Türkmenistanyň we Italiýanyň Prezidentleri hyzmatdaşlygyň ileri tutulýan ugurlaryny, şol sanda ýangyç-energetika toplumyny maslahatlaşdylar
10:29 06.09.2020 2817
Türkmenistanyň Prezidenti Gurbanguly Berdimuhamedow we Italiýa Respublikasynyň Prezidenti Serjio Mattarella penşenbe güni telefon arkaly söhbetdeşlikde türkmen-italýan gatnaşyklarynyň ileri tutulýan ugurlaryny maslahatlaşdylar.
Türkmen Lideri 2019-njy ýylyň noýabrynda Italiýa bolan saparyny aýratyn mähirlilik bilen ýatlaýandygyny nygtady. Şol gepleşikleriň netijeleri boýunça gazanylan ylalaşyklar köpugurly türkmen-italýan hyzmatdaşlygyny hil taýdan täze derejä çykarmaga kuwwatly itergi berdi.
2019-njy ýylda Italiýa Türkmenistanyň daşary söwdasynda 3-nji orny eýeledi. Şunda ikitaraplaýyn haryt dolanyşygy bir ýarym milliard amerikan dollaryndan gowraga barabar boldy.
Ikitaraplaýyn resminamalaryň 20-sine gol çekilmeginiň geçen ýylyň noýabr aýynda Milanda geçirilen türkmen-italýan işewürler forumynyň netijesi bolandygy kanagatlanma bilen bellenildi.
Gurbanguly Berdimuhamedow söwda-ykdysady hyzmatdaşlygy güýçlendirmek üçin türkmen-italýan işewürler geňeşini ýa-da degişli Iş toparyny döretmegi, şeýle hem her ýyl Türkmenistanda Italiýanyň ykdysadyýetiniň gününi geçirmegi we Milan şäherinde ýurdumyzyň söwda wekilhanasyny açmagy teklip etdi.
Ikitaraplýyn hyzmatdaşlygyň ileri tutulýan ugurlarynyň hatarynda nebitgaz senagaty, kommunikasiýa ulgamy, gaýtadan işleýän pudak agzaldy.
Mälim bolşy ýaly, 2008-nji ýyldan başlap, Türkmenistanda «ENI» kompaniýasy işleýär. Bu kompaniýa ýurdumyzda alyp barýan işini giňeltmäge çalyşýandygyny görkezýär. Mundan başga-da, italiýaly hyzmatdaşlar Türkmenistan — Owganystan — Pakistan — Hindistan gaz geçirijisiniň taslamasyny durmuşa geçirmäge gatnaşmak mümkinçiligini öwrenmäge gyzyklanma bildirýärler.
Nebiti we gazy gaýtadan işleýän pudaklarda hyzmatdaşlyk üçin uly mümkinçilikler bar. Bu babatda, ilkinji nobatda, gürrüň esasy çig mal hökmünde tebigy gaz ulanylýan önümleri öndürmek boýunça zawodlaryň gurluşygy barada barýar. Şunuň bilen baglylykda, Gurbanguly Berdimuhamedow ýokarda agzalan ugurlarda işleýän italýan işewürliginiň wekilleriniň türkmen kärdeşleri bilen ýakyn wagtda onlaýn duşuşygyny guramagyň maksadalaýyk boljakdygyny aýtdy.
Aragatnaşyk we kommunikasiýalar ulgamy ikitaraplaýyn hyzmatdaşlygyň ýene-de bir geljegi uly ugurlarynyň hatarynda görkezildi. Häzirki wagtda bu ulgamda “Thales Alenia Space” kompaniýasy bilen bilelikde işlemegiň mümkinçiligine garalýar. Şu ýylyň maý aýynda Türkmenistanda ykdysadyýeti mundan beýläk-de ösdürmek üçin emeli hemra arkaly anyk maglumatlary almaga gyzyklanma bildirýän ministrlikleriň we pudak edaralarynyň isleglerini öwrenmegi üçin Pudagara topar döredildi. Döwlet düzümleriniň teklipleri öwrenilenden soň, bu kompaniýa bilen gepleşiklerde geljekki ädimler barada habar berler.
Geljegi uly bilelikdäki taslamalaryň hatarynda Türkmenistanda Gün batareýalary üçin panelleri çykarýan kärhanany, keramiki önümleri öndürýän önümçiligi döretmek, döwrebap tehnologiýalary ulanmak arkaly ýüňi gaýtadan işlemegi ýola goýmak ýaly taslamalar bar.
Döwlet Baştutany italýan kärdeşini özi üçin islendik amatly wagtda resmi sapar bilen Türkmenistana gelmäge çagyrdy. Italiýanyň Baştutanynyň belleýşi ýaly, ol degişli şertler emele gelen wagtynda ýurdumyza gelip görmäge tüýs ýürekden şatdyr.
Prezident Serjio Mattarella türkmen-italýan hyzmatdaşlygynyň derejesine we many-mazmunyna ýokary baha berip, Daşary işler ministrlikleriniň arasyndaky gatnaşyklary pugtalandyrmak, ykdysady hem-de ynsanperwer hyzmatdaşlygy giňeltmek we diwersifikasiýalaşdyrmak, medeni çäreleri guramak, ýokary okuw mekdepleriniň arasynda gatnaşyklary çuňlaşdyrmak boýunça türkmen Lideriniň öňe süren ähli tekliplerini doly goldaýandygyny beýan etdi. Bellenilişi ýaly, ähli teklipler düýpli öwreniler hem-de durmuşa geçirmek üçin Italiýanyň Hökümetine berler.
In his congratulatory message to Xi Jinping, the President of Turkmenistan noted the great potential for expanding Turkmen-Chinese relations
On behalf of the people, the Government of Turkmenistan and himself, President Serdar Berdimuhamedov sent sincere congratulations and best wishes to the Chairman of the People's Republic of China Xi Jinping on the occasion of the Spring Festival, TDH writes.
Preparations for the autumn-winter season started
The gas economic organization "Bayramalyshahergas" of the department "Marygazupjunchilik" has started to implement a set of organizational and technical measures, the implementation of which is aimed at ensuring reliable and safe operation of the gas facilities in the coming autumn-winter period.
Supply of Turkmen oil products increased due to national ships
New national ships and the modern International Seaport built in the city of Turkmenbashi made it possible to establish stable supplies of Turkmen oil products abroad. This was stated by the Chairman of the Agency "Turkmendenizderyayollary" Agamurad Hayitmuradov at the conference "International transport and transit corridors: interconnection and development", which opened today in Ashgabat.
Products of TCOR and SC "Turkmengas" sold on the stock exchange of Turkmenistan
49 transactions were registered at the auctions of the State Commodity and Raw Materials Exchange of Turkmenistan last week.
Chairman of the Halk Maslahaty of Turkmenistan and the President of Kyrgyzstan discussed bilateral cooperation issues by phone
A number of important issues of bilateral cooperation were discussed by the National Leader of the Turkmen people, Chairman of the Halk Maslahaty of Turkmenistan Gurbanguly Berdimuhamedov and the President of the Kyrgyz Republic Sadyr Japarov during a telephone conversation that took place on Wednesday, January 29, TDH reports.