Mohammed Barkindo: erkin çykaryş kuwwatlyklary taryhda iň pes ýagdaýda, syýasy çözgütler zerur
09:20 07.07.2022 4946
*** OPEC-iň Baş sekretarynyň Nigeriýada geçen maslahatdan iň soňky çykyşyndan
Gazylyp alynýan ýangyçdan el çekmäge çagyryşyň netijesinde pudaga doly maýa goýmazlyk zerarly 62 ýyllyk taryhyň dowamynda OPEC ýurtlarynyň erkin çykaryş kuwwatlyklary iň pes ýagdaýda, bazarda nebit ýetmezçiliginiň meselesini çözmek üçin syýasy çözgütler zerur. Bu barada OPEC-iň Baş sekretary Mohammed Barkindo 5-nji iýulda Nigeriýadan geçen maslahatyň açylyşynda eden çykyşynda belledi.Görlüp oturylsa, bu Mohammed Barkindonyň köpçüligiň öňünde iň soňky çykyşy boldy. Ol şol gün gije aradan çykdy.Maslahatda eden çykyşynda Barkindo nebit pudagynyň maýa goýum mümkinçiliklerine häzir hem-de uzak geljekde päsgelçilik berýän birnäçe ugurlar boýunça ägirt uly meseleler bilen ýüzbe ýüz bolýandygyny belledi. «Nebitgaz pudagy gabawda!» - diýip Barkindo belledi.«Birinjiden, Gündogar Ýewropada üýtgeýän geosyýasy wakalar, Ukrainada söweş hereketleriniň dowam etmegi, COVID-19 pandemiýasynyň dowam etmegi we tutuş dünýä boýunça puluň hümmetsizlenmeginiň artmagy bir bitewi harasada birleşip, haryt bazarynda, aýratyn hem energiýa dünýäsinde nätakyklygy döredýär» - diýip ol belledi.«Şunuň netijesinde senagat taýdan ösen ýurtlaryň we köpugurly guramalaryň birnäçesi energetiki geçişi çaltlandyrmaga we energo sarp edişi düýpli üýtgetmäge gönükdirilen aýgytly syýasaty geçirmegini dowam edýärler» - diýip, Barkindo belledi. Onuň bellemegine görä, nebit pudagy 2015-2016-njy ýyllaryň bazar çökgünligi we COVID-19 pandemiýasy zerarly «ägirt uly maýa goýum ýitgilerinden» saplanmady.Onuň sözlerine görä, 2020-nji ýylda nebitiň gözlegine we çykarylyşyna umumy çykdajylar takmynan 30% peseldi, 2015-2016-njy ýyllarda hem bu görkeziji 26% aşaklady.OPEC-iň bahalandyrmasyna görä, dünýäniň nebit toplumyna 2045-nji ýyla çenli energiýa islegiň 28% artmagyna garaşmagy kanagatlandyrmak üçin gözleg, ibermek we gaýtadan işlemek üçin 2045-nji ýyla çenli 11,8 trln dollar möçberinde maýa goýum gerek bolar. Garaşylyşy ýaly, nebit energetiki deňagramlylykda esasy paýyny saklap galyp, 2045-nji ýylda 28%-den sähel geçer, ondan soň 24% bilen gaz durar.«Nebit bazaryna maýa goýmazlygyň ýyllary bazaryň häçirki dartgynlylygyny we erkin kuwwatlyklaryň aşa az mukdaryny düşündirmäge mümkinçilik berýär. OPEC-iň 62 ýyllyk taryhynda ätiýaçlyk kuwwatlyklar şu wagtky ýaly pes derejede bolmandy. Bu uruşlary, tebigy betbagtçylyklary we bazaryň beýleki sarsgynlaryny nazara alanyňda şeýle. Eger-de bu ýagdaý saklanyp galsa, ol bizi geljekde hem yzarlap biler» diýip OPEC-iň Baş sekretary belledi.
«Halkara ulag-üstaşyr geçelgeleri: özara baglanyşyklylyk we ösüş» Halkara maslahaty 18-20-nji iýulda geçiriler
18-20-nji iýulda Aşgabatda «Halkara ulag-üstaşyr geçelgeleri: özara baglanyşyklylyk we ösüş» Halkara maslahaty geçiriler. Forumyň maksady pandemiýadan soňky dikeldiş boýunça ileri tutulýan meseleleri maslahatlaşmak, halkara daşamalar ulgamynda täze şertlere uýgunlaşmak we netijeli halkara ulag-üstaşyr geçelgelerini ösdürmek bolup durýar.
Türkmenistanyň Prezidenti ABŞ-nyň işewür toparlarynyň wekilleri bilen hyzmatdaşlygyň ileri tutulýan ugurlaryny maslahatlaşdy
16-njy dekabr Prezident Serdar Berdimuhamedow Türkmen-amerikan işewürlik maslahatyna gatnaşmak üçin ýurdumyza gelen ABŞ-nyň işewür toparlarynyň wekilleri bilen hyzmatdaşlygyň ileri tutulýan ugurlaryny maslahatlaşdy diýip, TDH habar berýär.
Türkmenistanyň DIM-niň ýolbaşçysy Eýranyň energetika ministri bilen energetika we gaz pudagynda hyzmatdaşlygy maslahatlaşdy
Türkmenistanyň Daşary işler ministrliginde Raşid Meredow bilen Eýranyň Energetika ministri Abbas Aliabadiniň arasynda geçirilen duşuşykda energetika we gaz pudaklarynda ikitaraplaýyn hyzmatdaşlygyň meseleleri maslahatlaşyldy diýip, türkmen daşary syýasat edarasynyň saýtynda habar berilýär.
Türkmenistanyň Prezidenti Ykdysady hyzmatdaşlyk boýunça ýapon-türkmen komitetiniň başlygyny kabul etdi
16-njy dekabrda Prezident Serdar Berdimuhamedow «ITOCHU Corporation» kompaniýasynyň direktorlar geňeşiniň agzasy, ýerine ýetiriji wise-prezidenti, maşyn we enjamlar kompaniýasynyň prezidenti, Ykdysady hyzmatdaşlyk boýunça ýapon-türkmen komitetiniň başlygy Hiroýuki Subaýy kabul etdi
Energetika hyzmatdaşlygyny ösdürmek — Azerbaýjanyň wekiliýeti bilen duşuşygyň üns merkezinde
Çarşenbe güni Türkmenistanyň Daşary işler ministrliginiň binasynda wise-premýer, Türkmenistanyň Daşary işler ministri Raşid Meredowyň Aşgabada iş sapary bilen gelen Azerbaýjan Respublikasynyň Ykdysadyýet ministri Mikail Jabbarowyň baştutanlygyndaky wekilýet bilen duşuşygynda energetika ulgamynda ikitaraplaýyn hyzmatdaşlygy ösdürmegiň mümkinçilikleri ara alnyp maslahatlaşyldy. Bu barada Türkmenistanyň daşary syýasat edarasynyň saýty habar berýär.