdy. Onuň sözlerine görä, onlarça ýyllap ýygnalan önümçilik maglumatlaryna esaslanyp taýýarlanylan model, ammaryň möwsümleýin 5 milliard kub metr iş gazyny kabul edip çykarmaga ukybynyň bardygyny tassyklaýar.
GaffneyCline tarapyndan berlen tehniki maslahatlarda dik-eňňit we gönüden-göni (georizontal) guýularyň ulanylmagy arkaly gaz alnyşynyň netijeliliginiň artdyrylandygy, maýa goýum çykdajylarynyň peseldilendigi we taslamanyň durmuşa geçirilme wagtynyň çaltlandyrylandygy bellenildi.
Gibbonsyň bellemegine görä, Ojakdaky gaz ammary diňe bir tehniki taslama däl, eýsem Türkmenistanyň energiýa garaşsyzlygyny we halkara bazarlarda bäsdeşlige ukyplylygyny üpjün edýän strategik serişde bolup durýar.
Bu ýylky maslahat 70 ýurtdan 1400-den gowrak gatnaşyjyny birleşdirdi. Maslahata dünýäniň öňdebaryjy energetika kompaniýalarynyň, döwlet edaralarynyň, maliýe institutlarynyň we ylmy-barlag merkezleriniň wekilleri gatnaşdy. Bu ýagdaý Türkmenistananyň dünýäde ynamdar energetika hyzmatdaşydygyny we sebitleýin dialogyň merkezi hökmünde ornuny ýene bir gezek tassyklady.
Maslahatyň esasy mejlislerinden soň halkara we ýerli žurnalistleriň gatnaşmagynda metbugat ýygnagy geçirildi.
Guramaçylar we hyzmatdaş kompaniýalaryň wekilleri OGT-2025-iň netijeleri barada çykyş edip, hyzmatdaşlygyň ýokary derejesini, ikitaraplaýyn duşuşyklaryň netijeliligini we energetika pudagynda halkara hyzmatdaşlygynyň has-da pugtalandyrylandygyny belläp geçdiler.
Türkmenistanyň Prezidenti «Merkezi Aziýa – Ýewropa Bileleşigi» birinji sammitine gatnaşmak üçin Özbegistana bardy
3-nji aprelde Prezident Serdar Berdimuhamedow «Merkezi Aziýa – Ýewropa Bileleşigi» görnüşindäki birinji sammitine gatnaşmak maksady bilen Özbegistan Respublikasyna iş sapary bilen bardy diýip, TDH habar berýär.
Abu-Dabide ADIPEC-2022 nebitgaz forumy geçiriler
ABŞ-nyň Türkmenistandaky ilçihanasy türkmen tarapynyň wekillerini Halkara nebitgaz sergisine we forumyna gatnaşmaga çagyrýar (ADIPEC-2022). Forum BAE-de Abu-Dabide 2022-nji ýylyň 31-nji oktýabryndan 3-nji noýabry aralygynda geçiriler. Bu barada Türkmenistanyň Senagatçylar we telekçiler birleşmesiniň saýtynda habar berilýär.
Gahryman Arkadagymyz Saud Arabystanynyň döwlet ministri bilen söwda-ykdysady hyzmatdaşlygyň ileri tutulýan ugurlaryny maslahatlaşdy
2-nji aprelde türkmen halkynyň Milli Lideri, Türkmenistanyň Halk Maslahatynyň Başlygy, Gahryman Arkadagymyz Gurbanguly Berdimuhamedow Saud Arabystany Patyşalygynyň döwlet ministri, Ministrler Kabinetiniň agzasy Emir Turki bin Mohammed Al Saud bilen duşuşdy diýip, TDH habar berýär.
Baku Hazarüsti gaz geçirijisiniň gurluşygyny goldar, emma onuň öňe sürüjisi bolmaz
Azerbaýjan eger-de Türkmenistanyň Hökümeti Hazarüsti gaz geçirijisiniň gurluşygy hakynda karar kabul etse, ony goldar, emma Baku taslamanyň öňe sürüjisi bolmaz diýip Prezident Ilham Aliýew belledi. Bu barada Interfaks habar berýär.
Türkmenistanyň Prezidenti we Saud Arabystanynyň döwlet ministri ýangyç-energetika toplumynda hyzmatdaşlygy ösdürmegiň uly mümkinçiliklerini bellediler
2-nji aprelde Prezident Serdar Berdimuhamedow Saud Arabystany Patyşalygynyň döwlet ministri, Ministrler Kabinetiniň agzasy Emir Turki bin Mohammed Al Saudy kabul etdi diýip, TDH habar berýär.