Çökgünlik howpy nebitiň bahalaryny aşakladýar — analitikler II ýarym ýylda Brentiň bahalarynyň 100 dollar bolmagyna garaşýarlar
17:22 23.07.2022 4447
Energiýa geçirijileriň bazarynda çökgünlik zerarly dünýä ykdysadyýetinde emele gelip biljek çökgünlik bilen bagly howatyrlanmalar iýul aýynyň dowamynda Brent nebitiniň bahalaryny 7% aşaklatdy. Bu günki gün barreliň bahasy 103 dollardan aşaklatdy. Pudaklaýyn analitikler bahalaryň ýene-de birnäçe dollar aşaklajakdygyna we şol derejede 2022-nji ýylyň ahyryna çenli saklanjakdygyna ynanýarlar diýip, Interfaks habar berýär.
Bu günki gün nebit bahalary üçin esasy howp dünýä ykdysadyýetiniň çökgünligi bolup durýar. Sanksiýa garşylygy we ählumumy bazarda ibermeleriň gaýtadan üýtgedilmegi zerarly ýüze çykan energiýa geçirijileriniň bahasynyň düýpli ýokarlanmagy netijesinde soňky aýlaryň dowamynda bilermenler çökgünligi çaklaýarlar.
«Islegiň aşaklamagy orta wagt aralygynda bahalaryň aşaklamagyna getirerdi, emma bizde dünýä boýunça kadalaşdyryjy —OPEC+ bar. Eger-de isleg düýpli aşaklasa, ol nebit çykarmak boýunça kadany çäklendirer» - diýip, Milli energetika institutynyň Baş direktorynyň orunbasary Aleksandr Frolow aýtdy.
Geçen dynç günlerinde ABŞ-nyň Prezidenti Jo Baýden Saud Arabystanyna sapar amala aşyrdy. Gepleşikleriň netijeleri boýunça amerikan tarapy patyşalyk bilen ylalaşyk gazandy. Oňa laýyklykda, dünýä nebit bazarynda deňagramlylygy goldamak boýunça borçnamalar alnar. Hususan-da, Birleşen Ştatlar «önümçilik derejesiniň iýul we awgust üçin meýilleşdirileninden 50% ýokarlanmagyny goldady».
Bazarda teklibiň artmagy nebitiň bahalaryny has-da aşakladardy, emma Frolowyň hasaplamalaryna görä, ýakynda geljekde patyşalyk bazara bary-ýogy günde 85 müň barrel iberip biler. «Russiýanyň galmagynda we Liwiýa ýaly ýurtlar tarapyndan bazara ibermeleriň dolmazlygynyň çäginde bu iň az möçber» - diýip, Frolow düşündirdi.
Interfaks tarapyndan sorag edilenler Brent nebitiniň ikinji ýarym ýylda barreli üçin 100 dollar bolmagy baradaky pikirde ylalaşýarlar.
Çökgünlikden we islegiň soňrakky ýaramazlaşmagyndan başga-da, baha ýagdaýyna pandemiýanyň täze tolkuny hem täsir edip biler. Bazar Hytaýyň koronawirus boýunça berk çäklendirmeleriň girizmegi netijesinde islegiň peselmegi bilen eýýäm ýüzbe-ýüz bolup gördi. Bu hili çäreleriň beýleki ýurtlarda hem bolmagy ahmal. Hususan-da, BSGG şu hepdede Ýewropada COVID-19-yň täze akymyny bellige aldy we dessin çäreleri görmäge çagyrdy.
Türkmenistanyň Prezidenti Saud Arabystanynyň täze ilçisi bilen hyzmatdaşlygyň ileri tutulýan ugurlaryny maslahatlaşdy
17-nji aprelde Prezident Serdar Berdimuhamedow Saud Arabystany Patyşalygynyň Türkmenistanda täze bellenen Adatdan daşary we Doly ygtyýarly ilçisi Amer bin Ali Al-Şehrini kabul etdi. Ol döwlet Baştutanymyza ynanç hatyny gowşurdy diýip, TDH habar berýär.
TDHÇMB-nyň söwdalarynda geleşikleriň jemi 38-si hasaba alyndy
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 38-si hasaba alyndy,diýip Türkmenistanyň Döwlet habarlar agentligi habar berýär.
Türkmenistanyň we HHR-niň Liderleri Hytaýa täze gaz geçirijiniň gurluşygy barada ylalaşdylar
Prezident Gurbanguly Berdimuhamedowyň Hytaý Halk Respublikasyna iş saparynyň çäklerinde şenbe güni Hytaý Halk Respublikasynyň Başlygy Si Szinpin bilen duşuşdy diýip, Türkmenistanyň Döwlet habarlar agentligi habar berýär.
Türkmenistanyň biržasynda 52 million dollarlyk mazut we ECO-93 benzini satyldy
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 36-sy hasaba alyndy.
Ýurdumyzda Gurban baýramy ýokary ruhubelentlikde bellenilýär
Toýlary toýa, baýramlary baýrama ulaşýan eziz Watanymyzda mukaddes Gurban baýramy dowam edýär. Aşgabat, Arkadag şäherlerinde hem-de ýurdumyzyň welaýatlarynda, oba-kentlerinde Gurban baýramynyň dabarasy uly ruhubelentlige beslenýär. Toý gazanlary atarylyp, milli naharlarymyz bişirilýär. Sungat ussatlarynyň ýerine ýetirmeginde aýdym-sazyň sesi belentden ýaňlanýar. Her bir döwletli maşgalada saçaklary bezäp, gelen myhmanlara dürli naz-nygmatlar hödürläp, birek-birege «Gurbanlygyňyz kabul bolsun!» diýip, ýagşy dilegler edilýär.