Hytaý we Türkmenistan ykdysady hyzmatdaşlygyny giňeltmegiň ýoly bilen barýar – Ýuý Szýanlun
10:40 19.03.2025 1718
Hytaý Türkmenistanyň iň iri söwda hyzmatdaşy bolup durýar diýip, Hytaýyň halkara söwdanyň ösmegine ýardam etmek boýunça komitetiniň başlygynyň orunbasary we Hytaýyň Halkara Söwda Palatasynyň başlygynyň orunbasary Ýuý Szýanlunyň 18-nji martda Aşgabatda geçirilen «Türkmenistanyň geljegine maýa goýumlar» (IFT 2025) halkara forumynda eden çykyşynda belledi.
«Hytaý Türkmenistanyň iň iri söwda hyzmatdaşydyr, hyzmatdaşlygyň iň möhüm ugurlarynyň biri hem Hytaýyň ykdysadyýeti üçin möhüm ähmiýete eýe bolan türkmen gazynyň iberilmegidir» diýip, Ýuý Szýanlun aýtdy.
Onuň bellemegine görä, soňky ýyllarda Hytaý 5% derejede durnukly ykdysady ösüşi görkezýär we halkara söwdanyň ösüşinde esasy hereketlendiriji güýç bolup durýar.
Ýuý Szýanlun iki ýurduň ykdysadyýetleriniň özara bähbitli gelýändigini belläp, söwda we oba hojalygy ýaly möhüm ugurlary aýratyn nygtady. Ol Hytaýyň Türkmenistan bilen söwda gatnaşyklaryny giňeltmek we ykdysadyýetiň nebitgaz senagaty, serhetara elektron söwdasy we elektroenergetika ýaly pudaklarynda hyzmatdaşlygy berkitmek ugrunda işjeň hyzmatdaşlyga taýýardygyny aýtdy.
«Biz ykdysadyýetiň ähli ugurlary boýunça işlemäge taýýardyrys we ýurtlarymyzyň arasyndaky hyzmatdaşlygyň mundan beýläk hem çuňlaşmagyna umyt baglaýarys» diýip, çykyş eden belledi.
Ýuý Szýanlun Hytaý bilen Türkmenistanyň arasyndaky 33 ýyl bäri dowam edip gelýän uzakmöhletleýin we durnukly gatnaşyklary belledi. Ol häzirki döwrüň wehimlerine garamazdan, iki ýurduň dostlukly gatnaşyklary saklaýandygyny we Türkmenistanyň «Bir guşak — bir ýol» başlangyjynyň çäginde möhüm orun eýeläp, Beýik Ýüpek ýolunyň taslamalaryny üstünlikli durmuşa geçirýändigini nygtady.
Ýuý Szýanlun türkmen wekillerini şu ýylyň iýul aýynda Pekinde geçiriljek ykdysady sergä gatnaşmaga çagyrdy we iki ýurduň arasyndaky ykdysady gatnaşyklary mundan beýläk-de giňeltmegiň möhümdigini belläp geçdi.
Ýurdumyzda Gurban baýramy ýokary ruhubelentlikde bellenilýär
Toýlary toýa, baýramlary baýrama ulaşýan eziz Watanymyzda mukaddes Gurban baýramy dowam edýär. Aşgabat, Arkadag şäherlerinde hem-de ýurdumyzyň welaýatlarynda, oba-kentlerinde Gurban baýramynyň dabarasy uly ruhubelentlige beslenýär. Toý gazanlary atarylyp, milli naharlarymyz bişirilýär. Sungat ussatlarynyň ýerine ýetirmeginde aýdym-sazyň sesi belentden ýaňlanýar. Her bir döwletli maşgalada saçaklary bezäp, gelen myhmanlara dürli naz-nygmatlar hödürläp, birek-birege «Gurbanlygyňyz kabul bolsun!» diýip, ýagşy dilegler edilýär.
Türkmenistanyň we HHR-niň Liderleri Hytaýa täze gaz geçirijiniň gurluşygy barada ylalaşdylar
Prezident Gurbanguly Berdimuhamedowyň Hytaý Halk Respublikasyna iş saparynyň çäklerinde şenbe güni Hytaý Halk Respublikasynyň Başlygy Si Szinpin bilen duşuşdy diýip, Türkmenistanyň Döwlet habarlar agentligi habar berýär.
Türkmenistanyň biržasynda 52 million dollarlyk mazut we ECO-93 benzini satyldy
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 36-sy hasaba alyndy.
Aşgabatda halkara söwda we hil üpjünçiligi boýunça sergi hem-de maslahat geçiriler
29-njy aprel — 1-nji maý aralygynda Söwda-senagat edarasynda «Halkara söwda we hyzmatlar» atly sergi-ýarmarkany hem-de «Türkmenistanda halkara ülňülerine laýyk gelýän hil üpjünçiligi» atly halkara maslahaty geçiriler.
Burawlaýjylaryň üstünlikli zähmeti
«Türkmenistanyň nebitgaz senagatyny ösdürmegiň 2030-njy ýyla çenli döwür üçin Maksatnamasyna» laýyklykda iş alyp barýan «Türkmennebit» döwlet konserniniň öňünde goýlan wezipeleriň üstünlikli amala aşyrylmagynda «Nebitgazburawlaýyş» trestiniň hyzmaty uludyr.