Türkmenistan Stambul energetika forumyna gatnaşar
08:06 21.11.2024 2931
22-nji noýabrda Stambul kongress-merkezinde Türkiýäniň Energetika ministrliginiň hemaýatkärliginde Anadolu agentligi tarapyndan Stambul energetika forumy geçiriler. Forum energetika ministrlerini, halkara guramalarynyň wekillerini, alymlaryny we pudagyň liderlerini dünýä energetikasynyň meselelerini maslahatlaşmak üçin bir ýere jemlär.
Forumyň temasy – “Umumy geljek, umumy maksatlar”. Foruma gatnaşyjylar energetika howpsuzlygyny üpjün etmekde Türkiýäniň ornuny, energetika geçişi maliýeleşdirmek strategiýasyny, nebit we gaz bazarlarynyň ösüşini, şeýle hem energetikada täze tehnologiýalary maslahatlaşarlar.
Ýörite mejlise Türkiýäniň Prezidenti Rejep Taýyp Ärdogan, energetika ministri Alparslan Baýraktar we beýleki ýokary wezipeli ýolbaşçylar gatnaşar.
Baýraktaryň alyp barmagynda panelleýin diskussiýada Azerbaýjanyň, Bolgariýanyň, Wengriýanyň, Moldowanyň, Liwiýanyň, Russiýanyň, Serbiýanyň we Türkmenistanyň pudaklaýyn edaralarynyň ýolbaşçylary çykyş eder.
Forum Türk nebitgaz korporasiýasynyň guramagyndaky mejlisler bilen dowam eder diýip, Anadolu agentligi habar berýär.
Ýurdumyzda Gurban baýramy ýokary ruhubelentlikde bellenilýär
Toýlary toýa, baýramlary baýrama ulaşýan eziz Watanymyzda mukaddes Gurban baýramy dowam edýär. Aşgabat, Arkadag şäherlerinde hem-de ýurdumyzyň welaýatlarynda, oba-kentlerinde Gurban baýramynyň dabarasy uly ruhubelentlige beslenýär. Toý gazanlary atarylyp, milli naharlarymyz bişirilýär. Sungat ussatlarynyň ýerine ýetirmeginde aýdym-sazyň sesi belentden ýaňlanýar. Her bir döwletli maşgalada saçaklary bezäp, gelen myhmanlara dürli naz-nygmatlar hödürläp, birek-birege «Gurbanlygyňyz kabul bolsun!» diýip, ýagşy dilegler edilýär.
Türkmenistanyň we HHR-niň Liderleri Hytaýa täze gaz geçirijiniň gurluşygy barada ylalaşdylar
Prezident Gurbanguly Berdimuhamedowyň Hytaý Halk Respublikasyna iş saparynyň çäklerinde şenbe güni Hytaý Halk Respublikasynyň Başlygy Si Szinpin bilen duşuşdy diýip, Türkmenistanyň Döwlet habarlar agentligi habar berýär.
Türkmenistanyň biržasynda 52 million dollarlyk mazut we ECO-93 benzini satyldy
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 36-sy hasaba alyndy.
Aşgabatda halkara söwda we hil üpjünçiligi boýunça sergi hem-de maslahat geçiriler
29-njy aprel — 1-nji maý aralygynda Söwda-senagat edarasynda «Halkara söwda we hyzmatlar» atly sergi-ýarmarkany hem-de «Türkmenistanda halkara ülňülerine laýyk gelýän hil üpjünçiligi» atly halkara maslahaty geçiriler.
Burawlaýjylaryň üstünlikli zähmeti
«Türkmenistanyň nebitgaz senagatyny ösdürmegiň 2030-njy ýyla çenli döwür üçin Maksatnamasyna» laýyklykda iş alyp barýan «Türkmennebit» döwlet konserniniň öňünde goýlan wezipeleriň üstünlikli amala aşyrylmagynda «Nebitgazburawlaýyş» trestiniň hyzmaty uludyr.