Abatlaýjylaryň üstünlikleri
04:05 29.07.2025 1648
Berkarar döwletimiziň ykdysady kuwwatyny ýylsaýyn täze belentliklere götermekde we ýeriň jümmüşinden alynýan uglewodorod çig mallarynyň möçberlerini artdyrmakda «Türkmennebit» döwlet konserniniň «Nebitgazdüýpliabatlaýyş» trestiniň Balkan welaýatyndaky guýulary düýpli abatlaýyş müdirlikleri netijeli işleri amala aşyrýarlar.
Önüm bermesini kemelden ýa-da bütinleý bes eden guýulary düýpli abatlap, täzeden hatara goşmakda bu trestiň düzümindäki «Goturdepe», «Barsagelmez» we «Gamyşlyja» düýpli abatlaýyş müdirlikleri boýunça şu ýylyň başyndan bäri geçen hasabat döwründe goşmaça alnan «gara altynyň» möçberleri 81 müň 830 tonna golaýlady. Bu görkeziji geçen alty aý üçin bellenilen meýilnamanyň 141 göterim berjaý edilendigini görkezýär. Bellenilen meýilnamada görkezilenden 24 müň 138 tonna «gara altynyň» goşmaça alynmagyna «Gamyşlyja» guýulary düýpli abatlaýyş müdirliginiň abatlaýjylary saldamly goşant goşmagy başardylar. Ady agzalan müdirlik boýunça bu döwürde «gara altynly» guýularyň 32-sinde abatlaýyş işleri geçirilip, 24 guýy ulanyşa berildi. Kärhananyň hünärmenleriniň gaýtadan hatara goşulan guýulardan goşmaça nebit çig malyny almak baradaky meýilnamalaryna 2,9 esse artygy bilen hötde gelendiklerini bolsa aýratyn nygtamak gerek.
Ýeri gelende aýtsak, tutuş trest boýunça şu ýylyň gürrüňi edilýän hasabat döwründe düýpli abatlanan guýularyň 199-syna derek 217-siniň nebitgaz çykaryş müdirliklerine ulanyşa tabşyrylandygy has-da buýsançly görkezijidir. Önüm bermesini kemelden guýulary abatlamakda «Nebitgazdüýpliabatlaýyş» trestiniň Awtoulag we ýöriteleşdirilen tehnikalar müdirliginiň kuwwatly tehnikalary peýdalanyldy.
Birža söwdalarynda daşary ýurtlara «Türkmennebit» we «Türkmenhimiýa» DK-nyň önümleri ýerlenildi
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 31-si hasaba alyndy.
Türkmenistanyň Prezidenti watandaşlaryny Gurban baýramy bilen gutlady
Türkmenistanyň Prezidenti Serdar Berdimuhamedow watandaşlaryny Gurban baýramy bilen gutlady. Baýramçylyk 28-29-30-njy iýunda baýram edilýär.
«Nebitmaş» kärhanasy nebitgaz pudagy üçin enjamlaryň önümçiligini ýola goýdy
Türkmenistanyň Senagat we gurluşyk önümçiligi ministrliginiň düzümine girýän «Nebitmaş» döwlet kärhanasy nebitgaz pudagynyň önümçilik zerurlyklary üçin enjamlaryň önümçiligini ýola goýdy.
Rejep Ärdogan Türkmenistanyň Baştutanyny Arkadag şäheriniň üstünlikli açylmagy bilen gutlady
Türkiýe Respublikasynyň Prezidenti Rejep Taýyp Ärdogan anna güni Prezident Serdar Berdimuhamedow bilen telefon arkaly söhbetdeşliginde Türkmenistanyň Baştutanyny «akylly» şäher Arkadagyň birinji tapgyrynyň açylmagy bilen gutlady diýip, TDH habar berýär.
«Türkmengaz» DK-nyň önümçilik desgalarynyň maddy-tehniki binýady kämilleşdirilýär
Geçen anna güni geçirilen Ministrler Kabinetiniň mejlisinde wise-premýer B.Amanow “Türkmengaz” döwlet konserniniň önümçilik desgalarynyň maddy-enjamlaýyn binýadyny pugtalandyrmak boýunça görülýän çäreler barada döwlet Baştutanyna hasabat berdi.