Ýagşygeldi Kakaýew adyndaky Halkara nebit we gaz uniwersitetiniň himiýa tehnologiýasy we ekologiýa fakultetiniň 1-nji ýyl talyby Güljan Aşyrowa hormatly Prezidentimiziň baştutanlygynda şanly Garaşsyzlygymyzyň 30 ýyllyk toýunyň toýlanjak ýyly bolan «Türkmenistan — parahatçylygyň we ynanyşmagyň Watany» ýyly mynasybetli Türkmenistanyň Bilim ministrliginiň, Türkmenistanyň Demokratik partiýasynyň Syýasy geňeşiniň, Türkmenistanyň Kärdeşler arkalaşyklarynyň Milli merkeziniň, Türkmenistanyň Magtymguly adyndaky Ýaşlar guramasynyň Merkezi geňeşiniň bilelikde ýurdumyzyň talyp ýaşlarynyň arasynda yglan eden «Parahatlyk ýürek baýdagy — Türkmenistan dostluk mekany» atly döredijilik bäsleşiginde ýeňiji bolmagy başardy.
Ol bäsleşige watansöýüjilik temasyndan ýazan makalasy bilen gatnaşdy. Onuň hormatly Prezidentimiziň «Döwlet guşy» romanynda türkmen tebigatyny, aýratyn hem Garagum sährasyny çeper suratlandyryşy baradaky pikirleri okyjyny özüne çekýär.
