Türkmenabat-Türkmenbaşy demirýol magistralynyň elektrikleşdirilmegi CO2 zyňyndylaryny azaldar
08:23 30.11.2024 3027
26-27-nji noýabrda Aşgabatda geçirilen «Halkara ulag-üstaşyr geçelgeleri: özara arabaglanyşyk we ösüş — 2024» atly halkara maslahatynda Türkmenistanyň bilermenleri ulag toplumyny özgertmegiň strategiýasyny hödürlediler we ählumumy ekologiýa meselelerini çözmekde onuň ähmiýetini bellediler.
Forumyň barşynda “TULM” AGPJ-niň baş direktory Rahym Hanaýewiň bellemegine görä, ulag bu günki gün bug gazlarynyň zyňylmagynyň esasy çeşmelerini biri bolup durýar. Ol dünýä boýunça kömürturşy gazynyň zyňyndylarynyň dörtden birini emele getirýär.
Onuň çykyşynyň esasy merkezinde duran zat – ol hem ulag diňe bir mesele däl, eýsem, howa gün tertibiniň çözgüdi hem bolup biler. Onuň belleýşi ýaly, “Durnukly ulag durnukly ösüşiň kşp sanly ugurlary boýunça ösüşiň tizlendirijisi bolup durýar”.
Hanaýewiň sözlerine görä, iri infrastruktura taslamasy – uzynlygy 1100 m bolan Türkmenabat-Türkmenbaşy demir ýol magistraly bu konsepsiýany durmuşa geçirmekde möhüm ädim bolup biler.
Bu ýokary maksatly meýilnama diňe bir CO2 zyňyndylaryny azaltman, eýsem, ýurduň üstaşyr geçirijilik mümkinçiliklerini düýpli artdyrar.
Hanaýewiň belleýşi ýaly, 2026-njy ýylda badalga alýan BMG-niň durnukly ulag boýunça geljekki Onýyllygy ulag ulgamyny özgertmekde özboluşly mümkinçilikleriň äpişgesine öwrüler.
1-nji martda Türkmenistan Eýranyň üsti bilen Türkiýä tebigy gazyny iberip başlar – Türkiýäniň ilçisi
2025-nji ýylyň 1-nji martyndan türkmen tebigy gazyny Türkiýä ibermek işleri başlanar. Ibermeler swap usuly arkaly Eýranyň üstünden amala aşyrylar. Bu barada Türkiýäniň Türkmenistandaky ilçisi Ahmet Demirok anna güni türkmen we daşary ýurt habar beriş serişdeleri üçin geçiren metbugat maslahatynda aýtdy.
Birža söwdalarynda Türkiýä we Owganystana awtobenzin hem-de dizel ýangyjy satyldy
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 30-sy hasaba alyndy.
Garabogaz — ýurdumyzyň himiýa hazynasy
Şu gün zähmet rugsadynda bolýan hormatly Prezidentimiz Serdar Berdimuhamedowyň gatnaşmagynda Garabogazköl aýlagynyň üstünden geçýän täze awtomobil köprüsiniň düýbüni tutmak dabarasy boldy. «Halkyň Arkadagly zamanasy» ýylynyň şanly wakasy Türkmenistanyň daşary syýasy strategiýasyny amala aşyrmak babatda hem, täze taryhy döwürde ýurdumyzyň ykdysadyýetini ösdürmek babatynda hem örän ähmiýetlidir.
Türkmen paýtagtynda Halkara sergi we ylmy maslahat geçirildi
6-7-nji awgustda Aşgabatda «Türkmenistanyň gurluşygy, senagaty, energetikasy — 2022» atly halkara sergi we onuň çäklerinde «Türkmenistanyň gurluşyk, senagat, energetika pudaklarynyň ösüşi» atly maslahat geçirildi. Bu ähmiýetli çäreler ýurdumyzyň ugurdaş ministrlikleri we pudaklaýyn dolandyryş edaralary hem-de Söwda-senagat edarasy bilen bilelikde guraldy.
Türkmenistanyň DIM-niň ýolbaşçysy we YHG-nyň Baş sekretary köpugurly hyzmatdaşlygyň geljegini maslahatlaşdylar
12-nji fewralda Türkmenistanyň daşary işler ministri Raşid Meredow Ykdysady hyzmatdaşlyk guramasynyň (YHG) Baş sekretary Asad Majid Han bilen geçiren duşuşygynda hyzmatdaşlygy ösdürmegiň geljekki ugurlaryny maslahatlaşdy. Bu barada Türkmenistanyň DIM-nde habar berdiler.