«Lebapgazçykaryş» müdirligi ýyllyk meýilnamasyny 11 aýda ýerine ýetirdi
09:41 03.01.2024 7923
«Türkmengaz» döwlet konserniniň «Lebapgazçykaryş» müdirliginiň işgärleri ýyllyk meýilnamalaýyn borçnamalaryny bellenilen möhletinden bir aýdan gowrak öň ýerine ýetirdiler.
Geçen ýylda müdirlik boýunça 9 milliard 875 million 120 müň kub metr tebigy gazy çykarmak meýilleşdirildi. Geçen ýylyň on bir aýynyň önümçilik görkezijileri 9 milliard 964,6 million kub metre deň boldy.
Mundan başga-da, geçen döwürde 36 müň tonnadan gowrak gaz kondensaty çykaryldy we Seýdiniň nebiti gaýtadan işleýän zawodlar toplumyna iberildi. Häzirki wagtda on bir aýyň meýilnamasy 103 göterim ýerine ýetirildi.
Gazanylýan netijelerde Malaý gaz käninde zähmet çekýän gazçylara aýratyn orun degişli. Bellenilen döwürde olar 5,9 milliard kub metrden gowrak tebigy gaz çykardylar. Bu görkeziji gaz kompressor bekediniň işe girizilmegi we onuň kuwwatlyklarynyň netijeli peýdalanylmagy mynasybetli mümkin boldy. Alynýan çig malyň düýpli bölegi Türkmenistan-Hytaý halkara gaz geçirijisi boýunda HHR-e iberilýär.
Zähmet önümçiligi üçin zerur şertleriň döredilmegi we işgärleriň abadan durmuşda ýaşamagy ugrundaky meseleler müdirligiň ileri tutýan meseleleriniň hatarynda durýar. Netijede, Garaşsyzlyk gününiň öňýanynda Türkmenistanyň Prezidentiniň karary bilen müdirligiň enjamlary abatlamak boýunça ussasy Nyýazmyrat Amansahedow, Malaý-Çartak sehiniň desgalarynyň tehnologik operatory Hudaýberen Allamyradow «Watana bolan söýgüsi üçin» medal bilen sylaglandy. Müdirlikde şular ýaly döwlet sylaglaryna mynasyp bolan işgärler köp.
Gaz känlerinde işler üznüksiz alnyp barylýar. Netijede her günde ortaça 30,5 million kub metrden gowrak «mawy ýangyç» iberilýär.
Serdar Berdimuhamedow: halkyň ýokary durmuş derejesini üpjün etmeklige gönükdirilen maksatnamalaryň durmuşa geçirilmegi dowam eder
Türkmenistanda halkyň ýokary durmuş derejesini üpjün etmeklige gönükdirilen maksatnamalaryň durmuşa geçirilmegi dowam etdiriler. Bu barada sişenbe güni Türkmenistanyň täze saýlanan Prezidenti Serdar Berdimuhamedow Ministrler Kabinetiniň we Döwlet howpsuzlyk geňeşiniň giňişleýin mejlisinde eden çykyşynda belledi.
Türkmenistanyň Prezidenti HHR-iň täze ilçisi bilen döwletara hyzmatdaşlygynyň ileri tutulýan ugurlaryny maslahatlaşdy
25-nji iýulda Prezident Serdar Berdimuhamedow Hytaý Halk Respublikasynyň Türkmenistanda täze bellenen Adatdan daşary we Doly ygtyýarly ilçisi Szi Şumin bilen geçiren duşuşygynda döwletara hyzmatdaşlygynyň ileri tutulýan ugurlaryny maslahatlaşdy diýip, TDH habar berýär.
Hökümet mejlisinde “Galkynyş” känini netijeli özleşdirmegiň meseleleri maslahatlaşyldy
25-nji iýulda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda döwlet durmuşyna degişli birnäçe meselelere seredildi diýip, TDH habar berýär.
Suwuklandyrylan gazyň eksportynyň çägi giňeýär
«Türkmengaz» döwlet konserniniň Lebap welaýatynda suwuklandyrylan gaz öndürmek boýunça müdirliginiň işi suwuklandyrylan gazyp önümçilik möçberlerini giňeltmeklige we ony eksport edijileriň sanawyny artdyrmaklyga gönükdirilendir. Häzirki zaman desgalarda öndürilen bu gymmatly önüm üçin täze eksport ugurlary kesgitlenildi.
Serdar Berdimuhamedow: Türkmenistan Russiýa bilen özara bähbitli gatnaşyklaryň okgunly ösdürilmegine gönükdirilen başlangyçlaryny dowam eder
Türkmenistan Russiýa bilen özara bähbitli gatnaşyklaryň okgunly ösdürilmegine gönükdirilen başlangyçlaryny dowam etdirmäge taýýar. Bu barada Türkmenistanyň täze saýlanan Prezidenti Serdar Berdimuhamedow sişenbe güni Russiýa Federasiýasynyň Prezidenti Wladimir Putin bilen geçiren telefon arkaly söhbetdeşliginde belledi diýip, Türkmenistanyň Döwlet habarlar agentligi habar berdi.