Türkmen jemgyýetinde zenanlara möhüm orun degişlidir
04:20 22.07.2025 2186
«Türkmengaz» döwlet konserniniň Ylmy-barlag tebigy gaz institutynda Türkmenistanyň Zenanlar birleşiginiň Merkezi Geňeşi, «Türkmengeologiýa» döwlet korporasiýasynyň ilkinji zenanlar guramasy tarapyndan «Ösüşlere beslenen parahat, asuda Watanyň buýsançly zenanlary» atly wagyz-nesihat maslahaty geçirildi. Oňa nebitgaz toplumynyň düzümlerinde zähmet çekýän zenanlar gatnaşdylar.
Maslahatyň dowamynda «Türkmengeologiýa» döwlet korporasiýasynyň gazylyp alynýan peýdaly gaty magdanlar we gazyp alma bölüminiň başlygynyň orunbasary, ilkinji zenanlar guramasynyň başlygy Altyn Seýitgulyýewa, Aşgabat şäheriniň Berkararlyk etrabynyň prokurorynyň kömekçisi Sähragül Akmyradowa, Aşgabat şäherindäki 165-nji çagalar bagynyň terbiýeçisi Oraztäç Nuryýewa, Aşgabat şäherindäki 5-nji saglyk öýüniň maşgala lukmany Ogulsabyr Rejepowa, Türkmenistanyň Zenanlar birleşiginiň Merkezi Geňeşiniň esasy hünärmeni Baýramsoltan Myradowa dagy çykyş etdi.
Olaryň çykyşlarynda nygtalyşy ýaly, türkmen zenanlaryna asyllylyk, edep-ekramlylyk, salykatlylyk, sagdyn durmuş ýörelgesine eýermek mahsus bolup, çaga terbiýesinde olara möhüm orun degişlidir. Garaşsyzlyk ýyllarynda nesilleri ene-mamalarymyzdan miras galan ýörelgeler esasynda milli ruhda terbiýelemekde has giň mümkinçilikler döredildi. Gahryman Arkadagymyzyň, Arkadagly Gahryman Serdarymyzyň öňdengörüjilikli döwlet syýasatynyň netijesinde ýaşlaryň döwrebap bilim almagyna, sport we bedenterbiýe bilen meşgullanmagyna, talabalaýyk dynç almagyna, saglygyny pugtalandyrmagyna, göwün söýen kärinde zähmet çekmegine, ýokary durmuş şertlerinde ýaşamagyna ähli mümkinçilikler döredildi. Zenanlar bu günki günde jemgyýetde wajyp orny eýeleýärler, erkekler bilen deň hatarda islendik pudakda üstünlikli zähmet çekýärler. Häzirki döwürde zenanlaryň jemgyýet bilen gatnaşyklary has-da pugtalandyrylýar.
Çykyşlarda ýurdumyzdaky ägirt uly özgerişleriň ene-mamalarymyzy, gyz-gelinlerimizi buýsandyrýandygy, täze zähmet üstünliklerine ruhlandyrýandygy aýratyn bellenildi.
Serdar Berdimuhamedow: Türkmenistan Şanhaý Hyzmatdaşlyk Guramasy bilen gatnaşyklaryna strategik nukdaýnazardan seredýär
Türkmenistan Şanhaý Hyzmatdaşlyk Guramasy bilen gatnaşyklaryna strategik nukdaýnazardan seredýär. Bu barada Prezident Serdar Berdimuhamedow sanly ulgam arkaly geçirilen Şanhaý Hyzmatdaşlyk Guramasyna (ŞHG) agza döwletleriň Baştutanlarynyň Geňeşiniň 23-nji mejlisinde eden çykyşynda belledi.
Türkmenistanyň Prezidenti ŞHG agza döwletler bilen gatnaşyklaryň ugurlaryny kesgitledi
Prezident Serdar Berdimuhamedow sişenbe güni sanly ulgam arkaly geçirilen Şanhaý Hyzmatdaşlyk Guramasyna (ŞHG) agza döwletleriň Baştutanlarynyň Geňeşiniň 23-nji mejlisinde eden çykyşynda işleriň birnäçe anyk ugurlaryna üns bermegi teklip etdi.
2021-nji ýylda Türkmenistanyň Gruziýa nebit we nebit önümleriniň eksportyndan girdejisi 191 mln dollardan geçdi
2021-nji ýylyň jemleri boýunça Türkmenistanyň Gruziýa nebit we nebit önümleriniň eksporty 191,8 million dollara barabar boldy, bu 2020-nji ýyl bilen deňeşdirilende 186,2% artykdyr. Bu barada Trend agentligi Gruziýanyň Milli statistika müdirligine salgylanyp habar berýär.
Türkiýä, Russiýa we Özbegistana 600 tonna töweregi polipropilen ýüplügi eksport edildi
«Bagtyýar gurluşyk» hojalyk jemgyýeti 600 tonna töweregi polipropilen ýüplügini eksport etdi. Hususan-da, kompaniýa bu önümi Türkiýä, Russiýa we Özbegistana iberdi diýip, Türkmenistanyň Senagatçylar we telekeçiler birleşmesi habar berdi.
Demokratiýanyň milli nusgasy dabaralanýar
Ýurdumyzyň nebitgaz toplumynyň merkezi edara binasynda ,,Halk Maslahaty – demokratiýanyň milli nusgasy’’ atly maslahat geçirildi.