“Türkmenistanyň nebiti we gazy — 2024” atly XXIX halkara sergi öz işini tamamlady
07:03 27.10.2024 5173
Aşgabatda “Türkmenistanyň nebiti we gazy – 2024” 29-njy halkara maslahaty we sergisi geçirildi. Forum 23-25-nji oktýabrda geçirildi.
Iri pudaklaýyn forum Söwda-senagat edarasynda «Türkmengaz», «Türkmennebit» döwlet konsernleriniň, «Türkmengeologiýa» döwlet korporasiýasynyň guramagynda geçirildi.
Çärä 250 kompaniýadan, halkara guramalaryndan, habar beriş serişdelerinden we maliýe edaralaryndan 800-den gowrak wekiller gatnaşdy. Olar 52-den gowrak döwlete wekilçilik etdiler. Forumyň işini dünýäniň öňdebaryjy habar beriş serişdeleri şöhlelendirdi.
«OGT 2024-niň» maksatnamasynyň mazmuny energetiki geçiş, energiýa çeşmeleriniň täze eksport ugurlary we uglerod gorunyň çykarylyşynda ekologiýa meseleleri öz içine aldy. Foruma ýangyç-energetika, himiýa we maliýe pudaklarynda halkara kompaniýalarynyň öňdebaryjy hünärmenleri, Türkmenistanyň ýolbaşçylary, şeýle-de alymlar gatnaşdylar.
Maslahata gatnaşyjylar bilelikdäki maýa goýum taslamalaryny durmuşa geçirmek, uglerod çeşmeleriniň ygtybarly iberilişi we energiýanyň alternatiw görnüşlerini öndürmek meselelerini ekologiýa talaplaryna we energetikanyň durnukly ösüşine aýratyn üns berip ara alyp maslahatlaşdylar.
Maslahatyň jemleri jemlenenden soň, foruma gatnaşyjylara diplomlar gowşuryldy. Sergä we maslahata gatnaşyjylar Türkmenistanyň Prezidenti Serdar Berdimuhamedowyň adyna Ýüzlenme kabul etdiler.
«OGT 2024» halkara maslahaty milli we halkara nebit-gaz kompaniýalarynyň hem-de maliýe institutlarynyň arasynda hyzmatdaşlygy pugtalandyrmak we nebit-gaz pudagynyň geljegini emele getirýän tejribe alyşmak üçin möhüm platforma boldy.
1-nji martda Türkmenistan Eýranyň üsti bilen Türkiýä tebigy gazyny iberip başlar – Türkiýäniň ilçisi
2025-nji ýylyň 1-nji martyndan türkmen tebigy gazyny Türkiýä ibermek işleri başlanar. Ibermeler swap usuly arkaly Eýranyň üstünden amala aşyrylar. Bu barada Türkiýäniň Türkmenistandaky ilçisi Ahmet Demirok anna güni türkmen we daşary ýurt habar beriş serişdeleri üçin geçiren metbugat maslahatynda aýtdy.
Birža söwdalarynda Türkiýä we Owganystana awtobenzin hem-de dizel ýangyjy satyldy
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 30-sy hasaba alyndy.
Garabogaz — ýurdumyzyň himiýa hazynasy
Şu gün zähmet rugsadynda bolýan hormatly Prezidentimiz Serdar Berdimuhamedowyň gatnaşmagynda Garabogazköl aýlagynyň üstünden geçýän täze awtomobil köprüsiniň düýbüni tutmak dabarasy boldy. «Halkyň Arkadagly zamanasy» ýylynyň şanly wakasy Türkmenistanyň daşary syýasy strategiýasyny amala aşyrmak babatda hem, täze taryhy döwürde ýurdumyzyň ykdysadyýetini ösdürmek babatynda hem örän ähmiýetlidir.
Türkmen paýtagtynda Halkara sergi we ylmy maslahat geçirildi
6-7-nji awgustda Aşgabatda «Türkmenistanyň gurluşygy, senagaty, energetikasy — 2022» atly halkara sergi we onuň çäklerinde «Türkmenistanyň gurluşyk, senagat, energetika pudaklarynyň ösüşi» atly maslahat geçirildi. Bu ähmiýetli çäreler ýurdumyzyň ugurdaş ministrlikleri we pudaklaýyn dolandyryş edaralary hem-de Söwda-senagat edarasy bilen bilelikde guraldy.
Türkmenistanyň DIM-niň ýolbaşçysy we YHG-nyň Baş sekretary köpugurly hyzmatdaşlygyň geljegini maslahatlaşdylar
12-nji fewralda Türkmenistanyň daşary işler ministri Raşid Meredow Ykdysady hyzmatdaşlyk guramasynyň (YHG) Baş sekretary Asad Majid Han bilen geçiren duşuşygynda hyzmatdaşlygy ösdürmegiň geljekki ugurlaryny maslahatlaşdy. Bu barada Türkmenistanyň DIM-nde habar berdiler.