ÝHHG-niň Türkmenistandaky seminarynda metan zyňyndylaryny azaltmak meseleleri maslahatlaşyldy
10:49 08.11.2023 4296
Türkmenistanyň Döwlet energetika institutynyň, şeýle hem «Türkmengaz» we «Türkmennebit» döwlet konsernleriniň wekilleri ÝHHG tarapyndan metan zyňyndylaryny azaltmak ulgamynda gözegçiliklere we ylmy barlaglara bagyşlanyp, 6-7-nji noýabrda geçirilen seminara gatnaşdylar. Bu barada ÝHHG_niň Aşgabatdaky Merkezi habar berdi.
Iki günlük onlaýn çäräniň maksady ÝHHG agza döwletleriň metan zyňyndylaryny kesgitlemekde öňdebaryjy tejribesini hödürlemek we ölçemegiň degişli usullary bilen tanyşdyrmak, şeýle hem gözegçilikleri geçirmek bolup durýar.
«Metan güýçli bug gazy we klimaty hapalaýjy bolup durýar. Ol ekologiýa durnuklylygyna agyr howp salýar» - diýip, ykdysady-ekologiýa bölüminiň başlygynyň wezipesini ýerine ýetiriji Uilýam Lif aýtdy.
«Biz bu seminary Türkmenistanyň Hökümetiniň ekologiýa durnuklylygyny ilerletmek boýunça tagallalaryny goldamak we 2023-2024-nji ýyllar üçin kabul edilen Ýol kartasyny durmuşa geçirmeklige ýardam etmek üçin gurnadyk» diýip, Lif aýdýar.
Halkara bilermenler metanyň emissiýasynyň azaltmagyň netijelerine we mümkinçilikleri bahalandyrmaklyga aýratyn üns berdiler, şeýle hem metan zyňyndylaryny dolandyrmagyň tehnologik jähtleriniň üstünde durdular. Metanyň emissiýasyny kesgitlemek meseleleri, şeýle hem ölçemegiň we gözegçilik etmegiň usullary boýunça pikir alyşmalar geçirildi.
Belläp geçsek, 2023-nji ýylyň iýun aýynda Prezident Serdar Berdimuhamedowyň karary bilen 2023-2024-nji ýyllar üçin Türkmenistanyň Bütindünýä metan borçnamasyna goşulmak meselesini öwrenmäge gönükdirilen halkara hyzmatdaşlygyny ösdürmek boýunça «Ýol kartasy» tassyklanyldy.
Resminama daşky gurşawy goramak baradaky halkara borçnamalardan gelip çykýan wezipeleri ýerine ýetirmek, şol sanda zyňyndy gazlaryň möçberini azaltmak boýunça ýurtda Pariž ylalaşygyny durmuşa geçirmek, şeýle hem Türkmenistanyň Bütindünýä metan borçnamasyna goşulmak meselesini öwrenmekde dünýäniň ösen döwletleri, abraýly halkara guramalar we iri kompaniýalar bilen giňden halkara hyzmatdaşlygy ýola goýmak maksady bilen kabul edildi.
«Türkmengaz» DK gazyň çykarylyşyny we eksportyny artdyrmak boýunça taslamalary maliýeleşdirmek üçin CNPC bilen goşmaça ylalaşyk baglaşar
«Türkmengaz» döwlet konserni türkmen tebigy gazynyň çykarylyşyny we eksport möçberlerini artdyrmak maksady bilen, «CNPC» kompaniýasy bilen goşmaça ylalaşyklary baglaşar. Degişli resminama Türkmenistanyň Prezidenti gol çekdi.
Türkmenistanyň Prezidenti watandaşlaryny Gadyr gijesi mynasybetli gutlady
Prezidenti Serdar Berdimuhamedow Türkmenistanyň halkyna mukaddes Oraza aýynyň ynsanperwerligi, sahawatlylygy hem-de ýagşylygy dabaralandyrýan Gadyr gijesiniň ýetip gelmegi mynasybetli gutlag iberdi.
Türkmenistanyň Prezidentine ýurdumyzy ösdürmegiň geljek 30 ýyl üçin Maksatnamasynyň taslamasy hödürleniler
Geçen anna güni geçirilen Hökümet mejlisinde Ministrler Kabinetiniň Başlygynyň orunbasary Serdar Berdimuhamedow “Berkarar döwletiň täze eýýamynyň Galkynyşy: Türkmenistany 2022 — 2052-nji ýyllarda durmuş-ykdysady taýdan ösdürmegiň Milli maksatnamasynyň” taslamasynyň taýýarlanylyşy barada hasabat berdi.
Türkmenistanyň we Pakistanyň wekilleri Yslamabatda TOPH we elektrik geçiriji ulgamlaryň taslamalaryny maslahatlaşar
Türkmenistanyň daşary işler ministriniň orunbasary Wepa Hajiýew 2022-nji ýylyň 30-njy ýanwary — 4-nji fewraly aralygynda Pakistan Yslam Respublikasynyň Yslamabat şäherinde gulluk iş saparynda bolar. Degişli Buýruga Prezident Gurbanguly Berdimuhamedow geçen anna güni geçirilen Hökümet mejlisinde gol çekdi.
Serdar Berdimuhamedow watandaşlaryny BMG-niň Baş Assambleýasynyň «Türkmenistanyň hemişelik Bitaraplygy» atly Kararnamany kabul etmegi bilen gutlady
“Eziz watandaşlar! Sizi Halkara parahatçylyk we ynanyşmak ýylynyň ägirt uly halkara ähmiýetli taryhy hem-de şanly wakasy — 2025-nji ýylyň 21-nji martynda Birleşen Milletler Guramasynyň Baş Assambleýasynyň 79-njy sessiýasynyň 61-nji plenar mejlisinde «Türkmenistanyň hemişelik Bitaraplygy» atly Kararnamanyň kabul edilmegi bilen tüýs ýürekden gutlaýaryn” diýlip, Prezident Serdar Berdimuhamedowyň 25-nji martda merkezi neşirlerde çap edilen gutlagynda aýdylýar.