ÜNS BERIŇ, BÄSLEŞIK!
11:34 16.01.2024 6851
Türkmenistanyň milli şaşka merkezi «Nebit-gaz» gazetiniň, «Ussatnews» elektron gazetiniň redaksiýalary bilen bilelikde Türkmenistanyň Garaşsyzlyk baýramynyň 33 ýyllygyna bagyşlap, sportuň şaşka görnüşi boýunça bäsleşik yglan edýär.
BÄSLEŞIGIŇ DÜZGÜNNAMASY
I.Bäsleşigi geçirmegiň tertibi
Bäsleşik 2024-nji ýylyň 1-nji fewralyndan 5-nji sentýabr aralygynda dowam eder. Onuň jemi şu ýylyň 5-nji sentýabrynda Aşgabat şäherinde jemleniler we ýeňijiler yglan ediler.
Bäsleşigiň dowam edýän döwründe gazetiň her sanynda okyjylara Ýagşygeldi Kakaýew adyndaky Halkara nebit we gaz uniwersitetiniň Balkanabat bölüminiň mugallymy, Bütindünýä Intellektual oýunlarynyň ýeňijisi, Türkmenistanyň milli şaşka merkeziniň agzasy Maksat Durdyýew tarapyndan täze şaşka meseleleri hödürleniler.
Bäsleşikde hödürleniljek meseleleriň her biriniň utugy tapawutly bolar, her mesele çap edilende, onuň ýanyndan näçe utuk berilýändigi ýazylar. Bäsleşige gatnaşyjylar meseleleriň çözgütlerini «Nebit-gaz» gazetinde çap edilen gününden başlap on günüň dowamynda poçta ýa-da faks bilen gazetiň redaksiýasyna ibermelidirler («Nebit-gaz» gazetiniň salgysy: Aşgabat şäheri, Arçabil şaýoly, 58-nji jaý, tel/faks: 44-19-13).
II. Bäsleşige gatnaşmagyň şerti
Bäsleşige «Nebit-gaz» gazetiniň her bir okyjysy gatnaşyp, meseleleriň çözgütlerini redaksiýa iberip biler. Iberilen çözgütleriň ýany bilen awtoryň öý salgysy, telefon belgisi, işleýän ýa-da okaýan ýeri takyk görkezilmelidir.
III. Bäsleşigiň ýeňijilerini kesgitlemek
Bäsleşige hödürlenilen şaşka meseleleriniň çözgütlerine baha bermek, ýeňijileri kesgitlemek Türkmenistanyň milli şaşka merkeziniň, «Nebit-gaz» gazetiniň, «Ussatnews» elektron gazetiniň redaksiýalarynyň wekillerinden düzülen eminler topary tarapyndan gelnen netijä laýyklykda amala aşyrylar.
Eminler toparynyň çykaran çözgüdine laýyklykda, bäsleşikde oňat netije gazanan bäş ýeňiji Hormat hatlary we baýraklar bilen sylaglanylar.
Guramaçylyk topary.
Serdar Berdimuhamedow: halkyň ýokary durmuş derejesini üpjün etmeklige gönükdirilen maksatnamalaryň durmuşa geçirilmegi dowam eder
Türkmenistanda halkyň ýokary durmuş derejesini üpjün etmeklige gönükdirilen maksatnamalaryň durmuşa geçirilmegi dowam etdiriler. Bu barada sişenbe güni Türkmenistanyň täze saýlanan Prezidenti Serdar Berdimuhamedow Ministrler Kabinetiniň we Döwlet howpsuzlyk geňeşiniň giňişleýin mejlisinde eden çykyşynda belledi.
Türkmenistanyň Prezidenti HHR-iň täze ilçisi bilen döwletara hyzmatdaşlygynyň ileri tutulýan ugurlaryny maslahatlaşdy
25-nji iýulda Prezident Serdar Berdimuhamedow Hytaý Halk Respublikasynyň Türkmenistanda täze bellenen Adatdan daşary we Doly ygtyýarly ilçisi Szi Şumin bilen geçiren duşuşygynda döwletara hyzmatdaşlygynyň ileri tutulýan ugurlaryny maslahatlaşdy diýip, TDH habar berýär.
Hökümet mejlisinde “Galkynyş” känini netijeli özleşdirmegiň meseleleri maslahatlaşyldy
25-nji iýulda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda döwlet durmuşyna degişli birnäçe meselelere seredildi diýip, TDH habar berýär.
Suwuklandyrylan gazyň eksportynyň çägi giňeýär
«Türkmengaz» döwlet konserniniň Lebap welaýatynda suwuklandyrylan gaz öndürmek boýunça müdirliginiň işi suwuklandyrylan gazyp önümçilik möçberlerini giňeltmeklige we ony eksport edijileriň sanawyny artdyrmaklyga gönükdirilendir. Häzirki zaman desgalarda öndürilen bu gymmatly önüm üçin täze eksport ugurlary kesgitlenildi.
Serdar Berdimuhamedow: Türkmenistan Russiýa bilen özara bähbitli gatnaşyklaryň okgunly ösdürilmegine gönükdirilen başlangyçlaryny dowam eder
Türkmenistan Russiýa bilen özara bähbitli gatnaşyklaryň okgunly ösdürilmegine gönükdirilen başlangyçlaryny dowam etdirmäge taýýar. Bu barada Türkmenistanyň täze saýlanan Prezidenti Serdar Berdimuhamedow sişenbe güni Russiýa Federasiýasynyň Prezidenti Wladimir Putin bilen geçiren telefon arkaly söhbetdeşliginde belledi diýip, Türkmenistanyň Döwlet habarlar agentligi habar berdi.