Daşoguz welaýatynda täze gaz geçirijiniň gurluşygy tamamlandy
15:04 31.12.2024 5262
Boldumsaz etrabynyň “Gökýaýla” geňeşliginiň “Al Altyn” obasynyň çäginde uzynlygy iki kilometrden gowrak bolan orta basyşly eltiji gaz geçirijisiniň gurluşygy tamamlandy.
Gurluşyk işleri Milli maksatnamanyň çäklerinde ýerine ýetirildi. Bu giň gerimli taslamanyň çäklerinde dürli uzynlykdaky şular ýaly gaz geçirijiler Gubadag şäheriniň Galkynyş köçesiniň ugrunda “Uşak oba” obasynda we “Boldumsazetrapgaz-yň” Gubadag bölümi tarapyndan hyzmat edilýän beýleki birnäçe ýerlerde guruldy. Bu ýerde şeýle hem içerki paýlaýjy tora degişli kommunikasiýalar çekildi.
Umuman, ýylyň dowamynda diňe şu uçastokda alty ýarym kilometr eltiji gaz geçirijisi we iki ýarym kilometr içerki torlar çekildi. Munuň özi täze gaz geçiriji kommunikasiýalary gurmak boýunça ýyllyk meýilnamany ýerine ýetirmäge mümkinçilik berdi.
Gurluşyk işleri üçin dürli diametrli ýokary hilli turbalar ulanyldy. Olar durnuklylygy bilen tapawutlanyp, “mawy ýangyjyň” sarp edijilere bökdençsiz iberilmegini üpjün edýärler.
Döwlet maksatnamalarynyň toplumlaýyn ýerine ýetirilmegi netijesinde Daşoguz welaýaty bu günki gün ösen gaz kommunikasiýalarynyň toruna eýe. Bu gaz geçiriji torlar ilaty ekologiýa taýdan arassa ýangyç bilen bökdençsiz üpjün edýär.
Birža söwdalarynda dizel ýangyjynyň dürli görnüşleri uly islegden peýdalandy
Duşenbe güni, 5-nji sentýabrda Türkmenistanyň Döwlet haryt-çig mal biržasynyň söwdalarynda umumy bahasy 16,9 mln dollara barabar bolan 5 sany geleşik baglaşyldy diýip, ORIENT agentligi habar berýär.
Türkmenistanyň Prezidenti we ÝTÖB-niň ýolbaşçysy hyzmatdaşlygy giňeltmäge gyzyklanma bildirdiler
3-nji aprelde Özbegistanda iş saparynda bolýan Prezidentimiz Serdar Berdimuhamedow Samarkant şäherinde geçiriljek «Merkezi Aziýa — Ýewropa Bileleşigi» görnüşindäki birinji sammitiň çäklerinde Ýewropanyň täzeleniş we ösüş bankynyň ýolbaşçysy hanym Odil Reno-Basso bilen duşuşdy diýip, TDH habar berýär.
«Gazprom» Hytaýa gaz ibermeleriniň möçberini ardyrmaga we tölegi ýuanda ýa-da rublda geçmäge taýýarlanýar
Russiýanyň «Gazprom» kompaniýasy «uzakgündogar» ugry boýunça Hytaýa täze gaz geçirijini taslamalaşdyrmaga girişdi we CNPC bilen gazy satyn almak-satmak hakynda Şertnama goşmaça resminama gol çekdi. Ol özara hasaplaşyklary ýuanda ýa-da rublda geçmäge mümkinçilik berýär. Bu barada «Gazpromyň» resmi saýtynda habar berilýär.
«Türkmen maýa goýum kompaniýasy» ýerli işewürligi hyzmatdaşlyga çagyrýar
Türkmenistanyň Döwlet daşary ykdysady iş banky bilen BAE-niň Abu-Dabi ösüş gaznasy bilen bilelikde dünýä tejribesine laýyklykda döredilen «Türkmen maýa goýum kompaniýasy» ýapyk görnüşli paýdarlar jemgyýeti Türkmenistandan işewürleri hyzmatdaşlyga çagyrýar. Bu barada «Нейтральный Туркменистан» gazetinde habar berilýär.
Baku Hazarüsti gaz geçirijisiniň gurluşygyny goldar, emma onuň öňe sürüjisi bolmaz
Azerbaýjan eger-de Türkmenistanyň Hökümeti Hazarüsti gaz geçirijisiniň gurluşygy hakynda karar kabul etse, ony goldar, emma Baku taslamanyň öňe sürüjisi bolmaz diýip Prezident Ilham Aliýew belledi. Bu barada Interfaks habar berýär.