“Goturdepe” käninde gazly galdyryş usulynyň üsti bilen nebitiň çykarylyşy artdyryldy
14:35 26.07.2025 3135
Türkmenistanyň nebitçileriniň öňünde täze sepgitlere ýetmäge gönükdirilen möhüm wezipeler durýar. «Türkmennebit» döwlet konserniniň «Goturdepe» müdirliginiň işgärleri netijeli zähmet çekýärler we ýokary netijelere ýetýärler.
Soňky ýyllarda Türkmenistanyň känlerinde nebit çykarmagyň esasy usullarynyň biri gazly galdyryş usulydyr. «Goturdepe» käni bu usulyň netijeliliginiň aýdyň subutnamasydyr. Häzirki wagtda bu ýerde 500-den gowrak gazly galdyryş ulanylýan nebit guýusy işleýär.
Günlük 12 million kub metr gaz kuwwatly «Goturdepe» gazkompressor stansiýasy işe girizilen gününden bäri bökdençsiz işläp gelýär. Stansiýa döwrebap awtomatlaşdyrylan we elektron dolandyryş ulgamlary bilen enjamlaşdyrylan bolup, gaz ýygnamagy, arassalamagy we nebit guýularyna ugratmak üçin basyşy ýokarlandyrmagy netijeli üpjün edýär.
Şu ýylyň ilkinji alty aýynda galdyryş üçin 1,55 milliard kub metrdan gowrak gaz taýýarlanyldy, bu bolsa «Goturdepe» käninde nebitiň çykarylyşyny ýyllyk 580 müň tonna çenli artdyrmaga mümkinçilik berdi.
Kömürturşy gazyny öndürýän bölümiň işe girizilmegi möhüm üstünlik bolup, öndürilen gaz kompressor stansiýalarynda ýangynlary söndürmekde we gazly içgileri öndürmekde ulanylýar diýip, çeşme belleýär.
Uçar kerosini — birža söwdalarynyň öň hatarynda
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 6-sy hasaba alyndy.
TDHÇMB-niň söwdalarynda Owganystandan we Özbegistandan işewürler ýangyç-energetika toplumynyň önümlerini satyn aldylar
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 14-si hasaba alyndy.
Türkmenistan owgan halkyna ynsanperwer goldaw bermäge çagyrdy — DIM
Türkmen tarapy dünýä jemgyýetçiligini, ilkinji nobatda bolsa, Yslam Hyzmatdaşlyk Guramasynyň döwletlerini owgan halkyna goldaw bermäge çagyrdy. Bu barada Pakistanyň paýtagty Yslamabat şäherinde geçirilen «Owganystandaky ynsanperwerlik ýagdaýlary» mowzugy boýunça Yslam Hyzmatdaşlyk Guramasynyň Daşary işler ministrleriniň Geňeşiniň nobatdan daşary mejlisinde beýan edildi diýip, Türkmenistanyň daşary syýasat edarasynyň saýty habar berýär.
Türkmenistanyň, Hindistanyň we Pakistanyň daşary işler ministrleri energetika ulgamynda hyzmatdaşlygy maslahatlaşdylar
18-20-nji dekabrda türkmen wekiliýetiniň Pakistana we Hindistana iş saparynyň çäklerinde energetika ulgamynda, hususan-da, Türkmenistan – Owganystan – Pakistan – Hindistan transmilli gaz geçirijisiniň gurluşygy ulgamynda hyzmatdaşlygy işjeňleşdirmek meselesi ara alnyp maslahatlaşyldy.
Balkan welaýatynda Güýjik meýdançasynda täze guýy burawlanylýar
Balkan welaýatynda Güýjik meýdançasynda taslama çuňlugy 2 müň 60 metr bolan № 148 ulanyş guýusynda buraw işleri alnyp barylýar.