Maslahat geçirildi
04:15 25.02.2025 2773
«Türkmengeologiýa» döwlet korporasiýasy tarapyndan «Türkmengaz» DK-nyň Ylmy-barlag tebigy gaz institutynda maslahat geçirildi. «2024-nji ýylda «Türkmengeologiýa» döwlet korporasiýasynyň edara-kärhanalarynda zähmeti goramaklygyň, tehniki howpsuzlyk düzgünleriniň berjaý edilişi we 2025-nji ýylyň wezipeleri» atly seminara korporasiýanyň jogapkär işgärleri, inženerleri, tehniki howpsuzlyk, zähmeti goramak boýunça hünärmenleri gatnaşdylar.
«Türkmengeologiýa» döwlet korporasiýasynyň başlygynyň buraw işleri boýunça orunbasary Bezirgen Berdiýewiň ýolbaşçylygynda geçirilen maslahatyň dowamynda korporasiýanyň baş inženeriniň zähmeti goramak we tehniki howpsuzlyk boýunça orunbasary Arslan Atalow, Ahal welaýatynyň we Aşgabat şäheriniň «Türkmenstandartlary» baş döwlet gullugynyň zähmeti we ýerasty baýlyklary goramak bölüminiň döwlet inspektory Maksat Purçekow, Türkmenistanyň Nebitgaz senagaty toplumynyň işgärleriniň kärdeşler arkalaşygynyň tehniki gözegçisi Geldimyrat Seýtiýew we beýlekiler çykyş etdiler.
Çykyşlarda geçen 2024-nji ýylda önümçiliklerde, edara-kärhanalarda, bagçylyk zolaklarynda, Tokaý hojalygynda tehniki howpsuzlyk düzgünleriniň berjaý edilişi, işgärlere, hünärmenlere, şol sanda meýdan şertlerinde işleýän zähmet köpçüligine döredilen amatly şertler, olaryň zähmetini goramakda alnyp barylýan işler, ýangyn howpsuzlygynyň düzgünleriniň berjaý edilişi, işgärler bilen edaranyň arasynda baglanyşylýan köpçülikleýin şertnamalary kämilleşdirmek, ýurdumyzyň döwlet syýasatynda ileri tutulýan adam hakyndaky aladadan gelip çykýan çözgütleri köpçülikleýin şertnama girizmek hem-de ony doly, dogry ýerine ýetirmek barada giňişleýin durlup geçildi. Tehniki howpsuzlyk we zähmeti goramak boýunça 2025-nji ýylda amala aşyrylmaly wezipeler kesgitlenildi.
Uçar kerosini — birža söwdalarynyň öň hatarynda
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 6-sy hasaba alyndy.
Balkan welaýatynda Güýjik meýdançasynda täze guýy burawlanylýar
Balkan welaýatynda Güýjik meýdançasynda taslama çuňlugy 2 müň 60 metr bolan № 148 ulanyş guýusynda buraw işleri alnyp barylýar.
Türkmenistan owgan halkyna ynsanperwer goldaw bermäge çagyrdy — DIM
Türkmen tarapy dünýä jemgyýetçiligini, ilkinji nobatda bolsa, Yslam Hyzmatdaşlyk Guramasynyň döwletlerini owgan halkyna goldaw bermäge çagyrdy. Bu barada Pakistanyň paýtagty Yslamabat şäherinde geçirilen «Owganystandaky ynsanperwerlik ýagdaýlary» mowzugy boýunça Yslam Hyzmatdaşlyk Guramasynyň Daşary işler ministrleriniň Geňeşiniň nobatdan daşary mejlisinde beýan edildi diýip, Türkmenistanyň daşary syýasat edarasynyň saýty habar berýär.
Türkmenistanyň, Hindistanyň we Pakistanyň daşary işler ministrleri energetika ulgamynda hyzmatdaşlygy maslahatlaşdylar
18-20-nji dekabrda türkmen wekiliýetiniň Pakistana we Hindistana iş saparynyň çäklerinde energetika ulgamynda, hususan-da, Türkmenistan – Owganystan – Pakistan – Hindistan transmilli gaz geçirijisiniň gurluşygy ulgamynda hyzmatdaşlygy işjeňleşdirmek meselesi ara alnyp maslahatlaşyldy.
Aşgabatda «Hazar deňzi - durnukly ösüş we dolandyryş» atly okuw sapaklary başlandy
14-nji iýulda Aşgabatda Türkmenistanyň Daşary işler ministrliginiň, nebit-gaz toplumynyň, Türkmenistanyň Hazar deňzi institutynyň Halkara ummanlar instituty bilen hyzmatdaşlykda guramagynda iki hepdelik «Hazar deňzi – durnukly ösüş we dolandyryş» atly okuw sapaklary başlandy. Bu barada Türkmenistanyň Daşary işler ministrligi habar berýär.