TESC 2025 halkara ylmy-amaly maslahata hasaba alyş başlady
11:10 09.04.2025 3198
Türkmenistanda 2025-nji ýylyň 5-nji iýunynda – Daşky gurşawy goramagyň bütindünýä gününde «Uglewodorod ýataklaryny özleşdirmekde innowasion tehnologiýalary ornaşdyrmagyň ekologik jähtleri» atly halkara ylmy-amaly maslahaty geçiriljekdigi (TESC 2025) yglan edildi. Bu barada Turkmen Energy Forum habar berýär.
«Türkmengaz» we «Türkmennebit» döwlet konsernleri tarapyndan gurnaljak «TESC -2025» halkara maslahaty, energetika önümçiliginiň we ekologiýa jogapkärçiliginiň depginini ösdürmäge gönükdirilendir.
Birleşen Milletler Guramasy, Ýewropada Howpsuzlyk we Hyzmatdaşlyk Guramasy, Bütindünýä banky, Ýewropanyň täzeleniş we ösüş banky, Aziýanyň ösüş banky, Gazy eksport edýän ýurtlaryň forumy (GECF), Halkara energetika agentligi hem-de Energiýanyň gaýtadan dikeldilýän çeşmeleri boýunça halkara agentligi ýaly baýry halkara guramalaryň gatnaşmagy hem, maslahatlaşmalaryň bütindünýä durnukly ösüş maksatnamalaryna kybap gelmesini üpjün eder.
«TESC-2025» maslahaty dünýäniň dürli künjeklerinden döwlet işgärlerini, ylmy hünärmenleri, işewür ýolbaşçylary hem-de halkara ekologik guramalaryň wekillerini bir ýere jemlär. Olaryň hemmesiniň umumy maksady – bütindünýä energetika bazaryny ynamly, durnukly we arassa energiýa bilen üpjün edip, uglewodorod serişdeleriniň ekologik taýdan jogapkärçilikli çykarylmagy üçin anyk çözgütleri işläp taýýarlamakdyr.
Şunlukda ekologik taýdan has jogapkärli geljege bolan ymtylyşy alamatlandyrmak maksady bilen, geljekki maslahatyň «Ygtybarly, durnukly, arassa energiýa» diýen şygar bilen geçirilmegi ýöne ýerden däldir.
Şunuň bilen baglylykda, TOPH gaz geçirijiniň ähmiýeti has-da aýdyň görünýär. Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň 19-njy martda «Halkara parahatçylyk we ynanyşmak ýyly: durnukly ösüşi üpjün etmekde sebitara ykdysady hyzmatdaşlygyň orny» atly halkara maslahatdaky çykyşynyň dowamynda TOPH taslamasynyň geosyýasy we geoykdysady ähmiýetini belläp geçdi. «Türkmenistan – Owganystan – Pakistan – Hindistan gaz geçirijisi örän möhüm taslamalaryň biridir. Bu taslamanyň maksady häzirki döwürde jemi 1 milliard 750 million ilaty bolan ýurtlary tebigy gaz bilen üpjün etmekdir» diýip, Gahryman Arkadagymyz belläp geçdi.
2023-nji ýylda Dubaý şäherinde geçirilen «COP-28» maslahatynda Türkmenistanyň hormatly Prezidenti ýurdumyzyň Bütindünýä metan borçnamasyna goşulýandygyny mälim etdi hem-de BMG-niň Merkezi Aziýada klimatyň üýtgemegi bilen baglanyşykly tehnologiýalar boýunça sebitleýin merkezini döredilmegini teklip etdi. Şol bir wagtyň özünde 2030-njy ýyla çenli zyýanly gazlaryň zyňyndylarynyň 20% azaltmak ýaly milli strategiýalaryň durmuşa geçirilmegi, ýurdumyzyň bütindünýä howanyň üýtgemegine garşy göreşe bolan ygrarlylygyny subut edýär.
«TESC-2025« halkara ylmy – amaly maslahata hasaba alynyş eýýäm başlady. Geçen ýyl bu maslahata 31 döwletden 250 sany wekil gatnaşdy. Maslahat nebit-gaz pudagynyň hünärmenleri üçin wajyp waka bolup, bilim we tejribe alyşmak üçin özboluşly meýdança bolup hyzmat eder.
Maslahata gatnaşmak tölegsiz bolup, halkara wekiller üçin mugt wiza goldawy berler. «TESC-2025« maslahatyna gatnaşmak üçin hasaba alyş resmi web sahypasynda elýeterlidir (tesc-turkmenistan.com/en/registration).
TDHÇMB-niň söwdalarynda awiakerosin we polipropilen satyn alyndy
13-nji fewralda Türkmenistanyň Döwlet haryt-çig mal biržasynda geçirilen söwdalaryň dowamynda nebithimiýa önümleri, ýeňil senagat önümleri we gurluşyk materiallary ýerlenildi.
Garabogaz — ýurdumyzyň himiýa hazynasy
Şu gün zähmet rugsadynda bolýan hormatly Prezidentimiz Serdar Berdimuhamedowyň gatnaşmagynda Garabogazköl aýlagynyň üstünden geçýän täze awtomobil köprüsiniň düýbüni tutmak dabarasy boldy. «Halkyň Arkadagly zamanasy» ýylynyň şanly wakasy Türkmenistanyň daşary syýasy strategiýasyny amala aşyrmak babatda hem, täze taryhy döwürde ýurdumyzyň ykdysadyýetini ösdürmek babatynda hem örän ähmiýetlidir.
HEA 2025-nji ýylda nebite bolan islegiň artmagyna bolan bahalandyrmany ýokarlandyrdy
2025-nji ýylda dünýäde nebite bolan islegiň geçen ýyl bilen deňeşdirilende gündelik 1,104 million barrel (b/g) ýokarlanjakdygy barada Halkara Energetika Agentliginiň (IEA) aýlyk hasabatynda aýdylýar.
Birža söwdalarynda Türkiýä we Owganystana awtobenzin hem-de dizel ýangyjy satyldy
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 30-sy hasaba alyndy.
1-nji martda Türkmenistan Eýranyň üsti bilen Türkiýä tebigy gazyny iberip başlar – Türkiýäniň ilçisi
2025-nji ýylyň 1-nji martyndan türkmen tebigy gazyny Türkiýä ibermek işleri başlanar. Ibermeler swap usuly arkaly Eýranyň üstünden amala aşyrylar. Bu barada Türkiýäniň Türkmenistandaky ilçisi Ahmet Demirok anna güni türkmen we daşary ýurt habar beriş serişdeleri üçin geçiren metbugat maslahatynda aýtdy.