TDHÇMB-niň söwdalarynda polipropilen, suwuklandyrylan gaz we ECO-93 awtobenzini satyldy

17:38 11.10.2023 3843

https://www.oilgas.gov.tm/storage/posts/8814/original-165264371a21f2.jpg

Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 51-si hasaba alyndy.

Daşary ýurt puluna Birleşen Arap Emirlikleriniň, Gruziýanyň, Owganystanyň, Özbegistanyň işewür toparlarynyň wekilleri “Türkmennebit” döwlet konserniniň kärhanasynda öndürilen suwuklandyrylan gazy, şeýle hem “Türkmenhimiýa” döwlet konserniniň kärhanasynda öndürilen ECO-93 kysymly awtobenzini we polipropilen önümlerini satyn aldylar.

Mundan başga-da, daşary ýurt puluna BAE-niň, Türkiýäniň, Gyrgyzystanyň telekeçileri tüýjümek önümleriň dürli görnüşlerini, nah matany we nah ýüplügini satyn aldylar. Geleşikleriň jemi bahasy ABŞ-nyň 93 million 919 müň dollaryndan gowrak boldy.

Ýurdumyzyň telekeçileri içerki bazar üçin “Türkmennebit” döwlet konserniniň kärhanasynda öndürilen önümleri, hususan-da, polipropileni, “Türkmenaglomerat” kondisiýasyz polipropileni, gaplaýyş we reňkli plýonkany satyn aldylar. Geleşikleriň jemi bahasy 27 million 23 müň manatdan gowrak boldy.

Başga makalalar

Türkmenistanyň biržasynda 52 million dollarlyk mazut we ECO-93 benzini satyldy

Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 36-sy hasaba alyndy.

Ýanwar aýynyň jemlerine garaldy

Şu gün Türkmenistanyň nebitgaz toplumynyň merkezi binasynda «Halkyň Arkadagly zamanasy» ýylynyň ýanwar aýynda ýerine ýetirilen işleriň jemine bagyşlanan hasabat ýygnagy geçirildi. Onda 3-nji fewralda hormatly Prezidentimiz Gurbanguly Berdimuhamedowyň milli ykdysadyýetimiziň pudaklarynda şu ýylyň ýanwar aýynda alnyp barlan işleriň netijelerine bagyşlap, sanly ulgam arkaly geçiren Türkmenistanyň Ministrler Kabinetiniň nobatdaky mejlisinde ýurdumyzyň nebitgaz toplumynyň öňünde goýan wezipeleri ara alnyp maslahatlaşyldy.

Aşgabat: +2°C

Balkan: -1°C

Ahal: +2°C

Mary: 0°C

Lebap: +1°C

Daşoguz: -11°C