Halkara hil standartlary – halkara maslahatyň we serginiň merkezinde
15:12 12.04.2025 2482
29-njy aprel – 1-nji maý aralygynda Türkmenistanyň Söwda-senagat edarasynda «Türkmenistanda halkara ülňülerine laýyklykda hil üpjünçiligi» atly halkara maslahat (QACIS 2025) hem-de «Halkara söwda we hyzmatlar» atly sergi-ýarmarka (ITSE 2025) geçiriler.
Bu çäreler önümleriň hilini ýokarlandyrmak hem-de işewür gatnaşyklary giňeltmek bilen baglanyşykly möhüm meseleleri ara alyp maslahatlaşmak üçin halkara derejeli platforma bolup hyzmat eder. Şeýle-de, işewürligi ösdürmek üçin täze mümkinçilikleri döreder.
QACIS 2025 maslahatynyň esasy temasy halkara hil ülňüleriniň ornaşdyrylmagyna bagyşlanar. Gatnaşyjylar dünýä tejribeleri bilen tanşar we önümleriň hem-de hyzmatlaryň hilini ýokarlandyrmagyň ýollaryny ara alyp maslahatlaşarlar. Bu bolsa ýurdumyzyň halkara bazara goşulmagynda möhüm ädim bolar.
Hil ülňülerine degişli meseleleriň ara alnyp maslahatlaşylmagy ITSE 2025 sergi-ýarmarkasynyň işewürlik maksatnamasynyň dowamy bolar. Serginiň çäklerinde telekeçileriň, maýa goýujylaryň we döwlet düzümleriniň wekilleriniň duşuşyklary geçiriler. Bu duşuşyklar halkara söwdany we hyzmatlary ösdürmäge, hyzmatdaşlyk gatnaşyklaryny ýola goýmaga, innowasion çözgütleri hödürlemäge hem-de dünýä bazaryna çykmagyň täze ýollaryny gözlemäge mümkinçilik döreder.
Serginiň dowamynda sertifikatlaşdyrma we standartlaşdyrma bilen bagly maglumat berilýän maslahat diwarlyklar guralar. Üçünji gün halkara kompaniýalaryň, şol sanda Messe Frankfurt-yň wekilleriniň gatnaşmagynda ussatlyk sapaklary geçiriler. Şeýle-de, ABŞ-dan, Angliýadan we beýleki ýurtlardan gelen wekiller tejribe hem-de bilim alyşmaga gönükdirilen çykyşlar bilen çykyş ederler.
TDHÇMB-niň söwdalarynda awiakerosin we polipropilen satyn alyndy
13-nji fewralda Türkmenistanyň Döwlet haryt-çig mal biržasynda geçirilen söwdalaryň dowamynda nebithimiýa önümleri, ýeňil senagat önümleri we gurluşyk materiallary ýerlenildi.
Garabogaz — ýurdumyzyň himiýa hazynasy
Şu gün zähmet rugsadynda bolýan hormatly Prezidentimiz Serdar Berdimuhamedowyň gatnaşmagynda Garabogazköl aýlagynyň üstünden geçýän täze awtomobil köprüsiniň düýbüni tutmak dabarasy boldy. «Halkyň Arkadagly zamanasy» ýylynyň şanly wakasy Türkmenistanyň daşary syýasy strategiýasyny amala aşyrmak babatda hem, täze taryhy döwürde ýurdumyzyň ykdysadyýetini ösdürmek babatynda hem örän ähmiýetlidir.
HEA 2025-nji ýylda nebite bolan islegiň artmagyna bolan bahalandyrmany ýokarlandyrdy
2025-nji ýylda dünýäde nebite bolan islegiň geçen ýyl bilen deňeşdirilende gündelik 1,104 million barrel (b/g) ýokarlanjakdygy barada Halkara Energetika Agentliginiň (IEA) aýlyk hasabatynda aýdylýar.
Birža söwdalarynda Türkiýä we Owganystana awtobenzin hem-de dizel ýangyjy satyldy
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 30-sy hasaba alyndy.
1-nji martda Türkmenistan Eýranyň üsti bilen Türkiýä tebigy gazyny iberip başlar – Türkiýäniň ilçisi
2025-nji ýylyň 1-nji martyndan türkmen tebigy gazyny Türkiýä ibermek işleri başlanar. Ibermeler swap usuly arkaly Eýranyň üstünden amala aşyrylar. Bu barada Türkiýäniň Türkmenistandaky ilçisi Ahmet Demirok anna güni türkmen we daşary ýurt habar beriş serişdeleri üçin geçiren metbugat maslahatynda aýtdy.