Türkmenistan we Koreýa Respublikasy söwda-ykdysady hyzmatdaşlyk hakynda Hökümetara ylalaşyga gol çekdiler
17:22 02.11.2023 2553
Türkmenistanyň Daşary işler ministri Raşid Meredow bilen Aşgabada resmi sapar bilen gelen Koreýa Respublikasynyň Daşary işler ministri Pak Çžiniň arasynda geçirilen duşuşygyň jemleri boýunça «Türkmenistanyň Hökümeti bilen Koreýa Respublikasynyň Hökümetiniň arasynda söwda we ykdysady hyzmatdaşlyk etmek barada Ylalaşyga» gol çekildi. Bu barada Türkmenistanyň daşary syýasat edarasynyň saýtynda aýdylýar.
Şeýle hem Türkmenistanyň Daşary işler ministrligi bilen Koreýa Respublikasynyň Daşary işler ministrliginiň arasynda 2024-2025-nji ýyllar üçin Hyzmatdaşlyk Maksatnamasyna gol çekildi.
Duşuşygyň barşynda daşary syýasat edaralaryň wekilleri iki ýurduň arasynda alnyp barylýan giň gerimli gatnaşyklary bilen bagly meseleleri ara alyp maslahatlaşdylar. Söhbetdeşler Türkmenistan we Koreýa Respublikasy üçin köp ýyllyk dostlukly we ysnyşykly ikitaraplaýyn gatnaşyklara daýanýan türkmen-koreý hyzmatdaşlygynyň geljekki ösüşiniň orny barada aýratyn belläp geçdiler. Mundan beýläk hem ikitaraplaýyn hyzmatdaşlygyň has-da giňeldilmeginde, berkidilmeginde ýokary derejeli gatnaşyklar uly orna eýe bolup durýar.
Gepleşikleriň dowamynda Türkmenistan bilen Koreýa Respublikasynyň arasyndaky ykdysady hyzmatdaşlygyň strategiki, dowamly we uzak möhletli häsiýete eýedigi nygtaldy.
Şunuň bilen baglylykda, söwda we ykdysady hyzmatdaşlygyň ileri tutulýan ugurlary barada pikir alşyldy. Olaryň arasynda Arkadag şäherinde senagat klasterini döretmek taslamalary, gaz himiýa zawodlaryny gurmak, elektrik ulaglaryny we elektrik awtobuslaryny satyn almak, “akylly şäherleriň” gurluşygyna iň täze sanly, maglumat, aragatnaşyk we beýleki tehnologiýalary ornaşdyrmak üçin maýa goýumlary, deňiz suwuny süýjediji usullary we tehnologiýalary ulanmak we suw serişdelerini rejeli peýdalanmak üçin täzeçillikler, maliýeleşdirmegiň diwersifikasiýasy, ýaşyl we wodorod energiýasy boýunça Koreýa Respublikasynyň tejribesini öwrenmek, bäsdeşlige ukyply önümlerini öndürmäge gönükdirilen häzirki zaman ýokary tehnologiýaly pudaklary döretmek ýaly taslamalar ara alnyp maslahatlaşyldy.
Şu nukdaýnazardan, Söwda, ykdysady, ylmy we tehnologiki hyzmatdaşlyk boýunça Hökümetara türkmen-koreý toparynyň işi biziň ýurtlarymyzyň arasyndaky söwda we ykdysady gatnaşyklary giňeltmek üçin netijeli gural hökmünde bellenildi.
Hoşallyk maslahaty geçirildi
Şu gün — 4-nji sentýabrda Türkmenistanyň Nebitgaz toplumynyň merkezi binasynyň mejlisler zalynda hormatly Prezidentimiziň 1-nji sentýabrda paýtagtymyzyň Maslahat köşgünde Bilimler we talyp ýaşlar güni hem-de täze okuw ýylynyň başlanmagy mynasybetli geçiren umumy okuw sapagy mynasybetli hoşallyk maslahaty geçirildi. Oňa nebitgaz toplumynyň ýolbaşçylary, hünärmenleri, Ýagşygeldi Kakaýew adyndaky halkara nebit we gaz uniwersitetiniň professor-mugallymlary we ýaşlar gatnaşdylar.
Aşgabatda türkmen-ýapon hyzmatdaşlygynyň ileri tutulýan ugurlary maslahatlaşyldy
Penşenbe güni Türkmenistanyň Prezidenti Gurbanguly Berdimuhamedow ýurdumyza iş sapary bilen gelen Ýaponiýanyň wekiliýetiniň ýolbaşçysy, ýurduň Ykdysadyýet, söwda we senagat boýunça Döwlet ministri Edzima Kiýosini kabul etdi diýip, Türkmenistanyň daşary syýasat edarasynyň saýty habar berýär.
Türkmenistanyň we BAE-niň wekilleri ikitaraplaýyn hyzmatdaşlyk meselelerini maslahatlaşdylar
29-njy awgustdan Birleşen Arap Emirliklerinde saparda bolýan Türkmenistanyň Daşary işler ministriniň orunbasary B.Mätiýewiň ýolbaşçylygyndaky türkmen wekiliýeti Türkmenistan bilen BAE-niň arasyndaky ikitaraplaýyn gatnaşyklaryň giň toplumy boýunça gepleşikleri geçirdiler.
Türkmenistanda 2024-nji ýylda durmuş-ykdysady taýdan ösdürmegiň we maýa goýum Maksatnamasy tassyklanyldy
2024-nji ýylda Türkmenistanyň jemi içerki önüminiň ösüş depginini 6,3 göterimde saklamak, daşary söwda dolanyşygynyň möçberini 20,7 milliard amerikan dollaryna ýetirmek, ýurdumyzyň ykdysadyýetine maliýeleşdirmegiň ähli çeşmeleriniň hasabyna jemi 38,5 milliard manat möçberinde maýa goýumlary gönükdirmek meýilleşdirilýär. Bu görkezijiler Türkmenistany 2024-nji ýylda durmuş-ykdysady taýdan ösdürmegiň we maýa goýum Maksatnamasynda tassyklanyldy. Degişli resminama Türkmenistanyň Prezidenti geçen anna güni geçirilen Hökümet mejlisinde gol çekdi.
Türkmenistanyň wekilleri “Merkezi Aziýa+ABŞ” kritiki minerallar boýunça Dialoga gatnaşdy
Türkmenistanyň Maliýe we ykdysadyýet ministrliginiň, "Türkmengeologiýa" döwlet korporasiýasynyň, "Türkmengaz", "Türkmennebit" we "Türkmenhimiýa" döwlet konsernleriniň wekillerinden ybarat wekiliýet Waşington şäherinde "Merkezi Aziýa+ABŞ" görnüşinde kritiki minerallar boýunça ilkinji dialoga gatnaşdy. Bu barada Türkmenistanyň Amerikanyň Birleşen Ştatlaryndaky ilçihanasy habar berýär.